महाराष्ट्र एस.टी. कामगार संयुक्त कृती समिती, मध्यवर्ती कार्यशाळा चिकलठाणा, छत्रपती संभाजीनगर यांच्या वतीने एस.टी. कर्मचाऱ्यांच्या विविध प्रलंबित आर्थिक मागण्यांसाठी सुरू असलेल्या आंदोलनाचा दुसरा टप्पा यशस्वीपणे पार पडला. या अंतर्गत, दिनांक २२ जून २०२६ रोजी दुपारी १२:३० वाजता प्रवेशद्वारावर एका भव्य द्वारसभेचे आयोजन करण्यात आले होते. या सभेला कर्मचारी, पदाधिकारी, विविध कामगार संघटनांचे प्रतिनिधी आणि मोठ्या संख्येने महिला कर्मचाऱ्यांनी उत्स्फूर्तपणे सहभाग नोंदवून आंदोलनाला भक्कम पाठिंबा दर्शवला, ज्यात महिला प्रतिनिधींची लक्षणीय उपस्थिती हे या आंदोलनाचे एक महत्त्वाचे वैशिष्ट्य ठरले. या आंदोलनात मा.सुजित गोसावी, मा.संतोष होनमाळी, मा.सदाशिव कांबळे, मा.राम तिपाले, मा.संजय पोंदकुले, मा.दत्ता कातारे, मा.भैया सोनवणे, मा.श्रीरंग निमकर्डे, मा. प्रल्हाद वडीपल्ली आणि मा.अतिक खान या प्रमुख व्यक्तींसह विविध श्रमिक संघटनांचे अध्यक्ष, सचिव आणि पदाधिकारी उपस्थित होते. उपस्थित मान्यवरांनी कर्मचाऱ्यांच्या प्रलंबित प्रश्नांवर सविस्तर मार्गदर्शन करत प्रशासनाने कामगारांच्या न्याय्य मागण्यांकडे तातडीने लक्ष देण्याची गरज अधोरेखित केली. यावेळी महागाई भत्त्याची थकबाकी तात्काळ अदा करणे, घरभाडे भत्त्याचे दर १०%, २०% व ३०% प्रमाणे लागू करून त्याची थकबाकी देणे, सन २०१६ पासून वेतनवाढीचा दर ३% निश्चित करून वेतन निश्चिती करणे, राज्य सरकारी कर्मचाऱ्यांप्रमाणे एस.टी. कर्मचाऱ्यांनाही वेतन लागू करणे, तिन्ही मध्यवर्ती कार्यशाळेत स्व:मालकीच्या बस बांधणीसाठी चेसिस पुरवठा करणे, कंत्राटी पद्धतीची भरती रद्द करणे, स्व:मालकीच्या इलेक्ट्रिक बस खरेदी करणे आणि कॅशलेस मेडिकल सुविधा तात्काळ लागू करणे या प्रमुख आर्थिक मागण्यांसाठी एकमुखाने आवाज उठवण्यात आला. सभेतील वक्त्यांनी एस.टी. कर्मचाऱ्यांनी अनेक वर्षांपासून आर्थिक अडचणींचा सामना करत सेवा बजावल्याचे सांगितले. वाढती महागाई, प्रलंबित भत्ते आणि वेतनातील विसंगती यामुळे कर्मचाऱ्यांवर मोठा आर्थिक ताण निर्माण झाला असून, त्यांच्या मागण्या अवाजवी नसून न्याय्य आणि रास्त असल्याचे मत व्यक्त करण्यात आले. शासन आणि महामंडळ प्रशासनाने कर्मचाऱ्यांच्या प्रश्नांची तातडीने दखल घेऊन सकारात्मक निर्णय घ्यावा अशी मागणी करण्यात आली. या आंदोलनाला सर्व स्तरातील कर्मचाऱ्यांचा उत्स्फूर्त प्रतिसाद मिळाला, विशेषतः महिला कर्मचारी व महिला प्रतिनिधींनी मोठ्या संख्येने उपस्थित राहून आपल्या हक्कांसाठीच्या या लढ्यात सक्रिय सहभाग नोंदविला. यामुळे आंदोलनाला अधिक बळ मिळाले