இளநிலை மருத்துவப் படிப்புகளுக்கான நீட் மறுதேர்வு நேற்று நாடு முழுவதும் பலத்த பாதுகாப்புடன் நடத்தப்பட்டது. இந்தத் தேர்வை 22 லட்சத்துக்கும் மேற்பட்ட மாணவ, மாணவிகள் எழுதினர். தமிழகத்தில் 307 தேர்வு மையங்களில் 1.20 லட்சத்துக்கும் மேற்பட்டோரும், சென்னையில் 43 மையங்களில் 20 ஆயிரத்துக்கும் அதிகமானோரும் பங்கேற்றனர். நாடு முழுவதும் அரசு மற்றும் தனியார் மருத்துவக் கல்லூரிகளின் எம்பிபிஎஸ், பிடிஎஸ் படிப்புகள், சித்தா, ஆயுர்வேதா, யுனானி, ஓமியோபதி படிப்புகள் மற்றும் கால்நடை மருத்துவப் படிப்பின் அகில இந்திய ஒதுக்கீட்டு இடங்கள், அத்துடன் ராணுவக் கல்லூரிகளில் பிஎஸ்சி நர்சிங் படிப்புக்கான மாணவர் சேர்க்கை ஆகியவற்றுக்கு நீட் தேர்வு கட்டாயமாக்கப்பட்டுள்ளது. இந்தத் தேர்வை தேசிய தேர்வுகள் முகமை (என்டிஏ) ஆண்டுதோறும் நடத்தி வருகிறது. முன்னதாக, 2026-27-ம் கல்வியாண்டுக்கான நீட் தேர்வு கடந்த மே மாதம் 3-ம் தேதி நடைபெற்றது. 22 லட்சத்துக்கும் மேற்பட்டோர் தேர்வு எழுதிய நிலையில், வினாத்தாள் முன்கூட்டியே கசிந்தது உறுதியானதால், மத்திய அரசு அத்தேர்வை ரத்து செய்து, மறுதேர்வு ஜூன் 21-ம் தேதி நடைபெறும் என அறிவித்தது. வினாத்தாள் கசிவுக்கு காரணமானவர்கள் கைது செய்யப்பட்டனர். மறுதேர்வு நேற்று நாடு முழுவதும் 551 நகரங்கள் மற்றும் 14 வெளிநாடுகளில் சுமார் 5,500 மையங்களில் நடைபெற்றது. தேர்வு மையத்துக்குள் காலை 11 மணிமுதல் மதியம் 1.30 மணிக்குள் வந்த மாணவர்கள் மட்டுமே மெட்டல் டிடெக்டர் சோதனை மற்றும் ஆதார் அடிப்படையிலான பயோமெட்ரிக் சோதனைக்குப் பின்னர் அனுமதிக்கப்பட்டனர். அதற்குப் பிறகு வந்தவர்கள் அனுமதிக்கப்படவில்லை. மேலும், மதம், கலாச்சாரம் சார்ந்த ஆடைகள், நகை, பெல்ட், அதிக உயரம் கொண்ட ஷூக்கள், காலணிகள் ஆகியவற்றுக்குத் தடை விதிக்கப்பட்டது. செல்போன், கால்குலேட்டர், புளூடூத் உள்ளிட்ட எலக்ட்ரானிக் பொருட்களை எடுத்துச் செல்லவும் அனுமதிக்கப்படவில்லை. வழக்கமாக 3 மணி நேரம் நடைபெறும் தேர்வின் நேரம், நிர்வாக நடைமுறைகளால் மாணவர்களுக்குப் பாதிப்பு ஏற்படாமல் இருக்க கூடுதலாக 15 நிமிடங்கள் நீட்டிக்கப்பட்டது. தேர்வு மையங்கள் அனைத்தும் கண்காணிப்பு கேமராக்கள் மூலம் கண்காணிக்கப்பட்டதோடு, ஒருங்கிணைப்பாளர்கள், கண்காணிப்பாளர்கள் மற்றும் போலீஸாரும் தீவிர பாதுகாப்புப் பணியில் ஈடுபட்டனர். நீட் மறுதேர்வுப் பணியில் மொத்தம் 2 லட்சம் அலுவலர்கள் பணியாற்றினர். தலைமைச் செயலாளர் மாவட்ட ஆட்சியர்களுக்கு வினாத்தாள்களை பலத்த பாதுகாப்புடன் தேர்வு மையத்துக்கு கொண்டு சென்று தேர்வை சரியாக நடத்தி முடிக்குமாறு உத்தரவிட்டிருந்தார். தேர்வு எழுதிவிட்டு வந்த மாணவர்கள், இயற்பியல் பாடத்திலிருந்து கேட்கப்பட்ட கேள்விகள் கடினமாக இருந்ததாகவும், கடந்த மே மாதம் 3-ம் தேதி நடந்த நீட் தேர்வு வினாத்தாளை விட இந்த மறுதேர்வு வினாத்தாள் சற்று கடினமாக இருந்ததாகவும் தெரிவித்தனர். தேசியத் தேர்வுகள் முகமை நீட் தேர்வு முடிவுகளை 10 நாட்களுக்குள் வெளியிட திட்டமிட்டுள்ளது.

