ચોમાસાની ઋતુની શરૂઆત થતાં જ રાત્રિના અંધકારનો લાભ લઈ તસ્કરો સક્રિય થયા છે. બારડોલી તાલુકાના નિણત અને પલસાણા તાલુકાના અમલસાડી તેમજ આસપાસના ગામોમાં ખેતીવાડીને નિશાન બનાવી ચોરોએ ભારે તરખાટ મચાવ્યો છે. પલસાણાના અમલસાડી ગામે બ્લોક નંબર ૧૦૬ વાળી ખેતીની જમીનમાંથી વોટર સોલાર સિસ્ટમનું કિંમતી ઇન્વર્ટર ચોરી કરી તસ્કરો ફરાર થઈ ગયા છે, જે અંગે ખેતર માલિક દ્વારા પલસાણા પોલીસ મથકે વિધિવત ફરિયાદ નોંધાવવામાં આવી છે. ખેતરોમાં લગાવવામાં આવેલા મોંઘા દાટ વોટર સોલાર પ્લાન્ટના ઇન્વર્ટર, બેટરી અને કિંમતી વાયરોની વ્યાપક ચોરી થતાં જગતના તાતમાં ભારે રોષ અને ચિંતાની લાગણી વ્યાપી ગઈ છે. સ્થાનિક ખેડૂતોના જણાવ્યા અનુસાર, વરસાદી માહોલ અને રાત્રિના સન્નાટાનો લાભ ચોર ટોળકી ઉઠાવી રહી છે. આ અગાઉ પણ ૫૦ થી વધુ ખેતરોમાંથી લાઈનના તાર અને મોટરના વાયરોની મોટા પ્રમાણમાં ચોરી થઈ હતી. ખેતરોમાં રાખેલી પાણીની મોટર, સોલાર પેનલના ઇન્વર્ટર, બેટરી તેમજ વીજ જોડાણ માટેના કિંમતી વાયરો કાપીને ચોરી જવાની ઘટનાઓ દિનપ્રતિદિન વધી રહી છે. વાવણીના આ મહત્વના સમયે આર્થિક નુકસાન વેઠવાનો વારો આવતા ખેડૂતોમાં ભયનો માહોલ છે. આથી ખેડૂતોએ પલસાણા અને બારડોલી પોલીસ દ્વારા રાત્રિ પેટ્રોલિંગ સઘન બનાવી આ તસ્કર ટોળકીને વહેલી તકે ઝબ્બે કરી જેલના સળિયા પાછળ ધકેલવાની ઉગ્ર માંગ કરી છે.

Hetalkumar manharbhai mis

પલસાણા, સુરત, ગુજરાત•

4 hrs ago

ચોમાસાની ઋતુની શરૂઆત થતાં જ રાત્રિના અંધકારનો લાભ લઈ તસ્કરો સક્રિય થયા છે. બારડોલી તાલુકાના નિણત અને પલસાણા તાલુકાના અમલસાડી તેમજ આસપાસના ગામોમાં ખેતીવાડીને નિશાન બનાવી ચોરોએ ભારે તરખાટ મચાવ્યો છે. પલસાણાના અમલસાડી ગામે બ્લોક નંબર ૧૦૬ વાળી ખેતીની જમીનમાંથી વોટર સોલાર સિસ્ટમનું કિંમતી ઇન્વર્ટર ચોરી કરી તસ્કરો ફરાર થઈ ગયા છે, જે અંગે ખેતર માલિક દ્વારા પલસાણા પોલીસ મથકે વિધિવત

ફરિયાદ નોંધાવવામાં આવી છે. ખેતરોમાં લગાવવામાં આવેલા મોંઘા દાટ વોટર સોલાર પ્લાન્ટના ઇન્વર્ટર, બેટરી અને કિંમતી વાયરોની વ્યાપક ચોરી થતાં જગતના તાતમાં ભારે રોષ અને ચિંતાની લાગણી વ્યાપી ગઈ છે. સ્થાનિક ખેડૂતોના જણાવ્યા અનુસાર, વરસાદી માહોલ અને રાત્રિના સન્નાટાનો લાભ ચોર ટોળકી ઉઠાવી રહી છે. આ અગાઉ પણ ૫૦ થી વધુ ખેતરોમાંથી લાઈનના તાર અને મોટરના વાયરોની મોટા પ્રમાણમાં ચોરી થઈ હતી.

ખેતરોમાં રાખેલી પાણીની મોટર, સોલાર પેનલના ઇન્વર્ટર, બેટરી તેમજ વીજ જોડાણ માટેના કિંમતી વાયરો કાપીને ચોરી જવાની ઘટનાઓ દિનપ્રતિદિન વધી રહી છે. વાવણીના આ મહત્વના સમયે આર્થિક નુકસાન વેઠવાનો વારો આવતા ખેડૂતોમાં ભયનો માહોલ છે. આથી ખેડૂતોએ પલસાણા અને બારડોલી પોલીસ દ્વારા રાત્રિ પેટ્રોલિંગ સઘન બનાવી આ તસ્કર ટોળકીને વહેલી તકે ઝબ્બે કરી જેલના સળિયા પાછળ ધકેલવાની ઉગ્ર માંગ કરી છે.