जन्म असो की मृत्यू; २१ दिवसांत नोंदणी बंधनकारक ! जन्म असो की मृत्यू; २१ दिवसांत नोंदणी बंधनकारक ! विविध योजना व शासकीय सवलतींसाठी वेळेत नोंदणीचे प्रशासनाकडून आवाहन.. नागरिकांनी वेळेत नोंदणी करून अडचणी टाळाव्यात.. ओमप्रकाश उढाण जन्म किंवा मृत्यूची नोंद वेळेत न झाल्यास पुढील काळात अनेक अडचणींना सामोरे जावे लागू शकते. त्यामुळे Births and Deaths Registration Act, 1969 नुसार घटना घडल्यापासून २१ दिवसांच्या आत संबंधित स्थानिक स्वराज्य संस्थेकडे नोंदणी करणे कायद्याने बंधनकारक असल्याचे प्रशासनाकडून स्पष्ट करण्यात आले आहे. शासनाच्या विविध योजना, शैक्षणिक सवलती, शिष्यवृत्ती, पासपोर्ट, नोकरी, मतदानाचा हक्क तसेच वारसा हक्क यांसारख्या महत्त्वाच्या बाबी जन्म व मृत्यू नोंदणीवर अवलंबून असतात. अनेक वेळा नागरिकांच्या दुर्लक्षामुळे नोंदणी उशिरा होते. परिणामी अतिरिक्त दंड, चौकशी आणि कागदपत्रांची पूर्तता करावी लागते. अलीकडे जन्म-मृत्यू प्रमाणपत्रांबाबत घडलेल्या काही प्रकारांनंतर प्रशासन अधिक दक्ष झाले असून नागरिकांनी वेळेत नोंदणी करून अडचणी टाळाव्यात, असे आवाहन करण्यात आले आहे. कुठे करावी नोंद? जन्म किंवा मृत्यूची नोंद संबंधित नगरपरिषद, ग्रामपंचायत, शासकीय रुग्णालय अथवा अधिकृत नोंदणी केंद्रात करणे आवश्यक आहे. अधिकृत प्रमाणपत्र मिळवण्यासाठी नोंदणी अनिवार्य आहे. २१ दिवसांच्या आत नोंदणी केल्यास कोणत्याही अडथळ्याविना प्रमाणपत्र उपलब्ध होते. जन्म नोंदणी का आवश्यक? शाळा व महाविद्यालयीन प्रवेश, आधार, पासपोर्ट, मतदान ओळखपत्र, शासकीय योजना, शिष्यवृत्ती तसेच वयाचा अधिकृत पुरावा म्हणून जन्म नोंदणी अत्यावश्यक आहे. मृत्यू नोंदणी का महत्त्वाची? वारसाहक्क निश्चित करणे, मालमत्तेचे हस्तांतरण, पेन्शन व विमा दावे, बँक खाती बंद किंवा हस्तांतरित करणे तसेच शासकीय नोंदी अद्ययावत ठेवण्यासाठी मृत्यू नोंदणी आवश्यक आहे. उशीर झाल्यास विलंब शुल्क घटना घडल्यापासून २१ दिवसांच्या आत नोंदणी न केल्यास नियमांनुसार विलंब शुल्क भरावे लागते. विहित मुदतीत नोंदणी केल्यास प्रमाणपत्र मोफत मिळते; मात्र त्यानंतर नोंदणीसाठी विलंब शुल्क व कागदपत्रांची पडताळणी आवश्यक ठरते. त्यामुळे शासनाने दिलेल्या मुदतीत नोंदणी करून विलंब शुल्काचा भुर्दंड टाळावा, असे आवाहन करण्यात आले आहे. अशी माहिती डॉ. जयश्री भुसारे, जिल्हा आरोग्य अधिकारी, जिल्हा परिषद जालना यांनी दिली.

