उच्चभ्रू कल्याणीनगरमध्ये स्पा सेंटरवर पोलिसांचा छापा; २ महिलांची सुटका, एकाला अटक उच्चभ्रू कल्याणीनगरमध्ये स्पा सेंटरवर पोलिसांचा छापा; २ महिलांची सुटका, एकाला अटक पुणे शहरातील उच्चभ्रू समजल्या जाणाऱ्या कल्याणीनगर परिसरात मसाज सेंटरच्या आडून सुरू असलेल्या वेश्याव्यवसायावर येरवडा पोलिसांनी मोठी कारवाई करत दोन पीडित महिलांची सुटका केली असून एका आरोपीला अटक करण्यात आली आहे. दिनांक ३१ मार्च २०२६ रोजी येरवडा पोलीस स्टेशनचे वरिष्ठ पोलीस निरीक्षक श्री. अंजुम बागवान यांना मिळालेल्या गोपनीय माहितीनुसार, कल्याणीनगर येथील ‘निरा स्पा सेंटर’मध्ये अनैतिक व्यवसाय सुरू असल्याची माहिती मिळाली होती. या माहितीची खातरजमा करण्यासाठी पोलिसांनी बनावट ग्राहक पाठवून तपास केला. माहिती खरी असल्याचे निष्पन्न होताच पोलिसांनी तत्काळ छापा टाकला. या धाडीत आरोपी अरमान रहिमउद्दीन हसेन (वय २१, रा. विमाननगर, पुणे) याला ताब्यात घेण्यात आले. तसेच त्याच्याकडून वेश्याव्यवसायासाठी प्रवृत्त करण्यात आलेल्या दोन महिलांची सुटका करण्यात आली. या प्रकरणी दिनांक १ एप्रिल २०२६ रोजी येरवडा पोलीस स्टेशनमध्ये गुन्हा रजिस्टर नंबर २०१/२०२६ अंतर्गत भारतीय न्याय संहिता कलम १४३(९)(३), ३(५) तसेच अनैतिक व्यापार प्रतिबंधक कायदा कलम ३, ४, ५ अन्वये गुन्हा दाखल करण्यात आला आहे. आरोपीस अटक करण्यात आली असून पुढील तपास पोलीस निरीक्षक (गुन्हे) श्री. विजय ठाकर करत आहेत. ही कारवाई मा. अपर पोलीस आयुक्त (पूर्व प्रादेशिक विभाग) श्री. मनोज पाटील, पोलीस उपायुक्त परिमंडळ ०४ श्री. चिलुमूला रजनिकांत आणि सहाय्यक पोलीस आयुक्त येरवडा विभाग श्री. सुनिल जैतापरकर यांच्या मार्गदर्शनाखाली पार पडली. वरिष्ठ पोलीस निरीक्षक श्री. अंजुम बागवान व पोलीस निरीक्षक (गुन्हे) श्री. विजय ठाकर यांच्या नेतृत्वाखाली सहाय्यक पोलीस निरीक्षक दिनेशकुमार पाटील, उपनिरीक्षक महेश फटांगरे, शुभांगी चव्हाण तसेच पोलीस अंमलदारांच्या पथकाने ही यशस्वी कारवाई केली. या कारवाईमुळे कल्याणीनगरसारख्या उच्चभ्रू भागात सुरू असलेल्या अशा बेकायदेशीर व्यवसायांवर पोलिसांचा वचक बसला असून, अशा प्रकारच्या गुन्ह्यांवर कठोर कारवाई सुरूच राहणार असल्याचा इशारा पोलिसांनी दिला आहे.

क्राईम महाराष्ट्र लाईव्ह न्यूज

हवेली, पुणे, महाराष्ट्र•

10 hrs ago

उच्चभ्रू कल्याणीनगरमध्ये स्पा सेंटरवर पोलिसांचा छापा; २ महिलांची सुटका, एकाला अटक उच्चभ्रू कल्याणीनगरमध्ये स्पा सेंटरवर पोलिसांचा छापा; २ महिलांची सुटका, एकाला अटक पुणे शहरातील उच्चभ्रू समजल्या जाणाऱ्या कल्याणीनगर परिसरात मसाज सेंटरच्या आडून सुरू असलेल्या वेश्याव्यवसायावर येरवडा पोलिसांनी मोठी कारवाई करत दोन पीडित महिलांची सुटका केली असून एका आरोपीला अटक करण्यात आली आहे. दिनांक ३१ मार्च २०२६ रोजी येरवडा पोलीस स्टेशनचे वरिष्ठ पोलीस निरीक्षक श्री. अंजुम बागवान यांना मिळालेल्या गोपनीय माहितीनुसार, कल्याणीनगर येथील ‘निरा स्पा सेंटर’मध्ये अनैतिक व्यवसाय सुरू असल्याची माहिती मिळाली होती. या माहितीची खातरजमा करण्यासाठी पोलिसांनी बनावट ग्राहक पाठवून तपास केला. माहिती खरी असल्याचे निष्पन्न होताच पोलिसांनी तत्काळ छापा टाकला. या धाडीत आरोपी अरमान रहिमउद्दीन हसेन (वय २१, रा. विमाननगर, पुणे) याला ताब्यात घेण्यात आले. तसेच त्याच्याकडून वेश्याव्यवसायासाठी प्रवृत्त करण्यात आलेल्या दोन महिलांची सुटका करण्यात आली. या प्रकरणी दिनांक १ एप्रिल २०२६ रोजी येरवडा पोलीस स्टेशनमध्ये गुन्हा रजिस्टर नंबर २०१/२०२६ अंतर्गत भारतीय न्याय संहिता कलम १४३(९)(३), ३(५) तसेच अनैतिक व्यापार प्रतिबंधक कायदा कलम ३, ४, ५ अन्वये गुन्हा दाखल करण्यात आला आहे. आरोपीस अटक करण्यात आली असून पुढील तपास पोलीस निरीक्षक (गुन्हे) श्री. विजय ठाकर करत आहेत. ही कारवाई मा. अपर पोलीस आयुक्त (पूर्व प्रादेशिक विभाग) श्री. मनोज पाटील, पोलीस उपायुक्त परिमंडळ ०४ श्री. चिलुमूला रजनिकांत आणि सहाय्यक पोलीस आयुक्त येरवडा विभाग श्री. सुनिल जैतापरकर यांच्या मार्गदर्शनाखाली पार पडली. वरिष्ठ पोलीस निरीक्षक श्री. अंजुम बागवान व पोलीस निरीक्षक (गुन्हे) श्री. विजय ठाकर यांच्या नेतृत्वाखाली सहाय्यक पोलीस निरीक्षक दिनेशकुमार पाटील, उपनिरीक्षक महेश फटांगरे, शुभांगी चव्हाण तसेच पोलीस अंमलदारांच्या पथकाने ही यशस्वी कारवाई केली. या कारवाईमुळे कल्याणीनगरसारख्या उच्चभ्रू भागात सुरू असलेल्या अशा बेकायदेशीर व्यवसायांवर पोलिसांचा वचक बसला असून, अशा प्रकारच्या गुन्ह्यांवर कठोर कारवाई सुरूच राहणार असल्याचा इशारा पोलिसांनी दिला आहे.