पिंपरी चिंचवड महानगरपालिकेने पुण्यश्लोक अहिल्यादेवी होळकर यांच्या त्रिशताब्दी जयंतीपूर्तीनिमित्त रविवार, ३१ मे २०२६ रोजी “विचार प्रबोधन पर्व” या विशेष उपक्रमाचे आयोजन केले आहे. पिंपरी येथील मोरवाडी चौक आणि सांगवी येथील नटसम्राट निळू फुले रंगमंदिर येथे विविध सांस्कृतिक, ऐतिहासिक आणि प्रबोधनपर कार्यक्रमांची रेलचेल असणार आहे. या प्रबोधन पर्वाची सुरुवात रविवार, ३१ मे २०२६ रोजी सकाळी १०:३० वाजता महापौर रवि लांडगे यांच्या हस्ते पुण्यश्लोक अहिल्यादेवी होळकर यांच्या प्रतिमेला पुष्पहार अर्पण करून अभिवादन करण्याने होईल. अहिल्यादेवी होळकर यांचे व्यापक कार्य आणि प्रेरणादायी इतिहास नव्या पिढीपर्यंत पोहोचावा, हा या आयोजनामागील प्रमुख उद्देश आहे. या कार्यक्रमाला महापालिका आयुक्त डॉ. विजय सूर्यवंशी यांच्यासह अतिरिक्त आयुक्त कुलदीप जंगम, तृप्ती सांडभोर आणि विक्रांत बगाडे हे देखील उपस्थित राहणार आहेत. या विचार प्रबोधन पर्वाअंतर्गत दुपारी १२:३० वाजता मोरवाडी चौकात महाराष्ट्राची प्राचीन संस्कृती दर्शवणारा ‘सुवर्ण महाराष्ट्राचा लोकोत्सव’ हा भव्य कार्यक्रम सादर केला जाईल. यामध्ये कोल्हापूरचे ७५ कलाकार धनगरीनृत्य, भूपाळी, वासुदेव, पिंगळा, वाघ्या मुरळी, शाहिरी पोवाडे, आदिवासी आणि डोंबारी यांसारख्या विविध कलाप्रकारांतून अहिल्यादेवी होळकर यांच्या स्वाभिमानी व आदर्श वाटचालीचे दर्शन घडवतील. तसेच रात्री ९ वाजता सांगवी येथील नटसम्राट निळू फुले रंगमंदिरात पुण्यश्लोक फाउंडेशन, महाराष्ट्र सादर करणार असलेले 'पुण्यश्लोक' हे ७५ कलाकारांचे महानाट्य अहिल्यादेवींच्या जीवनप्रवासावर आधारित असेल. महापालिकेतर्फे आयोजित हे सर्व कार्यक्रम सर्वांसाठी विनामूल्य आणि खुले आहेत. रविवार, ३१ मे २०२६ रोजीच्या कार्यक्रमांचे सविस्तर वेळापत्रक असे आहे: सकाळी ८:३० वाजता मोरवाडी चौकात श्री. अंबादास पडळकर व त्यांच्या ३० सहकाऱ्यांचे ‘गजनृत्य’, सकाळी ९:०० वाजता ‘सामना ढोलपथक, मुंबई’ द्वारे ढोलपथकाच्या गजरात अभिवादन. सकाळी १०:३० वाजता पिंपरी चिंचवड महानगरपालिकेच्या मुख्य प्रशासकीय इमारतीत महापौरांच्या हस्ते प्रतिमेस पुष्पहार अर्पण करून अभिवादन होईल, तर सकाळी १०:४५ वाजता मोरवाडी चौक आणि सकाळी ११:०० वाजता सांगवी येथील पुण्यश्लोक अहिल्यादेवी होळकर यांच्या पुतळ्यांना महापौर पुष्पहार अर्पण करून अभिवादन करतील. दुपारी २:३० वाजता छत्रपती संभाजीनगर येथील शाहीर श्री. सुरेश जाधव व सहकारी मोरवाडी चौकात शाहिरी कार्यक्रम सादर करतील. महानगरपालिकेचे आयुक्त डॉ. विजय सूर्यवंशी यांनी शहरवासियांना या सर्व कार्यक्रमांत मोठ्या संख्येने सहभागी होऊन त्याग आणि पराक्रमाचा इतिहास अनुभवण्याचे आवाहन केले आहे.

