રાજ્યના વન અને પર્યાવરણ, વાહનવ્યવહાર અને ક્લાયમેટ ચેન્જ રાજ્ય મંત્રી શ્રી પ્રવીણભાઈ માળીની વિશેષ ઉપસ્થિતિમાં કલેકટર કચેરી પાલનપુર ખાતે જિલ્લા સંકલન અને ફરિયાદ નિવારણ સમિતિની બેઠક યોજાઈ હતી. આ બેઠકમાં જિલ્લા પંચાયત પ્રમુખ અને ધારાસભ્યો દ્વારા વિવિધ વિભાગોને પૂછવામાં આવેલા પ્રશ્નો સંદર્ભે અધિકારીઓ દ્વારા અપાયેલા જવાબો પર ચર્ચા કરવામાં આવી હતી, જેમાં જિલ્લાના વિકાસકાર્યો અને જનપ્રશ્નોના ઝડપી ઉકેલ માટે અધિકારીઓને માર્ગદર્શન પૂરું પાડવામાં આવ્યું હતું. બેઠક દરમિયાન, જિલ્લા કલેકટર પાસે મળેલી વિવિધ રજૂઆતો બાબતે સંબંધિત અધિકારીઓ પાસેથી સમીક્ષા લેવામાં આવી હતી અને કામની પ્રગતિનો અહેવાલ ચકાસવામાં આવ્યો હતો. મંત્રી શ્રી પ્રવીણભાઈ માળીએ નિર્દેશ આપ્યો હતો કે, જિલ્લામાં આવતા નાના-મોટા તમામ પ્રશ્નોનું સમયમર્યાદામાં નિરાકરણ થવું અત્યંત જરૂરી છે. તેમણે જિલ્લા, તાલુકા અને ગ્રામ્ય કક્ષાએ સંબંધિત વિભાગ અને અધિકારીઓ સાથે સંકલન સાધીને તમામ પ્રશ્નોનું ઝડપી નિરાકરણ લાવવા અને વિકાસકાર્યો સમયસર પૂર્ણ કરવા સૂચના આપી હતી. મંત્રીશ્રીએ પ્રિ-મોન્સુન કામગીરીના આયોજન અંગે ચર્ચા કરી હતી અને સુજલામ સુફલામ અભિયાન અંતર્ગત તમામ તળાવોની ૧૦૦ ટકા માપણી પૂર્ણ કરવા તથા દરેક તાલુકામાં જળ સંચયના કાર્યોને પ્રાધાન્ય આપવા જણાવ્યું હતું. આ ઉપરાંત, વરસાદની સિઝનમાં વિદ્યાર્થીઓને શાળાએ જવામાં કોઈ તકલીફ ન પડે તે માટે અગાઉથી આયોજન કરવા પણ જરૂરી સૂચનો અને માર્ગદર્શન આપવામાં આવ્યું હતું. તેમણે એવી પણ જાહેરાત કરી હતી કે, આગામી સમયમાં બનાસકાંઠાના દરેક તાલુકા દીઠ એક મોડેલ રમતગમત મેદાન વિકસાવવામાં આવશે અને તે માટે અધિકારીઓને આયોજન કરવા જણાવ્યું હતું. બેઠકમાં નેશનલ હાઈવે, વન વિભાગ અને પાણી પુરવઠા વિભાગ સંબંધિત અગત્યના પ્રશ્નોના નિરાકરણ અંગે વિસ્તૃત ચર્ચા કરવામાં આવી હતી. આ બેઠકમાં જિલ્લા પંચાયતના પ્રમુખ શ્રી વસંતભાઈ પુરોહિત, ધારાસભ્ય સર્વ શ્રી અનિકેતભાઈ ઠાકર, શ્રી કાંતિભાઈ ખરાડી, શ્રી અમૃતજી ઠાકોર, જિલ્લા વિકાસ અધિકારી શ્રી એમ. જે. દવે, જિલ્લા પોલીસ અધિક્ષક શ્રી પ્રશાંત સુમ્બે, અધિક નિવાસી કલેક્ટર શ્રી સી.પી.પટેલ સહિત જિલ્લાના અમલીકરણ અધિકારીઓ ઉપસ્થિત રહ્યા હતા.