असून कामगारांमधील एकजूट, संघटनात्मक ताकद आणि न्याय्य हक्कांसाठी लढण्याची तयारी स्पष्टपणे दिसून आली. संयुक्त कृती समितीने आंदोलनाचा दुसरा टप्पा अत्यंत यशस्वी झाल्याचे जाहीर केले. तसेच, शासन व महामंडळ प्रशासनाने कर्मचाऱ्यांच्या मागण्यांबाबत तातडीने सकारात्मक निर्णय घेतला नाही, तर दिनांक २९ जून २०२६ रोजी महाराष्ट्रातील सर्व आगार, विभागीय कार्यालय, मध्यवर्ती कार्यशाळा आणि मध्यवर्ती कार्यालयांच्या ठिकाणी व्यापक स्वरूपाचे धरणे आंदोलन करण्यात येणार असल्याचा इशारा देण्यात आला. या धरणे आंदोलनात राज्यभरातील हजारो एस.टी. कर्मचारी सहभागी होणार असून आपल्या न्याय हक्कांसाठीचा संघर्ष अधिक तीव्र करण्यात येणार असल्याचे स्पष्ट करण्यात आले. उपस्थित सर्व कर्मचारी, पदाधिकारी, कामगार बांधव व भगिनी यांनी आपल्या न्याय मागण्यांसाठी एकदिलाने लढण्याचा निर्धार व्यक्त करत 'थकबाकी आणि हक्काच्या वेतनासाठी... लढू आणि जिंकू!' या घोषणांनी परिसर दणाणून सोडला. आंदोलनाचा दुसरा टप्पा यशस्वी झाल्यानंतर, पुढील धरणे आंदोलनही मोठ्या प्रमाणात यशस्वी करून शासनाला कर्मचाऱ्यांच्या प्रश्नांवर निर्णय घेण्यास भाग पाडू, असा ठाम विश्वास संयुक्त कृती समितीच्या वतीने व्यक्त करण्यात आला.

रविंद्र सुरडकर गुरव

औरंगाबाद, औरंगाबाद, महाराष्ट्र•

12 hrs ago

महाराष्ट्र एस.टी. कामगार संयुक्त कृती समिती, मध्यवर्ती कार्यशाळा चिकलठाणा, छत्रपती संभाजीनगर यांच्या वतीने एस.टी. कर्मचाऱ्यांच्या विविध प्रलंबित आर्थिक मागण्यांसाठी सुरू असलेल्या आंदोलनाचा दुसरा टप्पा यशस्वीपणे पार पडला. या अंतर्गत, दिनांक २२ जून २०२६ रोजी दुपारी १२:३० वाजता प्रवेशद्वारावर एका भव्य द्वारसभेचे आयोजन करण्यात आले होते. या सभेला कर्मचारी, पदाधिकारी, विविध कामगार संघटनांचे प्रतिनिधी आणि मोठ्या संख्येने महिला कर्मचाऱ्यांनी उत्स्फूर्तपणे सहभाग नोंदवून आंदोलनाला भक्कम पाठिंबा दर्शवला, ज्यात महिला प्रतिनिधींची लक्षणीय उपस्थिती हे या आंदोलनाचे एक महत्त्वाचे वैशिष्ट्य ठरले. या आंदोलनात मा.सुजित गोसावी, मा.संतोष होनमाळी, मा.सदाशिव कांबळे, मा.राम तिपाले, मा.संजय पोंदकुले, मा.दत्ता कातारे, मा.भैया सोनवणे, मा.श्रीरंग निमकर्डे, मा. प्रल्हाद वडीपल्ली आणि मा.अतिक खान या प्रमुख व्यक्तींसह विविध श्रमिक संघटनांचे अध्यक्ष, सचिव आणि पदाधिकारी उपस्थित होते. उपस्थित मान्यवरांनी कर्मचाऱ्यांच्या प्रलंबित प्रश्नांवर सविस्तर मार्गदर्शन करत प्रशासनाने कामगारांच्या न्याय्य मागण्यांकडे तातडीने लक्ष देण्याची गरज अधोरेखित केली. यावेळी महागाई भत्त्याची थकबाकी तात्काळ अदा करणे, घरभाडे भत्त्याचे दर १०%, २०% व ३०% प्रमाणे लागू करून त्याची थकबाकी देणे, सन २०१६ पासून वेतनवाढीचा दर ३% निश्चित करून वेतन निश्चिती करणे, राज्य सरकारी कर्मचाऱ्यांप्रमाणे एस.