કાલોલ તાલુકાના વાછાવાડ ગામે સરકારી શાળાની બાજુમાં આવેલી નિશાબેન ધીરેણકુમાર દરજીની માલિકીની સર્વે નંબર ૨૭૮ ની જમીન પર ગેરકાયદેસર બાંધકામ કરવાનો મામલો સામે આવ્યો છે. વાછાવાડ ગ્રામ પંચાયતના સરપંચ પતિ કલ્પેશકુમાર કિરણસિંહ રાઠોડ દ્વારા સરકારી યોજનાની ગ્રાન્ટ મેળવવા માટે આ ખાનગી જમીનમાં ગેરકાયદેસર રીતે ઉકરડા બનાવવામાં આવ્યા હતા. આ ગેરકાયદેસર બાંધકામની જાણ થતાં જ્યારે જમીન માલિક ઘટનાસ્થળે પહોંચ્યા, ત્યારે સરપંચ પતિ કલ્પેશકુમાર રાઠોડ, વિપુલ ઉર્ફે વિપલો રાજેન્દ્રસિંહ ચૌહાણ અને અન્ય ગ્રામજનોએ તેમની સાથે બોલાચાલી કરી હતી. આ મામલે નિશાબેન દ્વારા પોલીસ ફરિયાદ નોંધાવવામાં આવી હતી, જેમાં સરપંચ પતિ અને વિપુલ ચૌહાણનો જામીન પર છુટકારો થયો હતો. પોતાની માલિકીની જમીનમાંથી આ ગેરકાયદેસર ઉકરડા દૂર કરાવવા માટે જમીન માલિક નિશાબેન દ્વારા તાલુકા સ્વાગત તેમજ જિલ્લા સ્વાગત કાર્યક્રમમાં રજૂઆત કરવામાં આવી હતી. આ રજૂઆતના પગલે જિલ્લા કલેક્ટર દ્વારા જમીન સંપાદન અધિકારીને સ્થળ માપણી કરવાનો હુકમ કરાયો હતો. સરકારી માપણી બાદ સર્વે નંબર ૨૭૮ માં ૪૦ થી ૫૦ ચોરસ મીટરનું ગેરકાયદે દબાણ થયું હોવાનું લેખિતમાં આપવામાં આવ્યું છે. આ માપણી આવ્યા હોવા છતાં સરપંચ પતિ કલ્પેશકુમાર રાઠોડ દ્વારા ગમે તે પ્રકારે આ દબાણ દૂર ન થાય તેવા પ્રયાસો કરવામાં આવી રહ્યા છે. આથી, વહીવટી તંત્ર દ્વારા વહેલી તકે આ દબાણ દૂર કરવામાં આવે તેવી લેખિત રજૂઆત કરવામાં આવી છે અને આગામી દિવસોમાં આ દબાણ સંદર્ભે કોર્ટની કાર્યવાહી પણ હાથ ધરવામાં આવનાર છે.

Jayvirsinh vikramsinh sol

કલોલ, પંચમહાલ, ગુજરાત•

1 hr ago

કાલોલ તાલુકાના વાછાવાડ ગામે સરકારી શાળાની બાજુમાં આવેલી નિશાબેન ધીરેણકુમાર દરજીની માલિકીની સર્વે નંબર ૨૭૮ ની જમીન પર ગેરકાયદેસર બાંધકામ કરવાનો મામલો સામે આવ્યો છે. વાછાવાડ ગ્રામ પંચાયતના સરપંચ પતિ કલ્પેશકુમાર કિરણસિંહ રાઠોડ દ્વારા સરકારી યોજનાની ગ્રાન્ટ મેળવવા માટે આ ખાનગી જમીનમાં ગેરકાયદેસર રીતે ઉકરડા બનાવવામાં આવ્યા હતા. આ ગેરકાયદેસર બાંધકામની જાણ થતાં જ્યારે જમીન માલિક ઘટનાસ્થળે પહોંચ્યા, ત્યારે સરપંચ પતિ કલ્પેશકુમાર રાઠોડ, વિપુલ ઉર્ફે વિપલો રાજેન્દ્રસિંહ ચૌહાણ અને અન્ય ગ્રામજનોએ તેમની સાથે બોલાચાલી કરી હતી. આ મામલે નિશાબેન દ્વારા પોલીસ ફરિયાદ નોંધાવવામાં આવી હતી, જેમાં સરપંચ પતિ અને વિપુલ ચૌહાણનો જામીન પર છુટકારો થયો હતો. પોતાની માલિકીની જમીનમાંથી આ ગેરકાયદેસર ઉકરડા દૂર કરાવવા માટે જમીન માલિક નિશાબેન દ્વારા તાલુકા સ્વાગત તેમજ જિલ્લા સ્વાગત કાર્યક્રમમાં રજૂઆત કરવામાં આવી હતી. આ રજૂઆતના પગલે જિલ્લા કલેક્ટર દ્વારા જમીન સંપાદન અધિકારીને સ્થળ માપણી કરવાનો હુકમ કરાયો હતો. સરકારી માપણી બાદ સર્વે નંબર ૨૭૮ માં ૪૦ થી ૫૦ ચોરસ મીટરનું ગેરકાયદે દબાણ થયું હોવાનું લેખિતમાં આપવામાં આવ્યું છે. આ માપણી આવ્યા હોવા છતાં સરપંચ પતિ કલ્પેશકુમાર રાઠોડ દ્વારા ગમે તે પ્રકારે આ દબાણ દૂર ન થાય તેવા પ્રયાસો કરવામાં આવી રહ્યા છે. આથી, વહીવટી તંત્ર દ્વારા વહેલી તકે આ દબાણ દૂર કરવામાં આવે તેવી લેખિત રજૂઆત કરવામાં આવી છે અને આગામી દિવસોમાં આ દબાણ સંદર્ભે કોર્ટની કાર્યવાહી પણ હાથ ધરવામાં આવનાર છે.