સોમાભાઈ. જે. રાવળ

ભાભર, બનાસકાંઠા, ગુજરાત•

10 hrs ago

રાજ્યના વન અને પર્યાવરણ, વાહનવ્યવહાર અને ક્લાયમેટ ચેન્જ રાજ્ય મંત્રી શ્રી પ્રવીણભાઈ માળીની વિશેષ ઉપસ્થિતિમાં કલેકટર કચેરી પાલનપુર ખાતે જિલ્લા સંકલન અને ફરિયાદ નિવારણ સમિતિની બેઠક યોજાઈ હતી. આ બેઠકમાં જિલ્લા પંચાયત પ્રમુખ અને ધારાસભ્યો દ્વારા વિવિધ વિભાગોને પૂછવામાં આવેલા પ્રશ્નો સંદર્ભે અધિકારીઓ દ્વારા અપાયેલા જવાબો પર ચર્ચા કરવામાં આવી હતી, જેમાં જિલ્લાના વિકાસકાર્યો અને જનપ્રશ્નોના ઝડપી ઉકેલ માટે અધિકારીઓને માર્ગદર્શન પૂરું પાડવામાં આવ્યું હતું. બેઠક દરમિયાન, જિલ્લા કલેકટર પાસે મળેલી વિવિધ રજૂઆતો બાબતે સંબંધિત અધિકારીઓ પાસેથી સમીક્ષા લેવામાં આવી હતી અને કામની પ્રગતિનો અહેવાલ ચકાસવામાં આવ્યો હતો. મંત્રી શ્રી પ્રવીણભાઈ માળીએ નિર્દેશ આપ્યો હતો કે, જિલ્લામાં આવતા નાના-મોટા તમામ પ્રશ્નોનું સમયમર્યાદામાં નિરાકરણ થવું અત્યંત જરૂરી છે. તેમણે જિલ્લા, તાલુકા અને ગ્રામ્ય કક્ષાએ સંબંધિત વિભાગ અને અધિકારીઓ સાથે સંકલન સાધીને તમામ પ્રશ્નોનું ઝડપી નિરાકરણ લાવવા અને વિકાસકાર્યો સમયસર પૂર્ણ કરવા સૂચના આપી હતી. મંત્રીશ્રીએ પ્રિ-મોન્સુન કામગીરીના આયોજન અંગે ચર્ચા

કરી હતી અને સુજલામ સુફલામ અભિયાન અંતર્ગત તમામ તળાવોની ૧૦૦ ટકા માપણી પૂર્ણ કરવા તથા દરેક તાલુકામાં જળ સંચયના કાર્યોને પ્રાધાન્ય આપવા જણાવ્યું હતું. આ ઉપરાંત, વરસાદની સિઝનમાં વિદ્યાર્થીઓને શાળાએ જવામાં કોઈ તકલીફ ન પડે તે માટે અગાઉથી આયોજન કરવા પણ જરૂરી સૂચનો અને માર્ગદર્શન આપવામાં આવ્યું હતું. તેમણે એવી પણ જાહેરાત કરી હતી કે, આગામી સમયમાં બનાસકાંઠાના દરેક તાલુકા દીઠ એક મોડેલ રમતગમત મેદાન વિકસાવવામાં આવશે અને તે માટે અધિકારીઓને આયોજન કરવા જણાવ્યું હતું. બેઠકમાં નેશનલ હાઈવે, વન વિભાગ અને પાણી પુરવઠા વિભાગ સંબંધિત અગત્યના પ્રશ્નોના નિરાકરણ અંગે વિસ્તૃત ચર્ચા કરવામાં આવી હતી. આ બેઠકમાં જિલ્લા પંચાયતના પ્રમુખ શ્રી વસંતભાઈ પુરોહિત, ધારાસભ્ય સર્વ શ્રી અનિકેતભાઈ ઠાકર, શ્રી કાંતિભાઈ ખરાડી, શ્રી અમૃતજી ઠાકોર, જિલ્લા વિકાસ અધિકારી શ્રી એમ. જે. દવે, જિલ્લા પોલીસ અધિક્ષક શ્રી પ્રશાંત સુમ્બે, અધિક નિવાસી કલેક્ટર શ્રી સી.પી.પટેલ સહિત જિલ્લાના અમલીકરણ અધિકારીઓ ઉપસ્થિત રહ્યા હતા.