City Mirror News

Media house पिंपरी चिंचवड, पुणे, महाराष्ट्र•

1 hr ago

पिंपरी चिंचवड महानगरपालिकेने पुण्यश्लोक अहिल्यादेवी होळकर यांच्या त्रिशताब्दी जयंतीपूर्तीनिमित्त रविवार, ३१ मे २०२६ रोजी “विचार प्रबोधन पर्व” या विशेष उपक्रमाचे आयोजन केले आहे. पिंपरी येथील मोरवाडी चौक आणि सांगवी येथील नटसम्राट निळू फुले रंगमंदिर येथे विविध सांस्कृतिक, ऐतिहासिक आणि प्रबोधनपर कार्यक्रमांची रेलचेल असणार आहे. या प्रबोधन पर्वाची सुरुवात रविवार, ३१ मे २०२६ रोजी सकाळी १०:३० वाजता महापौर रवि लांडगे यांच्या हस्ते पुण्यश्लोक अहिल्यादेवी होळकर यांच्या प्रतिमेला पुष्पहार अर्पण करून अभिवादन करण्याने होईल. अहिल्यादेवी होळकर यांचे व्यापक कार्य आणि प्रेरणादायी इतिहास नव्या पिढीपर्यंत पोहोचावा, हा या आयोजनामागील प्रमुख उद्देश आहे. या कार्यक्रमाला महापालिका आयुक्त डॉ. विजय सूर्यवंशी यांच्यासह अतिरिक्त आयुक्त कुलदीप जंगम, तृप्ती सांडभोर आणि विक्रांत बगाडे हे देखील उपस्थित राहणार आहेत. या विचार प्रबोधन पर्वाअंतर्गत दुपारी १२:३० वाजता मोरवाडी चौकात महाराष्ट्राची प्राचीन संस्कृती दर्शवणारा ‘सुवर्ण महाराष्ट्राचा लोकोत्सव’ हा भव्य कार्यक्रम सादर केला जाईल. यामध्ये कोल्हापूरचे ७५ कलाकार धनगरीनृत्य, भूपाळी, वासुदेव, पिंगळा, वाघ्या मुरळी, शाहिरी पोवाडे, आदिवासी आणि डोंबारी यांसारख्या विविध कलाप्रकारांतून अहिल्यादेवी होळकर यांच्या स्वाभिमानी व आदर्श वाटचालीचे दर्शन घडवतील. तसेच रात्री ९ वाजता सांगवी येथील नटसम्राट निळू फुले रंगमंदिरात पुण्यश्लोक फाउंडेशन, महाराष्ट्र सादर करणार असलेले 'पुण्यश्लोक' हे ७५ कलाकारांचे महानाट्य अहिल्यादेवींच्या जीवनप्रवासावर आधारित असेल. महापालिकेतर्फे आयोजित हे सर्व कार्यक्रम सर्वांसाठी विनामूल्य आणि खुले आहेत. रविवार, ३१ मे २०२६ रोजीच्या कार्यक्रमांचे सविस्तर वेळापत्रक असे आहे: सकाळी ८:३० वाजता मोरवाडी चौकात श्री. अंबादास पडळकर व त्यांच्या ३० सहकाऱ्यांचे ‘गजनृत्य’, सकाळी ९:०० वाजता ‘सामना ढोलपथक, मुंबई’ द्वारे ढोलपथकाच्या गजरात अभिवादन. सकाळी १०:३० वाजता पिंपरी चिंचवड महानगरपालिकेच्या मुख्य प्रशासकीय इमारतीत महापौरांच्या हस्ते प्रतिमेस पुष्पहार अर्पण करून अभिवादन होईल, तर सकाळी १०:४५ वाजता मोरवाडी चौक आणि सकाळी ११:०० वाजता सांगवी येथील पुण्यश्लोक अहिल्यादेवी होळकर यांच्या पुतळ्यांना महापौर पुष्पहार अर्पण करून अभिवादन करतील. दुपारी २:३० वाजता छत्रपती संभाजीनगर येथील शाहीर श्री. सुरेश जाधव व सहकारी मोरवाडी चौकात शाहिरी कार्यक्रम सादर करतील. महानगरपालिकेचे आयुक्त डॉ. विजय सूर्यवंशी यांनी शहरवासियांना या सर्व कार्यक्रमांत मोठ्या संख्येने सहभागी होऊन त्याग आणि पराक्रमाचा इतिहास अनुभवण्याचे आवाहन केले आहे.