मावळ तालुक्यात पवना धरण पाणलोट क्षेत्रातून मागील काही महिन्यांपासून गाळ काढण्याच्या नावाखाली मोठ्या प्रमाणात लाल मातीचे अवैध उत्खनन आणि वाहतूक सुरू असल्याचा गंभीर आरोप करण्यात आला आहे. शिवशाही व्यापारी संघटनेचे अध्यक्ष युवराज दाखले यांनी या प्रकरणी अवैध उत्खनन व वाहतूक करणाऱ्या रॅकेटमागील 'मास्टरमाइंड' शोधून त्यांच्यावर तातडीने गुन्हे दाखल करून कठोर कारवाई करण्याची मागणी प्रशासनाकडे केली आहे. दाखले यांनी यापूर्वीही जिल्हाधिकारी तसेच मुख्यमंत्री यांच्याकडे या प्रकाराबाबत तक्रार केली होती, ज्याची दखल घेत तहसीलदार कार्यालयाने काही वाहनांवर कारवाई केली होती. मात्र, काही काळाच्या शांततेनंतर पुन्हा एकदा मोठ्या प्रमाणावर लाल मातीचा उपसा आणि वाहतूक सुरू झाल्याचे दिसून येत आहे. सध्या पावसाळा जवळ आल्यामुळे माती वाहतूक करणाऱ्या वाहनांची संख्या लक्षणीय वाढली असून, दिवस-रात्र शेकडो हायवा आणि डंपर रस्त्यांवर धावत असल्याचा आरोप आहे. यातील अनेक वाहनांवर नंबर प्लेट नसल्याचेही निदर्शनास आले असून, यामुळे प्रशासनाच्या कार्यक्षमतेवर प्रश्नचिन्ह निर्माण झाले आहे. स्थानिकांनी दिलेल्या माहितीनुसार, ही वाहने वाघेश्वर मंदिर परिसरातून घेवंडे, खडक, चांदेवाडी, ठाकूरसाई, ब्राह्मणोली, पवनानगर, कडधे, शिवणे, बेबड ओहोळ मार्गे चांदखेड परिसराकडे जात आहेत. या अवैध माती उपशामुळे पर्यावरणाचा समतोल बिघडण्याची तसेच रस्त्यांचे मोठे नुकसान होण्याची भीती व्यक्त केली जात आहे. युवराज दाखले यांनी पुन्हा एकदा कठोर भूमिका घेत, गाळाच्या नावाखाली सुरू असलेली लाल मातीची ही मोठ्या प्रमाणावर लूट त्वरित थांबवावी अशी मागणी केली आहे. त्यांनी या संपूर्ण रॅकेटमागील सूत्रधारांचा सखोल तपास करून संबंधितांवर कठोर कारवाई करण्याचे आवाहन केले. तसेच, अवैध माती वाहतूक तात्काळ थांबवण्यासाठी महसूल, पोलीस आणि संबंधित विभागांनी संयुक्त मोहीम राबवावी असेही ते म्हणाले. या प्रकरणाबाबत स्थानिक नागरिकांमधूनही तीव्र नाराजी व्यक्त होत असून, प्रशासनाने तातडीने कारवाई न केल्यास व्यापक आंदोलन छेडण्याचा इशाराही देण्यात आला आहे.

City Mirror News

Media house पिंपरी चिंचवड, पुणे, महाराष्ट्र•

2 hrs ago

मावळ तालुक्यात पवना धरण पाणलोट क्षेत्रातून मागील काही महिन्यांपासून गाळ काढण्याच्या नावाखाली मोठ्या प्रमाणात लाल मातीचे अवैध उत्खनन आणि वाहतूक सुरू असल्याचा गंभीर आरोप करण्यात आला आहे. शिवशाही व्यापारी संघटनेचे अध्यक्ष युवराज दाखले यांनी या प्रकरणी अवैध उत्खनन व वाहतूक करणाऱ्या रॅकेटमागील 'मास्टरमाइंड' शोधून त्यांच्यावर तातडीने गुन्हे दाखल करून कठोर कारवाई करण्याची मागणी प्रशासनाकडे केली आहे. दाखले यांनी यापूर्वीही जिल्हाधिकारी तसेच मुख्यमंत्री यांच्याकडे या प्रकाराबाबत तक्रार केली होती, ज्याची दखल घेत तहसीलदार कार्यालयाने काही वाहनांवर कारवाई केली होती. मात्र, काही काळाच्या शांततेनंतर पुन्हा एकदा मोठ्या प्रमाणावर लाल मातीचा उपसा आणि वाहतूक सुरू झाल्याचे दिसून येत आहे. सध्या पावसाळा जवळ आल्यामुळे माती वाहतूक करणाऱ्या वाहनांची संख्या लक्षणीय वाढली असून, दिवस-रात्र शेकडो हायवा आणि डंपर रस्त्यांवर धावत असल्याचा आरोप आहे. यातील अनेक वाहनांवर नंबर प्लेट नसल्याचेही निदर्शनास आले असून, यामुळे प्रशासनाच्या कार्यक्षमतेवर प्रश्नचिन्ह निर्माण झाले आहे. स्थानिकांनी दिलेल्या माहितीनुसार, ही वाहने वाघेश्वर मंदिर परिसरातून घेवंडे, खडक, चांदेवाडी, ठाकूरसाई, ब्राह्मणोली, पवनानगर, कडधे, शिवणे, बेबड ओहोळ मार्गे चांदखेड परिसराकडे जात आहेत. या अवैध माती उपशामुळे पर्यावरणाचा समतोल बिघडण्याची तसेच रस्त्यांचे मोठे नुकसान होण्याची भीती व्यक्त केली जात आहे. युवराज दाखले यांनी पुन्हा एकदा कठोर भूमिका घेत, गाळाच्या नावाखाली सुरू असलेली लाल मातीची ही मोठ्या प्रमाणावर लूट त्वरित थांबवावी अशी मागणी केली आहे. त्यांनी या संपूर्ण रॅकेटमागील सूत्रधारांचा सखोल तपास करून संबंधितांवर कठोर कारवाई करण्याचे आवाहन केले. तसेच, अवैध माती वाहतूक तात्काळ थांबवण्यासाठी महसूल, पोलीस आणि संबंधित विभागांनी संयुक्त मोहीम राबवावी असेही ते म्हणाले. या प्रकरणाबाबत स्थानिक नागरिकांमधूनही तीव्र नाराजी व्यक्त होत असून, प्रशासनाने तातडीने कारवाई न केल्यास व्यापक आंदोलन छेडण्याचा इशाराही देण्यात आला आहे.