खडबडजनक RTI कार्यकर्त्यावर दबाव टाकल्याचा आरोप; अधिकाऱ्यांवर चौकशी व कारवाईची मागणी RTI कार्यकर्त्यावर दबाव टाकल्याचा आरोप; अधिकाऱ्यांवर चौकशी व कारवाईची मागणी भुसावळ : माहिती अधिकार (RTI) अंतर्गत अर्ज दाखल केल्यानंतरही संबंधित माहिती न मिळाल्यामुळे अर्जदाराने प्रथम अपील दाखल केले. मात्र प्रथम अपील अधिकाऱ्यांनी दादागिरी करत अर्ज मागे घेण्याचा दबाव टाकल्याचा गंभीर आरोप करण्यात आला आहे. या प्रकरणामुळे माहिती अधिकार कार्यकर्त्यांवर वाढत्या दबावाचा मुद्दा पुन्हा एकदा चर्चेत आला आहे. तक्रारदाराच्या म्हणण्यानुसार, प्रथम अपील सुनावणीदरम्यान अधिकाऱ्यांनी अयोग्य व अवमानकारक भाषा वापरून “अर्ज का टाकला, अर्ज मागे घे” अशा प्रकारे दबाव टाकला. या प्रकाराला विरोध केल्यावर आपण त्याचे चित्रीकरण (व्हिडिओ शूटिंग) करणार असल्याचे सांगितले असता, संबंधित अधिकाऱ्यांनी कट रचून खोटा गुन्हा दाखल केल्याचा आरोपही करण्यात आला आहे. तक्रारदाराचे म्हणणे आहे की व्हिडिओमध्ये कुठेही शिवीगाळ केल्याचे दिसत नाही. तसेच एका विस्तार अधिकाऱ्याने राजकीय पाठबळ असल्याचा दावा करत धमकी दिल्याचाही आरोप करण्यात आला आहे. “माझा भाऊ शिंदे गटाचा कल्याण येथील नगरसेवक आहे, संपूर्ण मुंबई त्याच्या ताब्यात आहे. मी तुमची वाट लावू शकतो,” अशा प्रकारच्या धमक्या दिल्याचे तक्रारदाराने सांगितले. माहिती अधिकार कार्यकर्त्यांवर वाढता दबाव लक्षात घेता महाराष्ट्र शासनाने या प्रकरणाची सखोल चौकशी करून दोषींवर कठोर कारवाई करावी, तसेच संबंधित अधिकाऱ्यांना तात्काळ निलंबित करावे, अशी मागणी करण्यात आली आहे. जोपर्यंत या प्रकरणात योग्य कारवाई होत नाही तोपर्यंत आंदोलन सुरू ठेवण्याचा इशाराही देण्यात आला असून, लवकरच सर्व पुरावे लाईव्ह माध्यमातून समोर आणण्यात येणार असल्याचे सांगण्यात आले आहे. या प्रकरणात भुसावळ येथील गटविकास अधिकारी डी. जी. जाधव आणि विस्तार अधिकारी वाडे यांची नावे समोर आली असून, प्रशासनाकडून पुढील चौकशी होण्याची शक्यता व्यक्त केली जात आहे.

RahimKhan Pathan

Voice of people सोयगाव, औरंगाबाद, महाराष्ट्र•

on 13 March

खडबडजनक RTI कार्यकर्त्यावर दबाव टाकल्याचा आरोप; अधिकाऱ्यांवर चौकशी व कारवाईची मागणी RTI कार्यकर्त्यावर दबाव टाकल्याचा आरोप; अधिकाऱ्यांवर चौकशी व कारवाईची मागणी भुसावळ : माहिती अधिकार (RTI) अंतर्गत अर्ज दाखल केल्यानंतरही संबंधित माहिती न मिळाल्यामुळे अर्जदाराने प्रथम अपील दाखल केले. मात्र प्रथम अपील अधिकाऱ्यांनी दादागिरी करत अर्ज मागे घेण्याचा दबाव टाकल्याचा गंभीर आरोप करण्यात आला आहे. या प्रकरणामुळे माहिती अधिकार कार्यकर्त्यांवर वाढत्या दबावाचा मुद्दा पुन्हा एकदा चर्चेत आला आहे. तक्रारदाराच्या म्हणण्यानुसार, प्रथम अपील सुनावणीदरम्यान अधिकाऱ्यांनी अयोग्य व अवमानकारक भाषा वापरून “अर्ज का टाकला, अर्ज मागे घे” अशा प्रकारे दबाव टाकला. या प्रकाराला विरोध केल्यावर आपण त्याचे चित्रीकरण (व्हिडिओ शूटिंग) करणार असल्याचे सांगितले असता, संबंधित अधिकाऱ्यांनी कट रचून खोटा गुन्हा दाखल केल्याचा आरोपही करण्यात आला आहे. तक्रारदाराचे म्हणणे आहे की व्हिडिओमध्ये कुठेही शिवीगाळ केल्याचे दिसत नाही. तसेच एका विस्तार अधिकाऱ्याने राजकीय पाठबळ असल्याचा दावा करत धमकी दिल्याचाही आरोप करण्यात आला आहे. “माझा भाऊ शिंदे गटाचा कल्याण येथील नगरसेवक आहे, संपूर्ण मुंबई त्याच्या ताब्यात आहे. मी तुमची वाट लावू शकतो,” अशा प्रकारच्या धमक्या दिल्याचे तक्रारदाराने सांगितले. माहिती अधिकार कार्यकर्त्यांवर वाढता दबाव लक्षात घेता महाराष्ट्र शासनाने या प्रकरणाची सखोल चौकशी करून दोषींवर कठोर कारवाई करावी, तसेच संबंधित अधिकाऱ्यांना तात्काळ निलंबित करावे, अशी मागणी करण्यात आली आहे. जोपर्यंत या प्रकरणात योग्य कारवाई होत नाही तोपर्यंत आंदोलन सुरू ठेवण्याचा इशाराही देण्यात आला असून, लवकरच सर्व पुरावे लाईव्ह माध्यमातून समोर आणण्यात येणार असल्याचे सांगण्यात आले आहे. या प्रकरणात भुसावळ येथील गटविकास अधिकारी डी. जी. जाधव आणि विस्तार अधिकारी वाडे यांची नावे समोर आली असून, प्रशासनाकडून पुढील चौकशी होण्याची शक्यता व्यक्त केली जात आहे.