भोंदू समजून पकडले, निघाले खरे साधू; कोप्रोलीतील घटनेत पोलिसांचे स्पष्टीकरण उरण तालुक्यातील कोप्रोली गावात संशयावरून पकडण्यात आलेले चार जण अखेरीस खरे साधू असल्याचे पोलिस तपासात स्पष्ट झाले असून, या घटनेने परिसरात काही काळ तणावाचे वातावरण निर्माण झाले होते. मिळालेल्या माहितीनुसार, कोप्रोली गावात स्कोर्पिओ कारमधून आलेल्या चार जणांच्या हालचाली संशयास्पद वाटल्याने स्थानिक नागरिकांनी त्यांना भोंदू बाबा समजून तात्काळ पोलिसांना माहिती दिली. सध्या विविध भागांत भोंदूगिरीच्या घटना घडत असल्यामुळे नागरिकांमध्ये सतर्कता वाढली असून, त्याच पार्श्वभूमीवर ही कारवाई करण्यात आली. माहिती मिळताच पोलिसांनी घटनास्थळी धाव घेतली आणि संबंधित चारही जणांना त्यांच्या वाहनासह पोलीस ठाण्यात आणून सखोल चौकशी केली. चौकशीदरम्यान त्यांच्या ओळखपत्रांची आणि प्रवासासंबंधी कागदपत्रांची तपासणी करण्यात आली. या तपासात हे चारही जण खरे साधू असून ते बंगलोर येथून त्र्यंबकेश्वरकडे धार्मिक यात्रेसाठी निघाले होते, असे निष्पन्न झाले. प्रवासादरम्यान ते कोप्रोली परिसरात थांबले असता नागरिकांना संशय आल्याने हा प्रकार घडल्याचे स्पष्ट झाले. पोलिसांनी या घटनेनंतर नागरिकांच्या सतर्कतेचे कौतुक केले, मात्र कोणतीही ठोस माहिती व पुरावे मिळाल्याशिवाय निष्कर्ष काढू नये, तसेच अफवा पसरवू नयेत, असे आवाहनही केले. दरम्यान, या घटनेत कोणतीही गैरप्रकाराची बाब आळून न आल्याने संबंधित साधूंना सोडून देण्यात आले असून, परिसरात पुन्हा शांतता प्रस्थापित झाली आहे.

विरेश मधुकर मोडखरकर

उरण, रायगड, महाराष्ट्र•

2 hrs ago

भोंदू समजून पकडले, निघाले खरे साधू; कोप्रोलीतील घटनेत पोलिसांचे स्पष्टीकरण उरण तालुक्यातील कोप्रोली गावात संशयावरून पकडण्यात आलेले चार जण अखेरीस खरे साधू असल्याचे पोलिस तपासात स्पष्ट झाले असून, या घटनेने परिसरात काही काळ तणावाचे वातावरण निर्माण झाले होते. मिळालेल्या माहितीनुसार, कोप्रोली गावात स्कोर्पिओ कारमधून आलेल्या चार जणांच्या हालचाली संशयास्पद वाटल्याने स्थानिक नागरिकांनी त्यांना भोंदू बाबा समजून तात्काळ पोलिसांना माहिती दिली. सध्या विविध भागांत भोंदूगिरीच्या घटना घडत असल्यामुळे नागरिकांमध्ये सतर्कता वाढली असून, त्याच पार्श्वभूमीवर ही कारवाई करण्यात आली. माहिती मिळताच पोलिसांनी घटनास्थळी धाव घेतली आणि संबंधित चारही जणांना त्यांच्या वाहनासह पोलीस ठाण्यात आणून सखोल चौकशी केली. चौकशीदरम्यान त्यांच्या ओळखपत्रांची आणि प्रवासासंबंधी कागदपत्रांची तपासणी करण्यात आली. या तपासात हे चारही जण खरे साधू असून ते बंगलोर येथून त्र्यंबकेश्वरकडे धार्मिक यात्रेसाठी निघाले होते, असे निष्पन्न झाले. प्रवासादरम्यान ते कोप्रोली परिसरात थांबले असता नागरिकांना संशय आल्याने हा प्रकार घडल्याचे स्पष्ट झाले. पोलिसांनी या घटनेनंतर नागरिकांच्या सतर्कतेचे कौतुक केले, मात्र कोणतीही ठोस माहिती व पुरावे मिळाल्याशिवाय निष्कर्ष काढू नये, तसेच अफवा पसरवू नयेत, असे आवाहनही केले. दरम्यान, या घटनेत कोणतीही गैरप्रकाराची बाब आळून न आल्याने संबंधित साधूंना सोडून देण्यात आले असून, परिसरात पुन्हा शांतता प्रस्थापित झाली आहे.