एमपीएससी (MPSC) नोकर भरतीचा घोटाळा हा मध्य प्रदेशातील व्यापम घोटाळ्यापेक्षाही मोठा असल्याचा गंभीर आरोप काँग्रेस प्रदेशाध्यक्ष हर्षवर्धन सपकाळ यांनी केला आहे. एमपीएससीची संपूर्ण व्यवस्थाच भ्रष्ट झाली असून विद्यार्थ्यांच्या भविष्याशी खेळ सुरू आहे. बेलापूर येथे एमपीएससीच्या सीबीटी आणि नॉर्मलायझेशन विरोधात काँग्रेसचे बेमुदत साखळी उपोषण व ठिय्या आंदोलन सुरू असून आज आंदोलनस्थळी हर्षवर्धन सपकाळ यांनी भेट दिली. मुख्यमंत्री देवेंद्र फडणवीस यांनी या प्रकरणात तात्काळ लक्ष घालून ऑनलाईन परीक्षा व नॉर्मलायझेशन रद्द करावे, अन्यथा राज्यभर तीव्र आंदोलन करण्याचा इशारा त्यांनी दिला आहे. या आंदोलनात प्रदेश काँग्रेसचे उपाध्यक्ष आबा दळवी, रोजगार व स्वयंरोजगार विभागाचे प्रमुख धनंजय शिंदे, प्रदेश सरचिटणीस व नवी मुंबईचे प्रभारी गुरुचरण बच्छर, प्रवक्ते सय्यद नासीर हुसेन, संतोष शेट्टी आणि प्रदेश सचिव आनंद सिंग उपस्थित होते. हर्षवर्धन सपकाळ यांनी भाजप महायुती सरकारवर घणाघाती टीका करताना हे सरकार मुके, बहिरे आणि आंधळे असल्याचे म्हटले. नीटचा पेपर आतापर्यंत ७७ वेळा फुटल्याचे सांगत त्यांनी परीक्षा व्यवस्थेतील भ्रष्टाचारावर बोट ठेवले. ऑनलाईन परीक्षांचे कंत्राट विशिष्ट लोकांच्या खाजगी कंपन्यांना दिले असून यात मोठ्या प्रमाणावर पैसे घेऊन नोकऱ्या दिल्या जात आहेत. विद्यार्थ्यांचा या खाजगी ऑनलाईन पद्धतीवर विश्वास नसून परीक्षा ऑफलाईन व पारदर्शकपणे घेण्याची मागणी त्यांनी केली. गेल्या चार दिवसांपासून सुरू असलेल्या आंदोलनाकडे एकाही सरकारी किंवा एमपीएससीच्या अधिकाऱ्याने फिरकूनही न पाहिल्याने, हे आंदोलन चिरडण्याचा सरकारचा प्रयत्न असल्याचा आरोप त्यांनी केला. दुसऱ्या एका प्रश्नाला उत्तर देताना सपकाळ म्हणाले की, राम मंदिरातील चोरीचे प्रकरण अंगलट येत असल्याने लक्ष वळवण्यासाठी सिद्धीविनायक मंदिरातील चोरीचे प्रकरण पुढे आणले जात आहे. राम मंदिरातील देणग्या आणि दानाची चोरी झाली असून चंपतराय आणि अनिल मिश्रा यांना वाचवण्याचा प्रयत्न केला जात आहे. या चोरीवर पंतप्रधान नरेंद्र मोदी, योगी आदित्यनाथ आणि देवेंद्र फडणवीस कोणीच बोलत नसून सर्वजण गप्प आहेत. राम मंदिरातील देणग्यांच्या चोरीविरोधात देखील काँग्रेस पक्षाचे राज्यभर आंदोलन सुरू असल्याचे त्यांनी सांगितले।

लोक हिंद चॅनल

Journalist शहापूर, ठाणे, महाराष्ट्र•

1 hr ago

एमपीएससी (MPSC) नोकर भरतीचा घोटाळा हा मध्य प्रदेशातील व्यापम घोटाळ्यापेक्षाही मोठा असल्याचा गंभीर आरोप काँग्रेस प्रदेशाध्यक्ष हर्षवर्धन सपकाळ यांनी केला आहे. एमपीएससीची संपूर्ण व्यवस्थाच भ्रष्ट झाली असून विद्यार्थ्यांच्या भविष्याशी खेळ सुरू आहे. बेलापूर येथे एमपीएससीच्या सीबीटी आणि नॉर्मलायझेशन विरोधात काँग्रेसचे बेमुदत साखळी उपोषण व ठिय्या आंदोलन सुरू असून आज आंदोलनस्थळी हर्षवर्धन सपकाळ यांनी भेट दिली. मुख्यमंत्री देवेंद्र फडणवीस यांनी या प्रकरणात तात्काळ लक्ष घालून ऑनलाईन परीक्षा व नॉर्मलायझेशन रद्द करावे, अन्यथा राज्यभर तीव्र आंदोलन करण्याचा इशारा त्यांनी दिला आहे. या आंदोलनात प्रदेश काँग्रेसचे उपाध्यक्ष आबा दळवी, रोजगार व स्वयंरोजगार विभागाचे प्रमुख धनंजय शिंदे, प्रदेश सरचिटणीस व नवी मुंबईचे प्रभारी गुरुचरण बच्छर, प्रवक्ते सय्यद नासीर हुसेन, संतोष शेट्टी आणि प्रदेश सचिव आनंद सिंग उपस्थित होते. हर्षवर्धन सपकाळ यांनी भाजप महायुती सरकारवर घणाघाती टीका करताना हे सरकार मुके, बहिरे आणि आंधळे असल्याचे म्हटले. नीटचा पेपर आतापर्यंत ७७ वेळा फुटल्याचे सांगत त्यांनी परीक्षा व्यवस्थेतील भ्रष्टाचारावर बोट ठेवले. ऑनलाईन परीक्षांचे कंत्राट विशिष्ट लोकांच्या खाजगी कंपन्यांना दिले असून यात मोठ्या प्रमाणावर पैसे घेऊन नोकऱ्या दिल्या जात आहेत. विद्यार्थ्यांचा या खाजगी ऑनलाईन पद्धतीवर विश्वास नसून परीक्षा ऑफलाईन व पारदर्शकपणे घेण्याची मागणी त्यांनी केली. गेल्या चार दिवसांपासून सुरू असलेल्या आंदोलनाकडे एकाही सरकारी किंवा एमपीएससीच्या अधिकाऱ्याने फिरकूनही न पाहिल्याने, हे आंदोलन चिरडण्याचा सरकारचा प्रयत्न असल्याचा आरोप त्यांनी केला. दुसऱ्या एका प्रश्नाला उत्तर देताना सपकाळ म्हणाले की, राम मंदिरातील चोरीचे प्रकरण अंगलट येत असल्याने लक्ष वळवण्यासाठी सिद्धीविनायक मंदिरातील चोरीचे प्रकरण पुढे आणले जात आहे. राम मंदिरातील देणग्या आणि दानाची चोरी झाली असून चंपतराय आणि अनिल मिश्रा यांना वाचवण्याचा प्रयत्न केला जात आहे. या चोरीवर पंतप्रधान नरेंद्र मोदी, योगी आदित्यनाथ आणि देवेंद्र फडणवीस कोणीच बोलत नसून सर्वजण गप्प आहेत. राम मंदिरातील देणग्यांच्या चोरीविरोधात देखील काँग्रेस पक्षाचे राज्यभर आंदोलन सुरू असल्याचे त्यांनी सांगितले।