लातूर पोलिसांनी तब्बल १७ वर्षांपासून न्यायालय आणि पोलीस प्रशासनाला गुंगारा देत फरार असलेल्या एका फसवणूक प्रकरणातील आरोपीला पुणे येथून शिताफीने अटक केली आहे, ज्यामुळे कायद्याचा हात गुन्हेगारांपर्यंत पोहोचतो याची पुन्हा एकदा प्रचिती मिळाली आहे. पोलीस स्टेशन लातूर ग्रामीण येथे सन २००९ मध्ये दाखल झालेल्या गुन्हा क्रमांक १४५/२००९ कलम ४२० भादंवि मधील आरोपी गोविंद व्यंकटराव डांगे (वय ५३ वर्षे, रा. हासोरी बु., ता. निलंगा, जि. लातूर) हा गेल्या १७ वर्षांपासून फरार होता. न्यायालयाने त्याच्याविरुद्ध अटक वॉरंट तसेच जाहीरनामाही काढला होता, परंतु तो सातत्याने आपले वास्तव्य बदलत असल्याने पोलिसांच्या हाती लागत नव्हता. या आरोपीने दि. ४ फेब्रुवारी २००९ रोजी एका फिर्यादीकडून शेतीसाठी ट्रॅक्टर खरेदी करण्याच्या उद्देशाने एक लाख रुपये जमा केले होते आणि एका महिन्यात ट्रॅक्टर उपलब्ध करून देण्याचे आश्वासन दिले होते. मात्र, मुदत उलटूनही ट्रॅक्टर न देता अथवा घेतलेली रक्कम परत न करता त्याने फिर्यादीची फसवणूक केली. एवढेच नाही तर, त्याने आणखी एका व्यक्तीकडून मोटारसायकल देण्याचे आमिष दाखवून ५५ हजार रुपये स्वीकारले आणि त्यांनाही वाहन अथवा पैसे परत न देता फसविले. अशा प्रकारे अनेक नागरिकांची आर्थिक फसवणूक झाल्याच्या तक्रारी समोर आल्या होत्या. दरम्यान, फरार आरोपींचा शोध घेण्यासाठी पोलीस अधीक्षक अमोल तांबे यांच्या निर्देशावर आणि अपर पोलीस अधीक्षक मंगेश चव्हाण यांच्या मार्गदर्शनाखाली विशेष पथकाने तपास सुरू ठेवला होता. या तपासादरम्यान पोलीस अंमलदार दत्तात्रय शिंदे यांना आरोपी गोविंद डांगे हा पुणे परिसरात वास्तव्यास असल्याची गोपनीय माहिती मिळाली. माहितीची खातरजमा करून वरिष्ठांच्या आदेशानुसार पथकाने पुणे येथील लोणी काळभोर परिसरातील हडपसर टोलनाका भागात सापळा रचून आरोपीस ताब्यात घेतले आणि दि. १८ जून २०२६ रोजी रात्री लातूर ग्रामीण पोलीस ठाण्यात हजर केले. आरोपीस न्यायालयासमोर हजर केले असता मा. मुख्य न्यायदंडाधिकारी सतीश एन. पाटील यांनी त्यास न्यायालयीन कोठडी सुनावली आहे. सदर कामगिरी पोलीस अधीक्षक अमोल तांबे, अपर पोलीस अधीक्षक मंगेश चव्हाण यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर बावकर यांच्या पथकातील पोलीस उपनिरीक्षक संजय भोसले, पोलीस अंमलदार दत्तात्रय शिंदे आणि संतोष खांडेकर यांनी पार पाडली.

Laxman Ugile

उदगीर, लातूर, महाराष्ट्र•

5 hrs ago

लातूर पोलिसांनी तब्बल १७ वर्षांपासून न्यायालय आणि पोलीस प्रशासनाला गुंगारा देत फरार असलेल्या एका फसवणूक प्रकरणातील आरोपीला पुणे येथून शिताफीने अटक केली आहे, ज्यामुळे कायद्याचा हात गुन्हेगारांपर्यंत पोहोचतो याची पुन्हा एकदा प्रचिती मिळाली आहे. पोलीस स्टेशन लातूर ग्रामीण येथे सन २००९ मध्ये दाखल झालेल्या गुन्हा क्रमांक १४५/२००९ कलम ४२० भादंवि मधील आरोपी गोविंद व्यंकटराव डांगे (वय ५३ वर्षे, रा. हासोरी बु., ता. निलंगा, जि. लातूर) हा गेल्या १७ वर्षांपासून फरार होता. न्यायालयाने त्याच्याविरुद्ध अटक वॉरंट तसेच जाहीरनामाही काढला होता, परंतु तो सातत्याने आपले वास्तव्य बदलत असल्याने पोलिसांच्या हाती लागत नव्हता. या आरोपीने दि. ४ फेब्रुवारी २००९ रोजी एका फिर्यादीकडून शेतीसाठी ट्रॅक्टर खरेदी करण्याच्या उद्देशाने एक लाख रुपये जमा केले होते आणि एका महिन्यात ट्रॅक्टर उपलब्ध करून देण्याचे आश्वासन दिले होते. मात्र, मुदत उलटूनही ट्रॅक्टर न देता अथवा घेतलेली रक्कम परत न करता त्याने फिर्यादीची फसवणूक केली. एवढेच नाही तर, त्याने आणखी एका व्यक्तीकडून मोटारसायकल देण्याचे आमिष दाखवून ५५ हजार रुपये स्वीकारले आणि त्यांनाही वाहन अथवा पैसे परत न देता फसविले. अशा प्रकारे अनेक नागरिकांची आर्थिक फसवणूक झाल्याच्या तक्रारी समोर आल्या होत्या. दरम्यान, फरार आरोपींचा शोध घेण्यासाठी पोलीस अधीक्षक अमोल तांबे यांच्या निर्देशावर आणि अपर पोलीस अधीक्षक मंगेश चव्हाण यांच्या मार्गदर्शनाखाली विशेष पथकाने तपास सुरू ठेवला होता. या तपासादरम्यान पोलीस अंमलदार दत्तात्रय शिंदे यांना आरोपी गोविंद डांगे हा पुणे परिसरात वास्तव्यास असल्याची गोपनीय माहिती मिळाली. माहितीची खातरजमा करून वरिष्ठांच्या आदेशानुसार पथकाने पुणे येथील लोणी काळभोर परिसरातील हडपसर टोलनाका भागात सापळा रचून आरोपीस ताब्यात घेतले आणि दि. १८ जून २०२६ रोजी रात्री लातूर ग्रामीण पोलीस ठाण्यात हजर केले. आरोपीस न्यायालयासमोर हजर केले असता मा. मुख्य न्यायदंडाधिकारी सतीश एन. पाटील यांनी त्यास न्यायालयीन कोठडी सुनावली आहे. सदर कामगिरी पोलीस अधीक्षक अमोल तांबे, अपर पोलीस अधीक्षक मंगेश चव्हाण यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर बावकर यांच्या पथकातील पोलीस उपनिरीक्षक संजय भोसले, पोलीस अंमलदार दत्तात्रय शिंदे आणि संतोष खांडेकर यांनी पार पाडली.