महागाव तहसील कार्यालयात 2023 पासून सातत्याने चकरा मारूनही शेतकऱ्यांचे साधे प्रश्न मार्गी लागत नसल्याबद्दल नागरिक तीव्र खंत व्यक्त करत आहेत. टेकाळे कुटुंबाचे प्रकरण याचे ज्वलंत उदाहरण मानले जात असून, तब्बल 80 वर्षे वय असलेल्या एका ज्येष्ठ शेतकऱ्याला अद्याप न्याय मिळालेला नाही, असा आरोप करण्यात येत आहे. वारंवार अर्ज, पाठपुरावा आणि कार्यालयीन फेऱ्या करूनही प्रश्न निकाली न निघाल्याने टेकाळे कुटुंबाने आता उपोषणाचा इशारा दिला आहे. एका ज्येष्ठ नागरिकाला आपल्या हक्कासाठी उपोषणास बसण्याची वेळ येत असेल, तर महसूल प्रशासनाची कार्यपद्धती आणि सर्वसामान्यांना न्याय मिळवून देणारी व्यवस्था किती प्रभावी आहे, याबाबत गंभीर प्रश्न निर्माण होत आहेत. शेतकऱ्यांच्या मूलभूत महसुली प्रश्नांकडे दुर्लक्ष केले जात असताना काही निवडक कामांना प्राधान्य दिले जात असल्याची चर्चा परिसरात सुरू आहे. त्यामुळे टेकाळे कुटुंबाच्या प्रकरणाची तातडीने चौकशी करून त्यांना न्याय द्यावा, तसेच भविष्यात इतर शेतकऱ्यांवर अशी वेळ येऊ नये यासाठी प्रशासनाने ठोस पावले उचलावीत, अशी मागणी होत आहे.

Shaikh irfan Shaikh isa

उमरखेड, यवतमाळ, महाराष्ट्र•

2 hrs ago

महागाव तहसील कार्यालयात 2023 पासून सातत्याने चकरा मारूनही शेतकऱ्यांचे साधे प्रश्न मार्गी लागत नसल्याबद्दल नागरिक तीव्र खंत व्यक्त करत आहेत. टेकाळे कुटुंबाचे प्रकरण याचे ज्वलंत उदाहरण मानले जात असून, तब्बल 80 वर्षे वय असलेल्या एका ज्येष्ठ शेतकऱ्याला अद्याप न्याय मिळालेला नाही, असा आरोप करण्यात येत आहे. वारंवार अर्ज, पाठपुरावा आणि कार्यालयीन फेऱ्या करूनही प्रश्न निकाली न निघाल्याने टेकाळे कुटुंबाने आता उपोषणाचा इशारा दिला आहे. एका ज्येष्ठ नागरिकाला आपल्या हक्कासाठी उपोषणास बसण्याची वेळ येत असेल, तर महसूल प्रशासनाची कार्यपद्धती आणि सर्वसामान्यांना न्याय मिळवून देणारी व्यवस्था किती प्रभावी आहे, याबाबत गंभीर प्रश्न निर्माण होत आहेत. शेतकऱ्यांच्या मूलभूत महसुली प्रश्नांकडे दुर्लक्ष केले जात असताना काही निवडक कामांना प्राधान्य दिले जात असल्याची चर्चा परिसरात सुरू आहे. त्यामुळे टेकाळे कुटुंबाच्या प्रकरणाची तातडीने चौकशी करून त्यांना न्याय द्यावा, तसेच भविष्यात इतर शेतकऱ्यांवर अशी वेळ येऊ नये यासाठी प्रशासनाने ठोस पावले उचलावीत, अशी मागणी होत आहे.