मुंबईतील मालाड (पश्चिम) येथील लिबर्टी उद्यान महानगरपालिका शाळेच्या नवीन इमारतीचे लोकार्पण आज (दिनांक २१ जून २०२६) केंद्रीय वाणिज्य आणि उद्योग मंत्री पीयूष गोयल यांच्या हस्ते आणि मुंबईच्या महापौर रितू तावडे यांच्या अध्यक्षतेखाली करण्यात आले. अवघ्या दोन वर्षांत ही इमारत उभी राहिली असून, विद्यार्थ्यांना आधुनिक सुविधा पुरवण्यात आल्याबद्दल बृहन्मुंबई महानगरपालिका प्रशासनाचे कौतुक करण्यात आले. यावेळी बोलताना केंद्रीय मंत्री पीयूष गोयल यांनी प्रशासनाने वेळेत आणि दर्जेदार कामे करण्याचा दृष्टिकोन बाळगावा असे म्हटले. शासकीय प्रकल्पांमध्ये चांगली गुणवत्ता मिळणे हा नागरिकांचा अधिकार असून, त्यासाठी जनतेनेही सहभाग नोंदवून कामांवर देखरेख ठेवण्याचे आवाहन त्यांनी केले. उत्तर मुंबई लोकसभा मतदारसंघाला उत्तम घडवण्यासाठी शाळा, रुग्णालय, अग्निशमन केंद्र, रस्ते काँक्रीटीकरण, नदी पुनरुज्जीवन आणि सांडपाणी प्रक्रिया केंद्र यांसारख्या विविध प्रकल्पांच्या माध्यमातून विकास साधला जात असल्याचे गोयल यांनी नमूद केले. तसेच, अनधिकृत बांधकामे आणि फेरीवाले हटवण्यासाठी प्रयत्न सुरू असून, आगामी काळात उत्तर मुंबईतील नऊ तलाव व काही उद्यानांचे सौंदर्यीकरण केले जाईल. आर्टिफिशियल इंटेलिजन्स इनक्युबेशन सेंटर उभारणीसाठीही प्रयत्न सुरू असल्याचे त्यांनी सांगितले. चांगल्या योजना टिकवण्यासाठी नागरिकांनी नदी-नाल्यांमध्ये कचरा न टाकणे आणि प्लास्टिकचा वापर टाळणे महत्त्वाचे असल्याचे आवाहन गोयल यांनी केले. मुंबईच्या महापौर रितू तावडे यांनी देशात आणि राज्यात विकासाची नवी दृष्टी दिसत असून, त्यात शिक्षणाला महत्त्वाचे स्थान दिल्याचे नमूद केले. गुणवत्तापूर्ण शिक्षण हे राष्ट्रनिर्मितीचे मोठे साधन असून, लिबर्टी उद्यान शाळा केवळ भौतिक विकास नसून, सामाजिक परिवर्तनाचा महत्त्वाचा टप्पा आहे असे त्यांनी सांगितले. कष्टकरी, मध्यमवर्गीय आणि सर्वसामान्य कुटुंबांतील मुलांना दर्जेदार शिक्षण मिळावे यासाठी शाळेत सर्व आधुनिक सुविधा उपलब्ध करण्यात आल्या असून, लवकरच येथे सीबीएसई (CBSE) प्रवेश प्रक्रिया सुरू होईल, अशी माहिती त्यांनी दिली. ‘ईज ऑफ लिव्हिंग’ची संकल्पना शिक्षणासाठीही तितकीच महत्त्वाची असल्याचे त्यांनी म्हटले. आमदार अस्लम शेख यांनी दर्जेदार शिक्षण पुरवणे हे महानगरपालिकेचे कर्तव्य असल्याचे नमूद केले आणि केंद्रीय मंत्री गोयल यांनी सामाजिक उत्तरदायित्वातून निधी आणल्यास मुंबईतील अनेक महानगरपालिका शाळांमध्ये आधुनिक सुविधा उपलब्ध होऊ शकतील असे मत व्यक्त केले. स्थानिक नगरसेवक तेजिंदरसिंग तिवाना यांनी ही नवीन इमारत