नांदेड शहरातील डॉक्टर लेन परिसरातील स्टेट बँक ऑफ इंडिया (SBI) शाखेत मोठ्या आर्थिक गैरव्यवहाराचा धक्कादायक प्रकार उघडकीस आला आहे. बँकेतील कॅश मॅनेजर आदित्य सेनगावकर आणि सर्व्हिस मॅनेजर जीवन जगदाळे या दोन अधिकाऱ्यांनी संगनमत करून तारण ठेवलेल्या सोन्याच्या दागिन्यांमध्ये फेरफार करत तब्बल ८५ लाख ८१ हजार ५९७ रुपयांचा अपहार केल्याची घटना समोर आली आहे. मिळालेल्या माहितीनुसार, आरोपींनी बँकेच्या ताब्यात असलेले ३९१.६० ग्रॅम अस्सल सोने काढून त्याऐवजी ४१४.३० ग्रॅम बनावट सोने ठेवल्याचे चौकशीत निष्पन्न झाले. हा प्रकार उघडकीस आल्यानंतर बँक प्रशासनाने अंतर्गत चौकशी सुरू केली होती, ज्यात या गैरव्यवहाराची पुष्टी झाली. त्यानंतर, संबंधित अधिकाऱ्यांच्या तक्रारीवरून वजीराबाद पोलीस ठाण्यात आरोपींविरुद्ध भारतीय न्याय संहिता (BNS) २०२३ मधील कलम ३१६(५), ३१८(४) आणि ३(५) अंतर्गत गुन्हा दाखल करण्यात आला आहे. या घटनेमुळे बँकिंग व्यवस्थेतील सुरक्षेचा प्रश्न पुन्हा ऐरणीवर आला असून, या प्रकरणी पोलीस अधिक तपास करत आहेत.

Mohammad Rafikh

Graphic designer माहूर, नांदेड, महाराष्ट्र•

1 hr ago

नांदेड शहरातील डॉक्टर लेन परिसरातील स्टेट बँक ऑफ इंडिया (SBI) शाखेत मोठ्या आर्थिक गैरव्यवहाराचा धक्कादायक प्रकार उघडकीस आला आहे. बँकेतील कॅश मॅनेजर आदित्य सेनगावकर आणि सर्व्हिस मॅनेजर जीवन जगदाळे या दोन अधिकाऱ्यांनी संगनमत करून तारण ठेवलेल्या सोन्याच्या दागिन्यांमध्ये फेरफार करत तब्बल ८५ लाख ८१ हजार ५९७ रुपयांचा अपहार केल्याची घटना समोर आली आहे. मिळालेल्या माहितीनुसार, आरोपींनी बँकेच्या ताब्यात असलेले ३९१.६० ग्रॅम अस्सल सोने काढून त्याऐवजी ४१४.३० ग्रॅम बनावट सोने ठेवल्याचे चौकशीत निष्पन्न झाले. हा प्रकार उघडकीस आल्यानंतर बँक प्रशासनाने अंतर्गत चौकशी सुरू केली होती, ज्यात या गैरव्यवहाराची पुष्टी झाली. त्यानंतर, संबंधित अधिकाऱ्यांच्या तक्रारीवरून वजीराबाद पोलीस ठाण्यात आरोपींविरुद्ध भारतीय न्याय संहिता (BNS) २०२३ मधील कलम ३१६(५), ३१८(४) आणि ३(५) अंतर्गत गुन्हा दाखल करण्यात आला आहे. या घटनेमुळे बँकिंग व्यवस्थेतील सुरक्षेचा प्रश्न पुन्हा ऐरणीवर आला असून, या प्रकरणी पोलीस अधिक तपास करत आहेत.