सेवा संकल्प अभियानाच्या अंमलबजावणीसाठी समन्वयाने नियोजन करा - जिल्हाधिकारी कुमार आशीर्वाद! सेवा संकल्प अभियानाच्या अंमलबजावणीसाठी समन्वयाने नियोजन करा - जिल्हाधिकारी कुमार आशीर्वाद! नागपूर, दि. १७ : सामान्य नागरिकांपर्यंत शासकीय योजनांचे लाभ पोहोचवण्यासाठी सेवा संकल्प अभियानाचे नियोजन करताना संबंधित विभागांनी आपसात समन्वय ठेवण्याच्या सूचना जिल्हाधिकारी कुमार आशीर्वाद यांनी संबंधित अधिकाऱ्यांना दिल्या. राज्य शासनाच्या परिपत्रकानुसार १७ सप्टेंबर ते १७ ऑक्टोबर २०२६ या कालावधीत राज्यभरात ‘सेवा संकल्प अभियान’ राबविण्यात येत आहे. या पार्श्वभूमीवर जिल्हाधिकारी श्री. आशीर्वाद यांनी संबंधित सर्व अधिकाऱ्यांची बैठक घेऊन अभियानाची प्रभावी अंमलबजावणी करण्याचे निर्देश दिले. बैठकीस वनविभागाचे सहायक वनसंरक्षक यश काळे, अतिरिक्त जिल्हाधिकारी प्रवीण महिरे, निवासी उपजिल्हाधिकारी अनुप खांडे यांच्यासह शिक्षण विभाग, कृषी विभाग, जिल्हा महिला व बालविकास, भूमी अभिलेख, समाज कल्याण आणि महावितरण विभागाचे अधिकारी उपस्थित होते. सर्व उपविभागीय अधिकारी, तहसीलदार व नायब तहसीलदार दूरदृश्य संवादप्रणालीद्वारे बैठकीस उपस्थित होते. प्रत्येक तालुका स्तरावर सेवा सेतू अभियानांतर्गत विशेष शिबिरांचे आयोजन करावे. केंद्र व राज्य सरकारच्या विविध योजनांचे थेट लाभ पात्र नागरिकांना त्वरित उपलब्ध करून द्यावेत. ‘आपले सरकार’ केंद्रांवर अर्ज प्रक्रिया सुलभ व जलद करण्यासाठी केंद्रावरच अर्ज भरून घेऊन शिबिराच्या ठिकाणीच थेट लाभ हस्तांतरित करावा. महसूल व वन विभागाच्या शासन निर्णयानुसार प्रत्येक तालुक्यात किमान एका ठिकाणी ‘छत्रपती शिवाजी महाराज महाराजस्व समाधान शिबिर’ आयोजित करण्याच्या सूचना जिल्हाधिकाऱ्यांनी दिल्या. या कालावधीत तालुकास्तरावर ‘सेवा सेतू’ शिबिरात वन हक्क दावे स्वीकारावेत. मुख्यमंत्री बळीराजा योजनेअंतर्गत पाणंद रस्ते उपलब्ध करणे, पात्र लाभार्थ्यांना शिधापत्रिकांचे वितरण, मालमत्ता हस्तांतरणाच्या नोंदी घेणे, नळ जोडणी, महिला बचत गटांची नोंदणी, दिव्यांगांना प्रमाणपत्र देणे, तसेच बिरसा मुंडा कृषी क्रांती योजनेअंतर्गत सिंचन विहिरींसाठी अनुसूचित जमातीच्या लाभार्थ्यांची ऑनलाइन नोंदणी करावी. तसेच जमिनीच्या खरेदी-विक्रीचे व्यवहार आणि सातबाराच्या नोंदी अद्ययावत कराव्यात व लाभार्थ्यांना तात्काळ प्रमाणपत्र उपलब्ध करून देण्याच्या सूचना श्री. आशीर्वाद यांनी यावेळी केल्या. ‘सेवा संकल्प अभियानात’ विविध उपक्रमांचा समावेश करण्यात आला आहे. त्यात शैक्षणिक संस्था, स्टार्टअप नेटवर्क व खासगी कंपन्यांच्या सहभागातून युवा व विद्यार्थ्यांना ‘इनोव्हेशन चॅलेंज’अंतर्गत डिजिटल प्लॅटफॉर्म उपलब्ध करून देण्यात येणार आहे. ‘सेवा माझे योगदान’ कार्यक्रमात रक्तदान शिबिर, वृक्षारोपण अभियान, आरोग्य तपासणी, योग आणि ध्यान सत्र, स्वच्छता मोहीम राबविण्याचे नियोजन करावे. विकसित भारत संकल्प यात्रा, सेवा ज्योत यात्रा, चित्रकला व वक्तृत्व स्पर्धा, अंगणवाडी उत्सव, आशीर्वादाचा दिवा, बदलाची गोष्ट, आभार आणि संकल्पांची रांगोळी, नमो सेवागाथा, जल जन आणि सेवासंकल्प यात्रा, जनसेवक महाकुंभ इत्यादी कार्यक्रमांचे आयोजन करताना नागरिकांना सहभागी करून घ्यावे. संबंधित विभागांनी त्यांना सोपवलेल्या जबाबदाऱ्या पार पाडाव्यात, अशा सूचना जिल्हाधिकाऱ्यांनी केल्या.

