अंबरनाथमध्ये दुहेरी सत्ताकेंद्रांमुळे प्रशासनाची कसरत ठाणे:अंबरनाथ नगरपालिकेत सत्तासमीकरणाचे कोडे अद्याप सुटले नसल्याने पालिकेत प्रत्यक्षात दोन सत्ताकेंद्रे कार्यरत असल्याचे चित्र निर्माण झाले आहे. एका बाजूला भाजपच्या नगराध्यक्षा तेजश्री करंजुले यांचा गट, तर दुसऱ्या बाजूला शिंदेंच्या शिवसेना गटासोबत असलेले उपनगराध्यक्ष सदाशिव पाटील यांचा प्रभाव दिसून येत आहे. या दुहेरी नेतृत्वामुळे पालिका प्रशासनाला समन्वय राखताना मोठी कसरत करावी लागत आहे. प्रशासनाचा वेळ बैठकांमध्येच जात असल्याचीही बाब प्रशासनातील कर्मचारी सांगत आहेत. अंबरनाथ नगर परिषदेतील सत्तासंघर्ष अद्याप थांबलेला नाही. येथे भाजपच्या नगराध्यक्ष असल्या तरी शिंदेंच्या शिवसेनेने बहुमताचा आकडा गाठला आहे. मात्र राष्ट्रवादी कॉग्रेस (अजित पवार) पक्षाच्या सदस्यांनी ऐनवेळी भाजपची साथ सोडत शिंदेंच्या शिवसेनेकडे मारलेल्या उडीमुळे पेचप्रसंगत निर्माण झाला. कुणाचा गट मोठा आणि अधिकृत हा वाद अद्याप न्यायालयाच्या अधीन आहे. त्यामुळे प्रशासकीय कारभार आता आढावा बैठकांपुरता मर्यादीत झाला आहे. त्यात शहरातील दोन सत्ताकेंद्रांमुळे पालिकेतील अधिकारी आणि कर्मचाऱ्यांची फरफट होत असल्याची चर्चा रंगली आहे. गेल्या काही दिवसात नगराध्यक्षा तेजश्री करंजुले यांनी त्यांच्यासोबत असलेल्या नगरसेवकांसोबत शहरातील समस्यांवर आढावा बैठका सुरू केल्या आहेत. तर शिवसेना आघाडीचे उपनगराध्यक्ष सदाशिव पाटील यांनीही आढावा बैठका घेणे सुरू केल्या आहेत. दोन्ही गटांकडून नगरसेवकांना सोबत घेऊन स्वतंत्र बैठका आयोजित केल्या जात असल्याने प्रशासनावर अतिरिक्त ताण येत आहे, अशी कुजबूज पालिकेच्या वर्तुळात रंगली आहे. या बैठकींमध्ये विविध नागरी प्रश्नांवर चर्चा होत असली तरी अनेक वेळा ठोस निर्णय होत नसल्याची चर्चा पालिकेत सुरू आहे. यात अधिकाऱ्यांचा वेळ मोठ्या प्रमाणावर बैठकींमध्ये जात असून प्रत्यक्ष अंमलबजावणीत मात्र मर्यादित प्रगती होत असल्याचे सूत्रांचे म्हणणे आहे. मात्र लोकप्रतिनिधी असल्याने सर्वांना योग्य न्याय आणि सन्मान देणे अधिकाऱ्यांचे कामच आहे. त्यामुळे अधिकारी, कर्मचारी आणि त्यांची यंत्रणा या बैठकांमध्ये सहभागी होत आहेत. मात्र अनेकदा या बैठकांमधील अंतर्गत वादाचे प्रसंगही अधिकाऱ्यांना सहन करावे लागत आहेत. एनओसी प्रस्तावावरून वाद अलीकडेच पालिका सभागृहात झालेल्या बैठकीत उपनगराध्यक्ष सदाशिव पाटील यांनी प्रभागात काम करणाऱ्या विकासकांना संबंधित नगरसेवकांचे ना हरकत प्रमाणपत्र ( एनओसी ) घेणे बंधनकारक करण्याचा प्रस्ताव मांडला. मात्र हा प्रस्ताव काही शिवसेना नगरसेवकांनाच अमान्य वाटल्याने बैठकीत तीव्र वादावादी झाली. गटनेत्यांनी मध्यस्थी केल्यानंतर अखेरीस हा प्रस्ताव फेटाळण्यात आला. बैठकीदरम्यान निर्माण झालेल्या गोंधळामुळे मुख्याधिकारी उमाकांत गायकवाड यांनाही बैठक सोडून जावे लागल्याची माहिती समोर आली आहे. याबाबत मुख्याधिकारी उमाकांत गायकवाड यांना विचारले असता, पालिकेत केवळ नियम व तरतुदींनुसार तसेच धोरणात्मक बाबींवरच निर्णयांची अंमलबजावणी केली जाईल. अनावश्यक किंवा अधिकार क्षेत्राबाहेरील विषयांना मान्यता दिली जाणार नाही, असे स्पष्ट केले.

