खामगाव तालुक्यातील वर्णा ते श्रीधरनगर मार्गावर झाडे-झुडपे मोठ्या प्रमाणात वाढल्यामुळे वाहनचालक आणि प्रवाशांना प्रचंड त्रासाला सामोरे जावे लागत आहे. रस्त्याच्या दोन्ही बाजूंनी वाढलेल्या या झुडपांमुळे समोरून येणारी वाहने दिसत नसल्याने अपघाताचा धोका वाढला असून येथे कधीही गंभीर दुर्घटना घडण्याची शक्यता नाकारता येत नाही. या समस्येबाबत श्रीधरनगर येथील नागरिकांनी वेळोवेळी संबंधित विभागाकडे तोंडी तक्रारी केल्या आहेत, मात्र अद्याप कोणतीही ठोस कारवाई करण्यात आलेली नाही. त्यामुळे एखादा अपघात झाल्यानंतरच संबंधित विभाग जागा होणार का, असा संतप्त सवाल नागरिक उपस्थित करत आहेत. याशिवाय रस्त्याची रुंदी कमी असल्यामुळे मोठ्या वाहनांना ये-जा करताना अडचणी निर्माण होत आहेत. रस्त्याच्या कडेला मुरूम साईड खोदून टाकण्यात आल्याने वाहन घसरून अपघात होण्याचा धोका अधिक वाढला आहे. तसेच या मार्गावरील गतिरोधकांची उंचीही जास्त असल्याने वाहनचालकांना नाहक त्रास सहन करावा लागत असून वाहनांचे नुकसान होत असल्याची तक्रार नागरिकांकडून करण्यात येत आहे. नागरिकांनी तात्काळ झाडे-झुडपे हटवून रस्त्याची दुरुस्ती करावी, गतिरोधकांची उंची नियमानुसार करावी आणि रस्त्यालगतच्या धोकादायक भागांची दुरुस्ती करावी, अशी मागणी केली आहे. भविष्यात या मार्गावर अपघात झाल्यास त्याची संपूर्ण जबाबदारी सार्वजनिक बांधकाम विभागाची राहील, असा इशाराही नागरिकांनी दिला आहे. या परिस्थितीवर माजी पंचायत समिती सदस्य हरिसिंग साबळे यांनी तीव्र प्रतिक्रिया दिली आहे. सार्वजनिक बांधकाम विभागाकडे वारंवार तोंडी तक्रारी करूनही अद्यापपर्यंत झाडे-झुडपे हटविणे तसेच रस्त्याची दुरुस्ती करण्याचे काम करण्यात आलेले नाही. संबंधित विभागाने तात्काळ झाडे-झुडपे काढून रस्त्याचे काम पूर्ण करावे, अन्यथा नागरिकांच्या वतीने तीव्र आंदोलन करण्यात येईल, असा इशारा त्यांनी दिला आहे।

Sachin boharpi

Photographer खामगाव, बुलढाणा, महाराष्ट्र•

6 hrs ago

खामगाव तालुक्यातील वर्णा ते श्रीधरनगर मार्गावर झाडे-झुडपे मोठ्या प्रमाणात वाढल्यामुळे वाहनचालक आणि प्रवाशांना प्रचंड त्रासाला सामोरे जावे लागत आहे. रस्त्याच्या दोन्ही बाजूंनी वाढलेल्या या झुडपांमुळे समोरून येणारी वाहने दिसत नसल्याने अपघाताचा धोका वाढला असून येथे कधीही गंभीर दुर्घटना घडण्याची शक्यता नाकारता येत नाही. या समस्येबाबत श्रीधरनगर येथील नागरिकांनी वेळोवेळी संबंधित विभागाकडे तोंडी तक्रारी केल्या आहेत, मात्र अद्याप कोणतीही ठोस कारवाई करण्यात आलेली नाही. त्यामुळे एखादा अपघात झाल्यानंतरच संबंधित विभाग जागा होणार का, असा संतप्त सवाल नागरिक उपस्थित करत आहेत. याशिवाय रस्त्याची रुंदी कमी असल्यामुळे मोठ्या वाहनांना ये-जा करताना अडचणी निर्माण होत आहेत. रस्त्याच्या कडेला मुरूम साईड खोदून टाकण्यात आल्याने वाहन घसरून अपघात होण्याचा धोका अधिक वाढला आहे. तसेच या मार्गावरील गतिरोधकांची उंचीही जास्त असल्याने वाहनचालकांना नाहक त्रास सहन करावा लागत असून वाहनांचे नुकसान होत असल्याची तक्रार नागरिकांकडून करण्यात येत आहे. नागरिकांनी तात्काळ झाडे-झुडपे हटवून रस्त्याची दुरुस्ती करावी, गतिरोधकांची उंची नियमानुसार करावी आणि रस्त्यालगतच्या धोकादायक भागांची दुरुस्ती करावी, अशी मागणी केली आहे. भविष्यात या मार्गावर अपघात झाल्यास त्याची संपूर्ण जबाबदारी सार्वजनिक बांधकाम विभागाची राहील, असा इशाराही नागरिकांनी दिला आहे. या परिस्थितीवर माजी पंचायत समिती सदस्य हरिसिंग साबळे यांनी तीव्र प्रतिक्रिया दिली आहे. सार्वजनिक बांधकाम विभागाकडे वारंवार तोंडी तक्रारी करूनही अद्यापपर्यंत झाडे-झुडपे हटविणे तसेच रस्त्याची दुरुस्ती करण्याचे काम करण्यात आलेले नाही. संबंधित विभागाने तात्काळ झाडे-झुडपे काढून रस्त्याचे काम पूर्ण करावे, अन्यथा नागरिकांच्या वतीने तीव्र आंदोलन करण्यात येईल, असा इशारा त्यांनी दिला आहे।