ఖమ్మం జిల్లా వైరా మండలం పుణ్యపురం గ్రామానికి చెందిన తలపాటి సూర్యకాంత్, రేణుక దంపతుల ఏడు నెలల కవల పసికందు, ఖమ్మం ప్రభుత్వ ఆసుపత్రి వైద్యుల నిర్లక్ష్యం కారణంగా వికలాంగుడిగా మారిన దారుణ ఘటన వెలుగులోకి వచ్చింది. ఏడు నెలల గర్భిణిగా ఉన్న రేణుక కవల పిల్లలకు జన్మనివ్వగా, వారిలో ఒక బాలుడి ఆరోగ్యం సరిగా లేకపోవడంతో కుటుంబ సభ్యులు మార్చి 4వ తేదీన చికిత్స నిమిత్తం ఖమ్మం ప్రభుత్వ ఆసుపత్రిలో చేర్చారు. ఆసుపత్రిలో బాలుడికి రక్తం తక్కువగా ఉందని చెప్పి రక్తం ఎక్కిస్తున్న క్రమంలో, కాన్యులా ఏర్పరచిన స్థలంలో వాపు వచ్చిందని కుటుంబ సభ్యులు వైద్యులకు తెలియజేశారు. అయితే, వైద్యులు దీనిని పెద్ద సమస్య కాదని నిర్లక్ష్యంగా దాటవేశారు. ఎన్ని రోజులైనా ఆ వాపు తగ్గకపోగా, చేయి నల్లగా మారడంతో తల్లిదండ్రులు మరోసారి నిలదీయగా, బయట ప్రైవేటులో స్కానింగ్ తీసుకొని రమ్మంటూ వైద్యులు నిర్లక్ష్యపు సమాధానం ఇచ్చారు. స్కానింగ్ నివేదికలో బాలుడి చేతిలోని కణజాలం దెబ్బతిని, చేయి పూర్తిగా పాడైపోయిందని రావడంతో తల్లిదండ్రులు తిరిగి డాక్టర్లను నిలదీశారు. అప్పుడు హైదరాబాద్‌లోని నిలోఫర్ ఆసుపత్రికి వెళితే వెంటనే నయం చేస్తారని ఖమ్మం వైద్యులు సూచించగా, మార్చి 26వ తేదీన బాలుడిని అక్కడికి తరలించారు. నిలోఫర్ ఆసుపత్రి వైద్యులు బాలుడి చేయి పూర్తిగా దెబ్బతినిందని, దానిని తొలగించక తప్పదని చెప్పడంతో బాలుడి తల్లిదండ్రులు కుప్పకూలిపోయారు. చేసేదేమీ లేక బాలుడి చేయి తొలగించేందుకు అంగీకరించిన కుటుంబ సభ్యులు, ఖమ్మం ప్రభుత్వ ఆసుపత్రి వైద్యుల నిర్లక్ష్యం వల్లే తమ పసికందు వికలాంగుడిగా మారాడని తీవ్ర ఆవేదన వ్యక్తం చేశారు.

Kasani Venkatesh

Local News Reporter నేలకొండపల్లి, ఖమ్మం, తెలంగాణ•

1 hr ago

ఖమ్మం జిల్లా వైరా మండలం పుణ్యపురం గ్రామానికి చెందిన తలపాటి సూర్యకాంత్, రేణుక దంపతుల ఏడు నెలల కవల పసికందు, ఖమ్మం ప్రభుత్వ ఆసుపత్రి వైద్యుల నిర్లక్ష్యం కారణంగా వికలాంగుడిగా మారిన దారుణ ఘటన వెలుగులోకి వచ్చింది. ఏడు నెలల గర్భిణిగా ఉన్న రేణుక కవల పిల్లలకు జన్మనివ్వగా, వారిలో ఒక బాలుడి ఆరోగ్యం సరిగా లేకపోవడంతో కుటుంబ సభ్యులు మార్చి 4వ తేదీన చికిత్స నిమిత్తం ఖమ్మం ప్రభుత్వ ఆసుపత్రిలో చేర్చారు. ఆసుపత్రిలో బాలుడికి రక్తం తక్కువగా ఉందని చెప్పి రక్తం ఎక్కిస్తున్న క్రమంలో, కాన్యులా ఏర్పరచిన స్థలంలో వాపు వచ్చిందని కుటుంబ సభ్యులు వైద్యులకు తెలియజేశారు. అయితే, వైద్యులు దీనిని పెద్ద సమస్య కాదని నిర్లక్ష్యంగా దాటవేశారు. ఎన్ని రోజులైనా ఆ వాపు తగ్గకపోగా, చేయి నల్లగా మారడంతో తల్లిదండ్రులు మరోసారి నిలదీయగా, బయట ప్రైవేటులో స్కానింగ్ తీసుకొని రమ్మంటూ వైద్యులు నిర్లక్ష్యపు సమాధానం ఇచ్చారు. స్కానింగ్ నివేదికలో బాలుడి చేతిలోని కణజాలం దెబ్బతిని, చేయి పూర్తిగా పాడైపోయిందని రావడంతో తల్లిదండ్రులు తిరిగి డాక్టర్లను నిలదీశారు. అప్పుడు హైదరాబాద్‌లోని నిలోఫర్ ఆసుపత్రికి వెళితే వెంటనే నయం చేస్తారని ఖమ్మం వైద్యులు సూచించగా, మార్చి 26వ తేదీన బాలుడిని అక్కడికి తరలించారు. నిలోఫర్ ఆసుపత్రి వైద్యులు బాలుడి చేయి పూర్తిగా దెబ్బతినిందని, దానిని తొలగించక తప్పదని చెప్పడంతో బాలుడి తల్లిదండ్రులు కుప్పకూలిపోయారు. చేసేదేమీ లేక బాలుడి చేయి తొలగించేందుకు అంగీకరించిన కుటుంబ సభ్యులు, ఖమ్మం ప్రభుత్వ ఆసుపత్రి వైద్యుల నిర్లక్ష్యం వల్లే తమ పసికందు వికలాంగుడిగా మారాడని తీవ్ర ఆవేదన వ్యక్తం చేశారు.