దుబాయ్‌లో మరణించిన జనసైనికుడి కుటుంబానికి అండగా నాగబాబు... - స్వగ్రామానికి భౌతికకాయం రప్పించేందుకు చర్యలు పిఠాపురం: పిఠాపురం నియోజకవర్గం గొల్లప్రోలు మండలం చేబ్రోలు గ్రామానికి చెందిన జనసేన కార్యకర్త కోరకంటి నాగబాబు దుబాయ్‌లో ఆకస్మికంగా మరణించడం పార్టీ శ్రేణుల్లో తీవ్ర విషాదాన్ని నింపింది. ఉపాధి కోసం సుదూర ప్రాంతం వెళ్లి, అక్కడే తనువు చాలించిన నాగబాబు భౌతికకాయాన్ని స్వదేశానికి తీసుకురావాలని ఆయన తల్లి ఆంధ్రప్రదేశ్ ఉప ముఖ్యమంత్రి,జనసేనాని పవన్ కళ్యాణ్ ని వేడుకున్నారు. ఈ విషాద ఘటనపై తక్షణమే స్పందించిన ఎమ్మెల్సీ కొణిదెల నాగబాబు కాకినాడ ఎంపీ తంగెళ్ల ఉదయ్ శ్రీనివాస్ బాధితులకు అండగా నిలవాలని పార్టీ నాయకులను ఆదేశించారు. వారి సూచనల మేరకు జనసేన నాయకులు నల్లం శ్రీనివాస్, దొమాదల కిషోర్ చేబ్రోలులోని నాగబాబు నివాసానికి వెళ్లి కుటుంబ సభ్యులను పరామర్శించారు. ఈ సందర్భంగా వారు మాట్లాడుతూ మృతదేహాన్ని భారత్‌కు తీసుకువచ్చే ప్రక్రియను వేగవంతం చేసేందుకు జనసేన నాయకత్వం క్రియాశీలకంగా వ్యవహరిస్తోందని అన్నారు. జనసేన నాయకుడు త్రిమూర్తులు మృతుడి కుటుంబ సభ్యులను ఫోన్లో మాట్లాడించి ధైర్యం చెప్పారని, మృతుడికి కంపెనీ నుంచి అందాల్సిన జీతభత్యాలు, ఇతర ఆర్థిక ప్రయోజనాల గురించి అక్కడి ప్రతినిధులతో మాట్లాడి న్యాయం జరిగేలా చూడాలని త్రిమూర్తులును కోరడం జరిగిందని అన్నారు. భౌతికకాయాన్ని వీలైనంత త్వరగా పిఠాపురం తీసుకువచ్చేందుకు అవసరమైన అన్ని అనుమతులు,రవాణా ఏర్పాట్లను జనసేన పార్టీ దగ్గరుండి పర్యవేక్షిస్తోందని, కష్టకాలంలో ఉన్న తమ కుటుంబాన్ని ఆదుకోవడానికి జనసేన నాయకత్వం ముందుకు రావడంపై మృతుడి కుటుంబ సభ్యులు కృతజ్ఞతలు తెలిపారు. ఈ క్లిష్ట సమయంలో నాగబాబు కుటుంబానికి జనసేన పార్టీ అన్ని విధాలా అండగా ఉంటుందని నల్లం శ్రీనివాస్ హామీ ఇచ్చారు.

Prasanna kumar Rowthu

Local News Reporter Pithapuram, Kakinada•

2 hrs ago

దుబాయ్‌లో మరణించిన జనసైనికుడి కుటుంబానికి అండగా నాగబాబు... - స్వగ్రామానికి భౌతికకాయం రప్పించేందుకు చర్యలు పిఠాపురం: పిఠాపురం నియోజకవర్గం గొల్లప్రోలు మండలం చేబ్రోలు గ్రామానికి చెందిన జనసేన కార్యకర్త కోరకంటి నాగబాబు దుబాయ్‌లో ఆకస్మికంగా మరణించడం పార్టీ శ్రేణుల్లో తీవ్ర విషాదాన్ని నింపింది. ఉపాధి కోసం సుదూర ప్రాంతం వెళ్లి, అక్కడే తనువు చాలించిన నాగబాబు భౌతికకాయాన్ని స్వదేశానికి తీసుకురావాలని ఆయన తల్లి ఆంధ్రప్రదేశ్ ఉప ముఖ్యమంత్రి,జనసేనాని పవన్ కళ్యాణ్ ని వేడుకున్నారు. ఈ విషాద ఘటనపై తక్షణమే స్పందించిన ఎమ్మెల్సీ కొణిదెల నాగబాబు కాకినాడ ఎంపీ తంగెళ్ల ఉదయ్ శ్రీనివాస్ బాధితులకు అండగా నిలవాలని పార్టీ నాయకులను ఆదేశించారు. వారి సూచనల మేరకు జనసేన నాయకులు నల్లం శ్రీనివాస్, దొమాదల కిషోర్ చేబ్రోలులోని నాగబాబు నివాసానికి వెళ్లి కుటుంబ సభ్యులను పరామర్శించారు.

ఈ సందర్భంగా వారు మాట్లాడుతూ మృతదేహాన్ని భారత్‌కు తీసుకువచ్చే ప్రక్రియను వేగవంతం చేసేందుకు జనసేన నాయకత్వం క్రియాశీలకంగా వ్యవహరిస్తోందని అన్నారు. జనసేన నాయకుడు త్రిమూర్తులు మృతుడి కుటుంబ సభ్యులను ఫోన్లో మాట్లాడించి ధైర్యం చెప్పారని, మృతుడికి కంపెనీ నుంచి అందాల్సిన జీతభత్యాలు, ఇతర ఆర్థిక ప్రయోజనాల గురించి అక్కడి ప్రతినిధులతో మాట్లాడి న్యాయం జరిగేలా చూడాలని త్రిమూర్తులును కోరడం జరిగిందని అన్నారు. భౌతికకాయాన్ని వీలైనంత త్వరగా పిఠాపురం తీసుకువచ్చేందుకు అవసరమైన అన్ని అనుమతులు,రవాణా ఏర్పాట్లను జనసేన పార్టీ దగ్గరుండి పర్యవేక్షిస్తోందని, కష్టకాలంలో ఉన్న తమ కుటుంబాన్ని ఆదుకోవడానికి జనసేన నాయకత్వం ముందుకు రావడంపై మృతుడి కుటుంబ సభ్యులు కృతజ్ఞతలు తెలిపారు. ఈ క్లిష్ట సమయంలో నాగబాబు కుటుంబానికి జనసేన పార్టీ అన్ని విధాలా అండగా ఉంటుందని నల్లం శ్రీనివాస్ హామీ ఇచ్చారు.