बृहन्मुंबई महानगरपालिकेच्या निधीतून साकारल्याचे आणि लोकार्पणानंतर लगेचच येथे सीबीएसई शाळेची नर्सरी, ज्युनिअर केजी आणि सिनिअर केजीसाठी प्रवेश प्रक्रिया सुरू होईल असे सांगितले. हा विभागातील दुसऱ्या क्रमांकाची मोठी शाळा असून, भविष्यात सुविधांमध्ये वाढ करण्याचे प्रयत्न केले जातील. अतिरिक्त महानगरपालिका आयुक्त (पूर्व उपनगरे) डॉ. अविनाश ढाकणे यांनी प्रास्ताविकात माहिती दिली की, १ मार्च २०२४ रोजी सुरू झालेले हे काम अवघ्या २४ महिन्यांत, म्हणजे एप्रिल २०२६ मध्ये पूर्ण झाले. ३,९३७ चौरस मीटरच्या भूखंडावर तळमजला अधिक ६ मजल्यांची (G+6) ही वास्तू उभारण्यात आली आहे. यात १,५३० विद्यार्थी शिकू शकतील. शाळेत ५१ प्रशस्त वर्गखोल्या, २ बालवाडी खोल्या, एक भव्य बहुउद्देशीय सभागृह, अ‍ॅक्टिव्हिटी हॉल, डिजिटल-व्हर्च्युअल क्लासरूम्स, २ अद्ययावत विज्ञान प्रयोगशाळा, २ संगणक प्रयोगशाळा, सुसज्ज ग्रंथालय, चित्रकला कक्ष आणि २ आधुनिक लिफ्ट्स आहेत. तसेच, मुला-मुलींसाठी आणि दिव्यांग विद्यार्थ्यांसाठी स्वतंत्र शौचालयांची व्यवस्था करण्यात आली आहे. सोमवार बाजार, काचपाडा, मुथूमार्यम्मन नगर, न्यू लिंक रोड आणि इतर परिसरातील विद्यार्थ्यांना या शाळेचा लाभ मिळेल असेही त्यांनी नमूद केले.

Amit Omprakash tiwari

मुंबई, मुंबई, महाराष्ट्र•

4 hrs ago

मुंबईतील मालाड (पश्चिम) येथील लिबर्टी उद्यान महानगरपालिका शाळेच्या नवीन इमारतीचे लोकार्पण आज (दिनांक २१ जून २०२६) केंद्रीय वाणिज्य आणि उद्योग मंत्री पीयूष गोयल यांच्या हस्ते आणि मुंबईच्या महापौर रितू तावडे यांच्या अध्यक्षतेखाली करण्यात आले. अवघ्या दोन वर्षांत ही इमारत उभी राहिली असून, विद्यार्थ्यांना आधुनिक सुविधा पुरवण्यात आल्याबद्दल बृहन्मुंबई महानगरपालिका प्रशासनाचे कौतुक करण्यात आले. यावेळी बोलताना केंद्रीय मंत्री पीयूष गोयल यांनी प्रशासनाने वेळेत आणि दर्जेदार कामे करण्याचा दृष्टिकोन बाळगावा असे म्हटले. शासकीय प्रकल्पांमध्ये चांगली गुणवत्ता मिळणे हा नागरिकांचा अधिकार असून, त्यासाठी जनतेनेही सहभाग नोंदवून कामांवर देखरेख ठेवण्याचे आवाहन त्यांनी केले. उत्तर मुंबई लोकसभा मतदारसंघाला उत्तम घडवण्यासाठी शाळा, रुग्णालय, अग्निशमन केंद्र, रस्ते काँक्रीटीकरण, नदी पुनरुज्जीवन आणि सांडपाणी प्रक्रिया केंद्र यांसारख्या विविध प्रकल्पांच्या माध्यमातून विकास साधला जात असल्याचे गोयल यांनी नमूद केले. तसेच, अनधिकृत बांधकामे आणि फेरीवाले हटवण्यासाठी प्रयत्न सुरू असून, आगामी काळात उत्तर मुंबईतील नऊ तलाव व काही उद्यानांचे सौंदर्यीकरण केले जाईल. आर्टिफिशियल