Pratap Chander(Namadhu Arasu)

Photographer மாம்பலம், சென்னை, தமிழ்நாடு•

8 hrs ago

இளநிலை மருத்துவப் படிப்புகளுக்கான நீட் மறுதேர்வு நேற்று நாடு முழுவதும் பலத்த பாதுகாப்புடன் நடத்தப்பட்டது. இந்தத் தேர்வை 22 லட்சத்துக்கும் மேற்பட்ட மாணவ, மாணவிகள் எழுதினர். தமிழகத்தில் 307 தேர்வு மையங்களில் 1.20 லட்சத்துக்கும் மேற்பட்டோரும், சென்னையில் 43 மையங்களில் 20 ஆயிரத்துக்கும் அதிகமானோரும் பங்கேற்றனர். நாடு முழுவதும் அரசு மற்றும் தனியார் மருத்துவக் கல்லூரிகளின் எம்பிபிஎஸ், பிடிஎஸ் படிப்புகள், சித்தா, ஆயுர்வேதா, யுனானி, ஓமியோபதி படிப்புகள் மற்றும் கால்நடை மருத்துவப் படிப்பின் அகில இந்திய ஒதுக்கீட்டு இடங்கள், அத்துடன் ராணுவக் கல்லூரிகளில் பிஎஸ்சி நர்சிங் படிப்புக்கான மாணவர் சேர்க்கை ஆகியவற்றுக்கு நீட் தேர்வு கட்டாயமாக்கப்பட்டுள்ளது. இந்தத் தேர்வை தேசிய தேர்வுகள் முகமை (என்டிஏ) ஆண்டுதோறும் நடத்தி வருகிறது. முன்னதாக, 2026-27-ம் கல்வியாண்டுக்கான நீட் தேர்வு கடந்த மே மாதம் 3-ம் தேதி நடைபெற்றது. 22 லட்சத்துக்கும் மேற்பட்டோர் தேர்வு எழுதிய நிலையில், வினாத்தாள் முன்கூட்டியே கசிந்தது உறுதியானதால், மத்திய அரசு அத்தேர்வை ரத்து செய்து, மறுதேர்வு ஜூன் 21-ம் தேதி நடைபெறும் என அறிவித்தது. வினாத்தாள் கசிவுக்கு காரணமானவர்கள் கைது செய்யப்பட்டனர். மறுதேர்வு நேற்று நாடு முழுவதும் 551 நகரங்கள் மற்றும் 14 வெளிநாடுகளில் சுமார் 5,500 மையங்களில் நடைபெற்றது. தேர்வு மையத்துக்குள் காலை 11 மணிமுதல் மதியம் 1.30 மணிக்குள் வந்த மாணவர்கள் மட்டுமே மெட்டல் டிடெக்டர் சோதனை மற்றும் ஆதார் அடிப்படையிலான பயோமெட்ரிக் சோதனைக்குப் பின்னர் அனுமதிக்கப்பட்டனர். அதற்குப் பிறகு வந்தவர்கள் அனுமதிக்கப்படவில்லை. மேலும், மதம், கலாச்சாரம் சார்ந்த ஆடைகள், நகை, பெல்ட், அதிக உயரம் கொண்ட ஷூக்கள், காலணிகள் ஆகியவற்றுக்குத் தடை விதிக்கப்பட்டது. செல்போன், கால்குலேட்டர், புளூடூத் உள்ளிட்ட எலக்ட்ரானிக் பொருட்களை எடுத்துச் செல்லவும் அனுமதிக்கப்படவில்லை. வழக்கமாக 3 மணி நேரம் நடைபெறும் தேர்வின் நேரம், நிர்வாக நடைமுறைகளால் மாணவர்களுக்குப் பாதிப்பு ஏற்படாமல் இருக்க கூடுதலாக 15 நிமிடங்கள் நீட்டிக்கப்பட்டது. தேர்வு மையங்கள் அனைத்தும் கண்காணிப்பு கேமராக்கள் மூலம் கண்காணிக்கப்பட்டதோடு, ஒருங்கிணைப்பாளர்கள், கண்காணிப்பாளர்கள் மற்றும் போலீஸாரும் தீவிர பாதுகாப்புப் பணியில் ஈடுபட்டனர். நீட் மறுதேர்வுப் பணியில் மொத்தம் 2 லட்சம் அலுவலர்கள் பணியாற்றினர். தலைமைச் செயலாளர் மாவட்ட ஆட்சியர்களுக்கு வினாத்தாள்களை பலத்த பாதுகாப்புடன் தேர்வு மையத்துக்கு கொண்டு சென்று தேர்வை சரியாக நடத்தி முடிக்குமாறு உத்தரவிட்டிருந்தார். தேர்வு எழுதிவிட்டு வந்த மாணவர்கள், இயற்பியல் பாடத்திலிருந்து கேட்கப்பட்ட கேள்விகள் கடினமாக இருந்ததாகவும், கடந்த மே மாதம் 3-ம் தேதி நடந்த நீட் தேர்வு வினாத்தாளை விட இந்த மறுதேர்வு வினாத்தாள் சற்று கடினமாக இருந்ததாகவும் தெரிவித்தனர். தேசியத் தேர்வுகள் முகமை நீட் தேர்வு முடிவுகளை 10 நாட்களுக்குள் வெளியிட திட்டமிட்டுள்ளது.