टी. कर्मचाऱ्यांनाही वेतन लागू करणे, तिन्ही मध्यवर्ती कार्यशाळेत स्व:मालकीच्या बस बांधणीसाठी चेसिस पुरवठा करणे, कंत्राटी पद्धतीची भरती रद्द करणे, स्व:मालकीच्या इलेक्ट्रिक बस खरेदी करणे आणि कॅशलेस मेडिकल सुविधा तात्काळ लागू करणे या प्रमुख आर्थिक मागण्यांसाठी एकमुखाने आवाज उठवण्यात आला. सभेतील वक्त्यांनी एस.टी. कर्मचाऱ्यांनी अनेक वर्षांपासून आर्थिक अडचणींचा सामना करत सेवा बजावल्याचे सांगितले. वाढती महागाई, प्रलंबित भत्ते आणि वेतनातील विसंगती यामुळे कर्मचाऱ्यांवर मोठा आर्थिक ताण निर्माण झाला असून, त्यांच्या मागण्या अवाजवी नसून न्याय्य आणि रास्त असल्याचे मत व्यक्त करण्यात आले. शासन आणि महामंडळ प्रशासनाने कर्मचाऱ्यांच्या प्रश्नांची तातडीने दखल घेऊन सकारात्मक निर्णय घ्यावा अशी मागणी करण्यात आली. या आंदोलनाला सर्व स्तरातील कर्मचाऱ्यांचा उत्स्फूर्त प्रतिसाद मिळाला, विशेषतः महिला कर्मचारी व महिला प्रतिनिधींनी मोठ्या संख्येने उपस्थित राहून आपल्या हक्कांसाठीच्या या लढ्यात सक्रिय सहभाग नोंदविला. यामुळे आंदोलनाला अधिक बळ मिळाले असून कामगारांमधील एकजूट, संघटनात्मक ताकद आणि न्याय्य हक्कांसाठी लढण्याची तयारी स्पष्टपणे दिसून आली. संयुक्त कृती समितीने आंदोलनाचा दुसरा टप्पा अत्यंत यशस्वी झाल्याचे जाहीर केले. तसेच, शासन व महामंडळ प्रशासनाने कर्मचाऱ्यांच्या मागण्यांबाबत तातडीने सकारात्मक निर्णय घेतला नाही, तर दिनांक २९ जून २०२६ रोजी महाराष्ट्रातील सर्व आगार, विभागीय कार्यालय, मध्यवर्ती कार्यशाळा आणि मध्यवर्ती कार्यालयांच्या ठिकाणी व्यापक स्वरूपाचे धरणे आंदोलन करण्यात येणार असल्याचा इशारा देण्यात आला. या धरणे आंदोलनात राज्यभरातील हजारो एस.टी. कर्मचारी सहभागी होणार असून आपल्या न्याय हक्कांसाठीचा संघर्ष अधिक तीव्र करण्यात येणार असल्याचे स्पष्ट करण्यात आले. उपस्थित सर्व कर्मचारी, पदाधिकारी, कामगार बांधव व भगिनी यांनी आपल्या न्याय मागण्यांसाठी एकदिलाने लढण्याचा निर्धार व्यक्त करत 'थकबाकी आणि हक्काच्या वेतनासाठी... लढू आणि जिंकू!' या घोषणांनी परिसर दणाणून सोडला. आंदोलनाचा दुसरा टप्पा यशस्वी झाल्यानंतर, पुढील धरणे आंदोलनही मोठ्या प्रमाणात यशस्वी करून शासनाला कर्मचाऱ्यांच्या प्रश्नांवर निर्णय घेण्यास भाग पाडू, असा ठाम विश्वास संयुक्त कृती समितीच्या वतीने व्यक्त करण्यात आला.