नाशिकरोड परिसरातील सिन्नर फाटा येथील गोदरेजवाडीत जुन्या भांडणाच्या कारणावरून एका कुटुंबावर जीवघेणा हल्ला झाल्याची धक्कादायक घटना समोर आली आहे. यात तलवारीने थेट मानेवर वार करण्याच्या प्रयत्नातून एका महिलेने दाखवलेल्या अचाट धैर्यामुळे एका तरुणाचा जीव थोडक्यात वाचला. १५ जून रोजी रात्री ८ वाजेच्या सुमारास घडलेल्या या घटनेप्रकरणी चार जणांविरुद्ध नाशिकरोड पोलीस ठाण्यात भारतीय न्याय संहितेसह शस्त्र कायद्यान्वये गुन्हा दाखल करण्यात आला आहे. रंजना सुनील निकम (वय ५०) यांनी याप्रकरणी फिर्याद दिली आहे. मंगेश चंद्रकांत जाधव, योगेश चंद्रकांत जाधव, नितीन विठ्ठल जाधव आणि राहीबाई विठ्ठल जाधव (सर्व रा. संभाजीनगर, गोदरेजवाडी, सिन्नर फाटा, नाशिकरोड) अशी गुन्हा दाखल झालेल्या संशयितांची नावे आहेत. घटनेच्या वेळी फिर्यादी रंजना निकम, त्यांचे पती सुनील निकम, मुलगा विशाल आणि भाचा राहुल हगवणे हे सर्वजण त्यांच्या जाऊ संगीता निकम यांच्या घरासमोर गप्पा मारत उभे होते. दरम्यान, दुपारी व सायंकाळी झालेल्या भांडणाची कुरापत काढून संशयित मंगेश, योगेश, नितीन आणि राहीबाई जाधव हे हातात तलवार, लोखंडी रॉड, कोयता आणि पाईप यांसारखी प्राणघातक शस्त्रे घेऊन तिथे आले. त्यांनी निकम कुटुंबाला अश्लील शिवीगाळ करत लाथाबुक्क्यांनी मारहाण करण्यास सुरुवात केली. मारहाणीदरम्यान संशयितांनी विशाल आणि राहुल या दोन्ही तरुणांना जमिनीवर पाडले. याचवेळी संशयित नितीन जाधव याने राहुल हगवणे याच्या मानेवर थेट तलवार मारण्यासाठी शस्त्र उगारले. राहुलचा जीव धोक्यात असल्याचे पाहून रंजना निकम यांनी क्षणाचाही विलंब न लावता धाडस दाखवून नितीनला जोरदार धक्का दिला, ज्यामुळे तरुणाचा जीव थोडक्यात वाचला. निकम यांनी वेळेत धक्का दिला नसता तर राहुलचा जागीच जीव गेला असता, असे फिर्यादीत म्हटले आहे. नितीनला धक्का दिल्यानंतर इतर संशयित योगेश, मंगेश आणि राहीबाई जाधव यांनी हातातील विटा, लोखंडी रॉड आणि पाईपने निकम कुटुंबावर पुन्हा हल्ला चढवला. या भीषण हल्ल्यात रंजना निकम, राहुल हगवणे, विशाल निकम आणि सुनील निकम हे चारही जण गंभीर जखमी झाले आहेत. या घटनेनंतर परिसरात प्रचंड तणावाचे वातावरण निर्माण झाले होते. वरिष्ठ पोलीस निरीक्षक सपकाळे यांच्या मार्गदर्शनाखाली सहाय्यक पोलीस निरीक्षक कोरडे, उपनिरीक्षक माळी आणि पोलीस हवालदार अनिल मोरे यांनी घटनास्थळी भेट देऊन पाहणी केली असून, या प्रकरणाचा पुढील तपास पोलीस हवालदार अनिल मोरे करत आहेत.

