जाफराबाद तालुक्यातील कुंभारझरी फाटा ते डोलखेडा रस्त्यावर वीजपुरवठा सुरू होण्यापूर्वीच विद्युत खांब कोसळल्याची धक्कादायक घटना समोर आली आहे. गेल्या महिनाभरापूर्वी वीज वितरण कंपनीने गुत्तेदारामार्फत विद्युत खांब रोवण्याचे आणि तारा ओढण्याचे काम केले होते, मात्र हे काम अत्यंत निष्काळजीपणे झाल्याचे आता स्पष्ट झाले आहे. मिळालेल्या माहितीनुसार, गुत्तेदाराने विद्युत खांब चक्क रस्त्यावरच, मोकळ्या मातीत रोवले होते, ज्यामुळे ते कमकुवत स्थितीत होते. शिवाय, हे खांब सरळ रेषेत रोवले नसून, त्यांना योग्य ठिकाणी आधार (तान) लावण्यात आलेला नव्हता. यामुळेच हे खांब कोसळले असल्याचे प्रवाशांमधून बोलले जात आहे, जे वीज वितरण कंपनीच्या निष्काळजीपणाचा कळस दर्शवते. परिसरात दोन दिवसांपूर्वी झालेल्या वादळी वाऱ्यासह पावसामुळे हे खांब पडल्याचे योगेश बंगाळे यांनी सांगितले. या घटनेनंतर परिसरातील नागरिक आणि प्रवाशांनी कोसळलेले विद्युत खांब तात्काळ उभे करण्याची मागणी केली आहे.

RahimKhan Pathan

Voice of people सोयगाव, औरंगाबाद, महाराष्ट्र•

4 hrs ago

जाफराबाद तालुक्यातील कुंभारझरी फाटा ते डोलखेडा रस्त्यावर वीजपुरवठा सुरू होण्यापूर्वीच विद्युत खांब कोसळल्याची धक्कादायक घटना समोर आली आहे. गेल्या महिनाभरापूर्वी वीज वितरण कंपनीने गुत्तेदारामार्फत विद्युत खांब रोवण्याचे आणि तारा ओढण्याचे काम केले होते, मात्र हे काम अत्यंत निष्काळजीपणे झाल्याचे आता स्पष्ट झाले आहे. मिळालेल्या माहितीनुसार, गुत्तेदाराने विद्युत खांब चक्क रस्त्यावरच, मोकळ्या मातीत रोवले होते, ज्यामुळे ते कमकुवत स्थितीत होते. शिवाय, हे खांब सरळ रेषेत रोवले नसून, त्यांना योग्य ठिकाणी आधार (तान) लावण्यात आलेला नव्हता. यामुळेच हे खांब कोसळले असल्याचे प्रवाशांमधून बोलले जात आहे, जे वीज वितरण कंपनीच्या निष्काळजीपणाचा कळस दर्शवते. परिसरात दोन दिवसांपूर्वी झालेल्या वादळी वाऱ्यासह पावसामुळे हे खांब पडल्याचे योगेश बंगाळे यांनी सांगितले. या घटनेनंतर परिसरातील नागरिक आणि प्रवाशांनी कोसळलेले विद्युत खांब तात्काळ उभे करण्याची मागणी केली आहे.