अर्जुनी-मोरगाव येथील अनुसूचित जाती व नवबौद्ध मुलांच्या निवासी शाळेसाठी तात्पुरत्या स्वरूपात भाडेतत्त्वावरील इमारत उपलब्ध करून देण्याची मागणी आमदार राजकुमार बडोले यांनी केली आहे. माजी मंत्री तथा अर्जुनी-मोरगाव विधानसभा मतदारसंघाचे आमदार बडोले यांनी यासंदर्भात सामाजिक न्याय मंत्री संजय शिरसाट यांना पत्र पाठवले आहे. या निवासी शाळेत चालू शैक्षणिक वर्षासाठी ६५ विद्यार्थ्यांनी प्रवेश घेतला आहे. मात्र, सार्वजनिक बांधकाम विभागामार्फत उभारण्यात येत असलेल्या नवीन शाळेच्या इमारतीचे बांधकाम अद्याप पूर्ण झालेले नाही. त्यामुळे ही इमारत अद्याप सामाजिक न्याय विभागाकडे हस्तांतरित होऊ शकलेली नाही. सार्वजनिक बांधकाम विभागाच्या माहितीनुसार, इमारतीचे काम पूर्ण होण्यासाठी आणखी एक ते दोन महिने किंवा दिवाळीपर्यंतचा कालावधी लागू शकतो, ज्यामुळे विद्यार्थ्यांच्या शिक्षणावर प्रतिकूल परिणाम होण्याची शक्यता निर्माण झाली आहे. विद्यार्थ्यांचे शैक्षणिक नुकसान टाळण्यासाठी आणि त्यांचे शैक्षणिक वर्ष सुरळीत सुरू राहण्यासाठी तातडीने भाडेतत्त्वावरील इमारत उपलब्ध करून शाळा सुरू करण्याचे निर्देश संबंधित यंत्रणेला द्यावेत, अशी मागणी बडोले यांनी पत्रात केली आहे. तसेच नवीन इमारतीचे काम पूर्ण होऊन ती हस्तांतरित झाल्यानंतर शाळा तिथे स्थलांतरित करण्यात यावी, अशी विनंतीही त्यांनी केली आहे।

सुरेंद्रकुमार ठवरे

अर्जुनी मोरगाव, गोंदिया, महाराष्ट्र•

1 hr ago

अर्जुनी-मोरगाव येथील अनुसूचित जाती व नवबौद्ध मुलांच्या निवासी शाळेसाठी तात्पुरत्या स्वरूपात भाडेतत्त्वावरील इमारत उपलब्ध करून देण्याची मागणी आमदार राजकुमार बडोले यांनी केली आहे. माजी मंत्री तथा अर्जुनी-मोरगाव विधानसभा मतदारसंघाचे आमदार बडोले यांनी यासंदर्भात सामाजिक न्याय मंत्री संजय शिरसाट यांना पत्र पाठवले आहे. या निवासी शाळेत चालू शैक्षणिक वर्षासाठी ६५ विद्यार्थ्यांनी प्रवेश घेतला आहे. मात्र, सार्वजनिक बांधकाम विभागामार्फत उभारण्यात येत असलेल्या नवीन शाळेच्या इमारतीचे बांधकाम अद्याप पूर्ण झालेले नाही. त्यामुळे ही इमारत अद्याप सामाजिक न्याय विभागाकडे हस्तांतरित होऊ शकलेली नाही. सार्वजनिक बांधकाम विभागाच्या माहितीनुसार, इमारतीचे काम पूर्ण होण्यासाठी आणखी एक ते दोन महिने किंवा दिवाळीपर्यंतचा कालावधी लागू शकतो, ज्यामुळे विद्यार्थ्यांच्या शिक्षणावर प्रतिकूल परिणाम होण्याची शक्यता निर्माण झाली आहे. विद्यार्थ्यांचे शैक्षणिक नुकसान टाळण्यासाठी आणि त्यांचे शैक्षणिक वर्ष सुरळीत सुरू राहण्यासाठी तातडीने भाडेतत्त्वावरील इमारत उपलब्ध करून शाळा सुरू करण्याचे निर्देश संबंधित यंत्रणेला द्यावेत, अशी मागणी बडोले यांनी पत्रात केली आहे. तसेच नवीन इमारतीचे काम पूर्ण होऊन ती हस्तांतरित झाल्यानंतर शाळा तिथे स्थलांतरित करण्यात यावी, अशी विनंतीही त्यांनी केली आहे।