Anil GUNJAL

नाशिक, नाशिक, महाराष्ट्र•

21 hrs ago

नाशिकरोड परिसरातील सिन्नर फाटा येथील गोदरेजवाडीत जुन्या भांडणाच्या कारणावरून एका कुटुंबावर जीवघेणा हल्ला झाल्याची धक्कादायक घटना समोर आली आहे. यात तलवारीने थेट मानेवर वार करण्याच्या प्रयत्नातून एका महिलेने दाखवलेल्या अचाट धैर्यामुळे एका तरुणाचा जीव थोडक्यात वाचला. १५ जून रोजी रात्री ८ वाजेच्या सुमारास घडलेल्या या घटनेप्रकरणी चार जणांविरुद्ध नाशिकरोड पोलीस ठाण्यात भारतीय न्याय संहितेसह शस्त्र कायद्यान्वये गुन्हा दाखल करण्यात आला आहे. रंजना सुनील निकम (वय ५०) यांनी याप्रकरणी फिर्याद दिली आहे. मंगेश चंद्रकांत जाधव, योगेश चंद्रकांत जाधव, नितीन विठ्ठल जाधव आणि राहीबाई विठ्ठल जाधव (सर्व रा. संभाजीनगर, गोदरेजवाडी, सिन्नर फाटा, नाशिकरोड) अशी गुन्हा दाखल झालेल्या संशयितांची नावे आहेत. घटनेच्या वेळी फिर्यादी रंजना निकम, त्यांचे पती सुनील निकम, मुलगा विशाल आणि भाचा राहुल हगवणे हे सर्वजण त्यांच्या जाऊ संगीता निकम यांच्या घरासमोर गप्पा मारत उभे होते. दरम्यान, दुपारी व सायंकाळी झालेल्या भांडणाची कुरापत काढून संशयित मंगेश, योगेश, नितीन आणि राहीबाई जाधव हे हातात तलवार, लोखंडी रॉड, कोयता आणि पाईप यांसारखी प्राणघातक शस्त्रे घेऊन तिथे आले. त्यांनी निकम कुटुंबाला अश्लील शिवीगाळ करत लाथाबुक्क्यांनी मारहाण करण्यास सुरुवात केली. मारहाणीदरम्यान संशयितांनी विशाल आणि राहुल या दोन्ही तरुणांना जमिनीवर पाडले. याचवेळी संशयित नितीन जाधव याने राहुल हगवणे याच्या मानेवर थेट तलवार मारण्यासाठी शस्त्र उगारले. राहुलचा जीव धोक्यात असल्याचे पाहून रंजना निकम यांनी क्षणाचाही विलंब न लावता धाडस दाखवून नितीनला जोरदार धक्का दिला, ज्यामुळे तरुणाचा जीव थोडक्यात वाचला. निकम यांनी वेळेत धक्का दिला नसता तर राहुलचा जागीच जीव गेला असता, असे फिर्यादीत म्हटले आहे. नितीनला धक्का दिल्यानंतर इतर संशयित योगेश, मंगेश आणि राहीबाई जाधव यांनी हातातील विटा, लोखंडी रॉड आणि पाईपने निकम कुटुंबावर पुन्हा हल्ला चढवला. या भीषण हल्ल्यात रंजना निकम, राहुल हगवणे, विशाल निकम आणि सुनील निकम हे चारही जण गंभीर जखमी झाले आहेत. या घटनेनंतर परिसरात प्रचंड तणावाचे वातावरण निर्माण झाले होते. वरिष्ठ पोलीस निरीक्षक सपकाळे यांच्या मार्गदर्शनाखाली सहाय्यक पोलीस निरीक्षक कोरडे, उपनिरीक्षक माळी आणि पोलीस हवालदार अनिल मोरे यांनी घटनास्थळी भेट देऊन पाहणी केली असून, या प्रकरणाचा पुढील तपास पोलीस हवालदार अनिल मोरे करत आहेत.