लोक हिंद चॅनल

Journalist शहापूर, ठाणे, महाराष्ट्र•

3 hrs ago

अंबरनाथमध्ये दुहेरी सत्ताकेंद्रांमुळे प्रशासनाची कसरत ठाणे:अंबरनाथ नगरपालिकेत सत्तासमीकरणाचे कोडे अद्याप सुटले नसल्याने पालिकेत प्रत्यक्षात दोन सत्ताकेंद्रे कार्यरत असल्याचे चित्र निर्माण झाले आहे. एका बाजूला भाजपच्या नगराध्यक्षा तेजश्री करंजुले यांचा गट, तर दुसऱ्या बाजूला शिंदेंच्या शिवसेना गटासोबत असलेले उपनगराध्यक्ष सदाशिव पाटील यांचा प्रभाव दिसून येत आहे. या दुहेरी नेतृत्वामुळे पालिका प्रशासनाला समन्वय राखताना मोठी कसरत करावी लागत आहे. प्रशासनाचा वेळ बैठकांमध्येच जात असल्याचीही बाब प्रशासनातील कर्मचारी सांगत आहेत. अंबरनाथ नगर परिषदेतील सत्तासंघर्ष अद्याप थांबलेला नाही. येथे भाजपच्या नगराध्यक्ष असल्या तरी शिंदेंच्या शिवसेनेने बहुमताचा आकडा गाठला आहे. मात्र राष्ट्रवादी कॉग्रेस (अजित पवार) पक्षाच्या सदस्यांनी ऐनवेळी भाजपची साथ सोडत शिंदेंच्या शिवसेनेकडे मारलेल्या उडीमुळे पेचप्रसंगत निर्माण झाला. कुणाचा गट मोठा आणि अधिकृत हा वाद अद्याप न्यायालयाच्या अधीन आहे. त्यामुळे प्रशासकीय कारभार आता आढावा बैठकांपुरता मर्यादीत झाला आहे. त्यात शहरातील दोन सत्ताकेंद्रांमुळे पालिकेतील अधिकारी आणि कर्मचाऱ्यांची फरफट होत असल्याची चर्चा रंगली आहे. गेल्या काही दिवसात नगराध्यक्षा तेजश्री करंजुले यांनी त्यांच्यासोबत असलेल्या नगरसेवकांसोबत शहरातील समस्यांवर आढावा बैठका सुरू केल्या आहेत. तर शिवसेना आघाडीचे उपनगराध्यक्ष सदाशिव पाटील यांनीही आढावा बैठका घेणे सुरू केल्या आहेत. दोन्ही गटांकडून नगरसेवकांना सोबत घेऊन स्वतंत्र बैठका आयोजित केल्या जात असल्याने प्रशासनावर अतिरिक्त ताण येत आहे, अशी कुजबूज पालिकेच्या वर्तुळात रंगली आहे. या बैठकींमध्ये विविध नागरी प्रश्नांवर चर्चा होत असली तरी अनेक वेळा ठोस निर्णय होत नसल्याची चर्चा पालिकेत सुरू आहे. यात अधिकाऱ्यांचा वेळ मोठ्या प्रमाणावर बैठकींमध्ये जात असून प्रत्यक्ष अंमलबजावणीत मात्र मर्यादित प्रगती होत असल्याचे सूत्रांचे म्हणणे आहे. मात्र लोकप्रतिनिधी असल्याने सर्वांना योग्य न्याय आणि सन्मान देणे अधिकाऱ्यांचे कामच आहे. त्यामुळे अधिकारी, कर्मचारी आणि त्यांची यंत्रणा या बैठकांमध्ये सहभागी होत आहेत. मात्र अनेकदा या बैठकांमधील अंतर्गत वादाचे प्रसंगही अधिकाऱ्यांना सहन करावे लागत आहेत. एनओसी प्रस्तावावरून वाद अलीकडेच पालिका सभागृहात झालेल्या बैठकीत उपनगराध्यक्ष सदाशिव पाटील यांनी प्रभागात काम करणाऱ्या विकासकांना संबंधित नगरसेवकांचे ना हरकत प्रमाणपत्र ( एनओसी ) घेणे बंधनकारक करण्याचा प्रस्ताव मांडला. मात्र हा प्रस्ताव काही शिवसेना नगरसेवकांनाच अमान्य वाटल्याने बैठकीत तीव्र वादावादी झाली. गटनेत्यांनी मध्यस्थी केल्यानंतर अखेरीस हा प्रस्ताव फेटाळण्यात आला. बैठकीदरम्यान निर्माण झालेल्या गोंधळामुळे मुख्याधिकारी उमाकांत गायकवाड यांनाही बैठक सोडून जावे लागल्याची माहिती समोर आली आहे. याबाबत मुख्याधिकारी उमाकांत गायकवाड यांना विचारले असता, पालिकेत केवळ नियम व तरतुदींनुसार तसेच धोरणात्मक बाबींवरच निर्णयांची अंमलबजावणी केली जाईल. अनावश्यक किंवा अधिकार क्षेत्राबाहेरील विषयांना मान्यता दिली जाणार नाही, असे स्पष्ट केले.