ഗവൺമെന്റ് പ്ലീഡർ നിയമനവുമായി ബന്ധപ്പെട്ട് സംസ്ഥാന സർക്കാരിനും മുഖ്യമന്ത്രി വി.ഡി. സതീശനും എതിരെ രൂക്ഷ വിമർശനവുമായി ലോയേഴ്‌സ് കോൺഗ്രസ് രംഗത്ത്. ലോയേഴ്‌സ് കോൺഗ്രസ് തിരൂർ താലൂക്ക് കമ്മിറ്റിയുടെ വാട്സ്ആപ്പ് ഗ്രൂപ്പിൽ നടന്ന ചർച്ചകളുടെ വിവരങ്ങളാണ് പുറത്തുവന്നിരിക്കുന്നത്. മുഖ്യമന്ത്രി സ്വീകരിക്കുന്ന നിലപാടുകൾ പാർട്ടി വിരുദ്ധമാണെന്നും, യുഡിഎഫിന്റെ പ്രവർത്തനരീതി പരിഹാസ്യമാണെന്നും ചർച്ചകളിൽ വിമർശനമുയർന്നു. കെപിസിസി നേതൃത്വത്തിനെതിരെയും കടുത്ത പരാമർശങ്ങൾ സംഘടനയുടെ ഭാഗത്തുനിന്നുണ്ടായി. ഗവൺമെന്റ് പ്ലീഡർ നിയമനങ്ങളിൽ എസ്.എഫ്.ഐ പ്രവർത്തകരെയും സംഘപരിവാർ അനുകൂല അഭിഭാഷകരെയും ഉൾപ്പെടുത്തിയതാണ് സംഘടനയെ ചൊടിപ്പിച്ചത്. വർഷങ്ങളായി കോൺഗ്രസിനും ലോയേഴ്‌സ് കോൺഗ്രസിനും വേണ്ടി പ്രവർത്തിക്കുന്ന അഭിഭാഷകരെ പൂർണ്ണമായും അവഗണിച്ചാണ് നിയമനങ്ങൾ നടത്തിയതെന്ന് സംഘടന ആരോപിക്കുന്നു. ഈ വിഷയത്തിൽ കോൺഗ്രസ് എം.എൽ.എ അബിൻ വർക്കി ഉൾപ്പെടെയുള്ള നേതാക്കൾ സർക്കാരിന് പരാതി നൽകിയിരുന്നു. കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യറും നിയമനങ്ങളെ രൂക്ഷമായി വിമർശിച്ചിരുന്നു. ഗവൺമെന്റ് പ്ലീഡർ നിയമനങ്ങളിൽ പുനഃപരിശോധനയ്ക്ക് സർക്കാർ തയ്യാറാകില്ലെന്ന വിലയിരുത്തലിനെ തുടർന്നാണ് അഭിഭാഷക സംഘടന പരസ്യ വിമർശനവുമായി രംഗത്തെത്തിയതെന്നാണ് സൂചന.

Harikrishnan U

Local News Reporter തിരുവനന്തപുരം, തിരുവനന്തപുരം, കേരളം•

5 hrs ago

ഗവൺമെന്റ് പ്ലീഡർ നിയമനവുമായി ബന്ധപ്പെട്ട് സംസ്ഥാന സർക്കാരിനും മുഖ്യമന്ത്രി വി.ഡി. സതീശനും എതിരെ രൂക്ഷ വിമർശനവുമായി ലോയേഴ്‌സ് കോൺഗ്രസ് രംഗത്ത്. ലോയേഴ്‌സ് കോൺഗ്രസ് തിരൂർ താലൂക്ക് കമ്മിറ്റിയുടെ വാട്സ്ആപ്പ് ഗ്രൂപ്പിൽ നടന്ന ചർച്ചകളുടെ വിവരങ്ങളാണ് പുറത്തുവന്നിരിക്കുന്നത്. മുഖ്യമന്ത്രി സ്വീകരിക്കുന്ന നിലപാടുകൾ പാർട്ടി വിരുദ്ധമാണെന്നും, യുഡിഎഫിന്റെ പ്രവർത്തനരീതി പരിഹാസ്യമാണെന്നും ചർച്ചകളിൽ വിമർശനമുയർന്നു. കെപിസിസി നേതൃത്വത്തിനെതിരെയും കടുത്ത പരാമർശങ്ങൾ സംഘടനയുടെ ഭാഗത്തുനിന്നുണ്ടായി. ഗവൺമെന്റ് പ്ലീഡർ നിയമനങ്ങളിൽ എസ്.എഫ്.ഐ പ്രവർത്തകരെയും സംഘപരിവാർ അനുകൂല അഭിഭാഷകരെയും ഉൾപ്പെടുത്തിയതാണ് സംഘടനയെ ചൊടിപ്പിച്ചത്. വർഷങ്ങളായി കോൺഗ്രസിനും ലോയേഴ്‌സ് കോൺഗ്രസിനും വേണ്ടി പ്രവർത്തിക്കുന്ന അഭിഭാഷകരെ പൂർണ്ണമായും അവഗണിച്ചാണ് നിയമനങ്ങൾ നടത്തിയതെന്ന് സംഘടന ആരോപിക്കുന്നു. ഈ വിഷയത്തിൽ കോൺഗ്രസ് എം.എൽ.എ അബിൻ വർക്കി ഉൾപ്പെടെയുള്ള നേതാക്കൾ സർക്കാരിന് പരാതി നൽകിയിരുന്നു. കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യറും നിയമനങ്ങളെ രൂക്ഷമായി വിമർശിച്ചിരുന്നു. ഗവൺമെന്റ് പ്ലീഡർ നിയമനങ്ങളിൽ പുനഃപരിശോധനയ്ക്ക് സർക്കാർ തയ്യാറാകില്ലെന്ന വിലയിരുത്തലിനെ തുടർന്നാണ് അഭിഭാഷക സംഘടന പരസ്യ വിമർശനവുമായി രംഗത്തെത്തിയതെന്നാണ് സൂചന.