Ashok Mate

Sports Coach नागपूर (शहरी), नागपूर, महाराष्ट्र•

2 hrs ago

सेवा संकल्प अभियानाच्या अंमलबजावणीसाठी समन्वयाने नियोजन करा - जिल्हाधिकारी कुमार आशीर्वाद! सेवा संकल्प अभियानाच्या अंमलबजावणीसाठी समन्वयाने नियोजन करा - जिल्हाधिकारी कुमार आशीर्वाद! नागपूर, दि. १७ : सामान्य नागरिकांपर्यंत शासकीय योजनांचे लाभ पोहोचवण्यासाठी सेवा संकल्प अभियानाचे नियोजन करताना संबंधित विभागांनी आपसात समन्वय ठेवण्याच्या सूचना जिल्हाधिकारी कुमार आशीर्वाद यांनी संबंधित अधिकाऱ्यांना दिल्या. राज्य शासनाच्या परिपत्रकानुसार १७ सप्टेंबर ते १७ ऑक्टोबर २०२६ या कालावधीत राज्यभरात ‘सेवा संकल्प अभियान’ राबविण्यात येत आहे. या पार्श्वभूमीवर जिल्हाधिकारी श्री. आशीर्वाद यांनी संबंधित सर्व अधिकाऱ्यांची बैठक घेऊन अभियानाची प्रभावी अंमलबजावणी करण्याचे निर्देश दिले. बैठकीस वनविभागाचे सहायक वनसंरक्षक यश काळे, अतिरिक्त जिल्हाधिकारी प्रवीण महिरे, निवासी उपजिल्हाधिकारी अनुप खांडे यांच्यासह शिक्षण विभाग, कृषी विभाग, जिल्हा महिला व बालविकास, भूमी अभिलेख, समाज कल्याण आणि महावितरण विभागाचे अधिकारी उपस्थित होते. सर्व उपविभागीय अधिकारी, तहसीलदार व नायब तहसीलदार दूरदृश्य संवादप्रणालीद्वारे बैठकीस उपस्थित होते. प्रत्येक तालुका स्तरावर सेवा सेतू अभियानांतर्गत विशेष शिबिरांचे आयोजन करावे. केंद्र व राज्य सरकारच्या विविध योजनांचे थेट लाभ पात्र नागरिकांना त्वरित उपलब्ध करून द्यावेत. ‘आपले सरकार’ केंद्रांवर अर्ज प्रक्रिया सुलभ व जलद करण्यासाठी केंद्रावरच अर्ज भरून घेऊन शिबिराच्या ठिकाणीच थेट लाभ हस्तांतरित करावा. महसूल व वन विभागाच्या शासन निर्णयानुसार प्रत्येक तालुक्यात किमान एका ठिकाणी ‘छत्रपती शिवाजी महाराज महाराजस्व समाधान शिबिर’ आयोजित करण्याच्या सूचना जिल्हाधिकाऱ्यांनी दिल्या. या कालावधीत तालुकास्तरावर ‘सेवा सेतू’ शिबिरात वन हक्क दावे स्वीकारावेत. मुख्यमंत्री बळीराजा योजनेअंतर्गत पाणंद रस्ते उपलब्ध करणे, पात्र लाभार्थ्यांना शिधापत्रिकांचे वितरण, मालमत्ता हस्तांतरणाच्या नोंदी घेणे, नळ जोडणी, महिला बचत गटांची नोंदणी, दिव्यांगांना प्रमाणपत्र देणे, तसेच बिरसा मुंडा कृषी क्रांती योजनेअंतर्गत सिंचन विहिरींसाठी अनुसूचित जमातीच्या लाभार्थ्यांची ऑनलाइन नोंदणी करावी. तसेच जमिनीच्या खरेदी-विक्रीचे व्यवहार आणि सातबाराच्या नोंदी अद्ययावत कराव्यात व लाभार्थ्यांना तात्काळ प्रमाणपत्र उपलब्ध करून देण्याच्या सूचना श्री. आशीर्वाद यांनी यावेळी केल्या. ‘सेवा संकल्प अभियानात’ विविध उपक्रमांचा समावेश करण्यात आला आहे. त्यात शैक्षणिक संस्था, स्टार्टअप नेटवर्क व खासगी कंपन्यांच्या सहभागातून युवा व विद्यार्थ्यांना ‘इनोव्हेशन चॅलेंज’अंतर्गत डिजिटल प्लॅटफॉर्म उपलब्ध करून देण्यात येणार आहे. ‘सेवा माझे योगदान’ कार्यक्रमात रक्तदान शिबिर, वृक्षारोपण अभियान, आरोग्य तपासणी, योग आणि ध्यान सत्र, स्वच्छता मोहीम राबविण्याचे नियोजन करावे. विकसित भारत संकल्प यात्रा, सेवा ज्योत यात्रा, चित्रकला व वक्तृत्व स्पर्धा, अंगणवाडी उत्सव, आशीर्वादाचा दिवा, बदलाची गोष्ट, आभार आणि संकल्पांची रांगोळी, नमो सेवागाथा, जल जन आणि सेवासंकल्प यात्रा, जनसेवक महाकुंभ इत्यादी कार्यक्रमांचे आयोजन करताना नागरिकांना सहभागी करून घ्यावे. संबंधित विभागांनी त्यांना सोपवलेल्या जबाबदाऱ्या पार पाडाव्यात, अशा सूचना जिल्हाधिकाऱ्यांनी केल्या.