पत्रकार ओमप्रकाश उढाण

घनसावंगी, जालना, महाराष्ट्र•

8 hrs ago

जन्म असो की मृत्यू; २१ दिवसांत नोंदणी बंधनकारक ! जन्म असो की मृत्यू; २१ दिवसांत नोंदणी बंधनकारक ! विविध योजना व शासकीय सवलतींसाठी वेळेत नोंदणीचे प्रशासनाकडून आवाहन.. नागरिकांनी वेळेत नोंदणी करून अडचणी टाळाव्यात.. ओमप्रकाश उढाण जन्म किंवा मृत्यूची नोंद वेळेत न झाल्यास पुढील काळात अनेक अडचणींना सामोरे जावे लागू शकते. त्यामुळे Births and Deaths Registration Act, 1969 नुसार घटना घडल्यापासून २१ दिवसांच्या आत संबंधित स्थानिक स्वराज्य संस्थेकडे नोंदणी करणे कायद्याने बंधनकारक असल्याचे प्रशासनाकडून स्पष्ट करण्यात आले आहे. शासनाच्या विविध योजना, शैक्षणिक सवलती, शिष्यवृत्ती, पासपोर्ट, नोकरी, मतदानाचा हक्क तसेच वारसा हक्क यांसारख्या महत्त्वाच्या बाबी जन्म व मृत्यू नोंदणीवर अवलंबून असतात. अनेक वेळा नागरिकांच्या दुर्लक्षामुळे नोंदणी उशिरा होते. परिणामी अतिरिक्त दंड, चौकशी आणि कागदपत्रांची पूर्तता करावी लागते. अलीकडे जन्म-मृत्यू प्रमाणपत्रांबाबत घडलेल्या काही प्रकारांनंतर प्रशासन अधिक दक्ष झाले असून नागरिकांनी वेळेत नोंदणी करून अडचणी टाळाव्यात, असे आवाहन करण्यात आले आहे. कुठे करावी नोंद? जन्म किंवा मृत्यूची नोंद संबंधित नगरपरिषद, ग्रामपंचायत, शासकीय रुग्णालय अथवा अधिकृत नोंदणी केंद्रात करणे आवश्यक आहे. अधिकृत प्रमाणपत्र मिळवण्यासाठी नोंदणी अनिवार्य आहे. २१ दिवसांच्या आत नोंदणी केल्यास कोणत्याही अडथळ्याविना प्रमाणपत्र उपलब्ध होते. जन्म नोंदणी का आवश्यक? शाळा व महाविद्यालयीन प्रवेश, आधार, पासपोर्ट, मतदान ओळखपत्र, शासकीय योजना, शिष्यवृत्ती तसेच वयाचा अधिकृत पुरावा म्हणून जन्म नोंदणी अत्यावश्यक आहे. मृत्यू नोंदणी का महत्त्वाची? वारसाहक्क निश्चित करणे, मालमत्तेचे हस्तांतरण, पेन्शन व विमा दावे, बँक खाती बंद किंवा हस्तांतरित करणे तसेच शासकीय नोंदी अद्ययावत ठेवण्यासाठी मृत्यू नोंदणी आवश्यक आहे. उशीर झाल्यास विलंब शुल्क घटना घडल्यापासून २१ दिवसांच्या आत नोंदणी न केल्यास नियमांनुसार विलंब शुल्क भरावे लागते. विहित मुदतीत नोंदणी केल्यास प्रमाणपत्र मोफत मिळते; मात्र त्यानंतर नोंदणीसाठी विलंब शुल्क व कागदपत्रांची पडताळणी आवश्यक ठरते. त्यामुळे शासनाने दिलेल्या मुदतीत नोंदणी करून विलंब शुल्काचा भुर्दंड टाळावा, असे आवाहन करण्यात आले आहे. अशी माहिती डॉ. जयश्री भुसारे, जिल्हा आरोग्य अधिकारी, जिल्हा परिषद जालना यांनी दिली.