इंटेलिजन्स इनक्युबेशन सेंटर उभारणीसाठीही प्रयत्न सुरू असल्याचे त्यांनी सांगितले. चांगल्या योजना टिकवण्यासाठी नागरिकांनी नदी-नाल्यांमध्ये कचरा न टाकणे आणि प्लास्टिकचा वापर टाळणे महत्त्वाचे असल्याचे आवाहन गोयल यांनी केले. मुंबईच्या महापौर रितू तावडे यांनी देशात आणि राज्यात विकासाची नवी दृष्टी दिसत असून, त्यात शिक्षणाला महत्त्वाचे स्थान दिल्याचे नमूद केले. गुणवत्तापूर्ण शिक्षण हे राष्ट्रनिर्मितीचे मोठे साधन असून, लिबर्टी उद्यान शाळा केवळ भौतिक विकास नसून, सामाजिक परिवर्तनाचा महत्त्वाचा टप्पा आहे असे त्यांनी सांगितले. कष्टकरी, मध्यमवर्गीय आणि सर्वसामान्य कुटुंबांतील मुलांना दर्जेदार शिक्षण मिळावे यासाठी शाळेत सर्व आधुनिक सुविधा उपलब्ध करण्यात आल्या असून, लवकरच येथे सीबीएसई (CBSE) प्रवेश प्रक्रिया सुरू होईल, अशी माहिती त्यांनी दिली. ‘ईज ऑफ लिव्हिंग’ची संकल्पना शिक्षणासाठीही तितकीच महत्त्वाची असल्याचे त्यांनी म्हटले. आमदार अस्लम शेख यांनी दर्जेदार शिक्षण पुरवणे हे महानगरपालिकेचे कर्तव्य असल्याचे नमूद केले आणि केंद्रीय मंत्री गोयल यांनी सामाजिक उत्तरदायित्वातून निधी आणल्यास मुंबईतील अनेक महानगरपालिका शाळांमध्ये आधुनिक सुविधा उपलब्ध होऊ शकतील असे मत व्यक्त केले. स्थानिक नगरसेवक तेजिंदरसिंग तिवाना यांनी ही नवीन इमारत बृहन्मुंबई महानगरपालिकेच्या निधीतून साकारल्याचे आणि लोकार्पणानंतर लगेचच येथे सीबीएसई शाळेची नर्सरी, ज्युनिअर केजी आणि सिनिअर केजीसाठी प्रवेश प्रक्रिया सुरू होईल असे सांगितले. हा विभागातील दुसऱ्या क्रमांकाची मोठी शाळा असून, भविष्यात सुविधांमध्ये वाढ करण्याचे प्रयत्न केले जातील. अतिरिक्त महानगरपालिका आयुक्त (पूर्व उपनगरे) डॉ. अविनाश ढाकणे यांनी प्रास्ताविकात माहिती दिली की, १ मार्च २०२४ रोजी सुरू झालेले हे काम अवघ्या २४ महिन्यांत, म्हणजे एप्रिल २०२६ मध्ये पूर्ण झाले. ३,९३७ चौरस मीटरच्या भूखंडावर तळमजला अधिक ६ मजल्यांची (G+6) ही वास्तू उभारण्यात आली आहे. यात १,५३० विद्यार्थी शिकू शकतील. शाळेत ५१ प्रशस्त वर्गखोल्या, २ बालवाडी खोल्या, एक भव्य बहुउद्देशीय सभागृह, अ‍ॅक्टिव्हिटी हॉल, डिजिटल-व्हर्च्युअल क्लासरूम्स, २ अद्ययावत विज्ञान प्रयोगशाळा, २ संगणक प्रयोगशाळा, सुसज्ज ग्रंथालय, चित्रकला कक्ष आणि २ आधुनिक लिफ्ट्स आहेत. तसेच, मुला-मुलींसाठी आणि दिव्यांग विद्यार्थ्यांसाठी स्वतंत्र शौचालयांची व्यवस्था करण्यात आली आहे. सोमवार बाजार, काचपाडा, मुथूमार्यम्मन नगर, न्यू लिंक रोड आणि इतर परिसरातील विद्यार्थ्यांना या शाळेचा लाभ मिळेल असेही त्यांनी नमूद केले.