କଂଗ୍ରେସ ଅଭିଯୋଗ କରିଛି ଯେ ବିଜେପି ସରକାର 'SIR' ପାଇଁ ଓଡ଼ିଶାର ଲୋକଙ୍କ ଉପରେ ଚାପ ପ୍ରୟୋଗ କରୁଛନ୍ତି।

ସମାଜବାଦୀ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଅଖିଳେଶ ଯାଦବଙ୍କ ଜନ୍ମଦିନ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମ ସମାଜବାଦୀ ପାର୍ଟିର ଓଡ଼ିଶା ରାଜ୍ୟ ସଭାପତି ଶିବ ହାତୀ ଯାଦବଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା।

ଆଜି ଓଡ଼ିଶାର ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ କାଞ୍ଚନ ଫାଉଣ୍ଡେସନ, ଗ୍ରିନ ଜୟଦେବ ଫାଉଣ୍ଡେସନ ଟ୍ରଷ୍ଟ ଏବଂ ଉତ୍କଳ ଜୟଦେବ ଫାଉଣ୍ଡେସନର ମିଳିତ ଆନୁକୂଲ୍ୟରେ ସୁଦର୍ଶନ ଦାରୁ ପୀଠସ୍ଥିତ ମୋଦୀ ଅରଣ୍ୟ ବାଟିକାରେ ୭୭ତମ ବନ ମହୋତ୍ସବ–୨୦୨୬ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ୨୦ରୁ ଅଧିକ ବୃକ୍ଷରୋପଣ କରାଯାଇଛି। ଯୁବ ସମାଜସେବୀ ରଞ୍ଜନ କୁମାର ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ତଥା ପୂର୍ବତନ ମନ୍ତ୍ରୀ ଡ଼. ଅରବିନ୍ଦ ଢାଲି ମୁଖ୍ୟ ଅତିଥି ଭାବେ ଯୋଗଦେଇଥିଲେ। ସେ ପରିବେଶ ସୁରକ୍ଷା ଏବଂ ବୃକ୍ଷରୋପଣର ଆବଶ୍ୟକତା ଉପରେ ଗୁରୁତ୍ୱାରୋପ କରି ନିଜର ମତ ବ୍ୟକ୍ତ କରିଥିଲେ। ଏହି ଅବସରରେ ଶିକ୍ଷାବିତ୍ ବିଧୁଭୂଷଣ ପଟ୍ଟନାୟକ, ବିଜେପି ନେତା ମାଗୁଣୀ ସେଠୀ, ମଣ୍ଡଳ ସଭାପତି ବ୍ରହ୍ମାନନ୍ଦ ସ୍ୱାଇଁ, ଲକ୍ଷ୍ମଣ ଜେନା, ପ୍ରକୃତି ବନ୍ଧୁ ଦିନବନ୍ଧୁ ଭୋଇ, ପ୍ରିୟବ୍ରତ ପାତ୍ର, ହରେକୃଷ୍ଣ ମହାରଣା, ବିଜୟ ନାୟକ ଏବଂ ଉମାକାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମ ଶେଷରେ ଆମ୍ବ, ନଡ଼ିଆ, ଲେମ୍ବୁ ଆଦିର ୨୦ରୁ ଅଧିକ ଚାରା ରୋପଣ କରାଯାଇଥିଲା। ଉପସ୍ଥିତ ଅତିଥିମାନେ ପରିବେଶ ସୁରକ୍ଷା ଏବଂ ସବୁଜ ବନାନୀ ସୃଷ୍ଟି କରିବା ପାଇଁ ସମସ୍ତଙ୍କୁ ବୃକ୍ଷରୋପଣ କରିବାକୁ ଆହ୍ୱାନ ଜଣାଇଥିଲେ।

ଶିଖରପୁର ଗ୍ରାମରେ ଜଗନ୍ନାଥ ଏବଂ ଅନ୍ୟ ତିନି ମୂର୍ତ୍ତିଙ୍କୁ ଏକ ମଣ୍ଡପକୁ ଅଣାଯାଇଥିଲା। ଏଠାରେ ସେମାନଙ୍କୁ କ୍ଷୀର ସୁବାସିତ ଜଳରେ ସ୍ନାନ କରାଯିବା ସହ ସମସ୍ତ ନୀତିକାନ୍ତି ସମ୍ପନ୍ନ କରାଯାଇଥିଲା।

ଗଣମାଧ୍ୟମରେ ପ୍ରତିକ୍ରିୟା ଦେଇଥିବାରୁ ସତ୍ୟଜିତ୍ ବିଶ୍ୱାଳ ଏକ ପ୍ରକାର ଚକ୍ରବିହୁରେ ଫସିଯାଇଥିବା ଅଭିଯୋଗ ହୋଇଛି। ତାଙ୍କୁ ରାତି ଅଧରେ ଧମକ ମିଳୁଥିବା କୁହାଯାଉଛି। ଏହି ଘଟଣା ସହିତ, କିଏ ବାଲି ମାଫିଆମାନଙ୍କୁ ଛତ୍ରଛାୟା ଦେଇ ବେଆଇନ ଭାବେ ବାଲି ଚୋରା ଚାଲାଣ କରାଉଛି ସେନେଇ ପ୍ରଶ୍ନ ଉଠିଛି। ଖବର ପ୍ରସାରଣ ପରେ ସତ୍ୟଜିତ୍ ବିଶ୍ୱାଳଙ୍କ ହାଇୱାରେ ଟ୍ରାଞ୍ଜିଟ୍ ପରମିଟ୍ (T.P.) ଥିବା ସତ୍ତ୍ୱେ ମଧ୍ୟ ତାକୁ ଅଟକ ରଖାଯାଇଛି।

କଟକ ଜିଲ୍ଲାର ବ୍ରହ୍ମବରଦା ଅଞ୍ଚଳରେ ଅର୍ଥ ଲୁଟେରାମାନେ ସକ୍ରିୟ ଥିବା ନେଇ ସାଧାରଣ ଲୋକଙ୍କୁ ସତର୍କ କରାଯାଇଛି। ଦୁଇ ଜଣ ଯୁବ ଲୁଟେରା କୌଶଳକ୍ରମେ ଯେକୌଣସି ବ୍ୟାଙ୍କର ଖାତା ହାସଲ କରି ସେଥିରେ ବେଆଇନ ଅର୍ଥ କାରବାର କରୁଛନ୍ତି ଏବଂ ଏଥିରୁ ବହୁ ଅର୍ଥ ଉପାର୍ଜନ କରି ମାଲାମାଲ ହେଉଛନ୍ତି। ଏହି ଲୁଟେରାମାନେ, ଯେତେବେଳେ ଲୋକମାନେ ନିଜର ଆବଶ୍ୟକ ସମୟରେ ସେମାନଙ୍କଠାରୁ ବ୍ୟାଙ୍କ ବହି ଫେରାଇ ମାଗୁଛନ୍ତି, ସେତେବେଳେ ଦିନ ଦିପହରରେ ସେମାନଙ୍କୁ ଖୋଲାଖୋଲି ଭାବେ ଧମକ ଦେଉଛନ୍ତି। ଦର୍ଶକ ବନ୍ଧୁମାନଙ୍କୁ ଏହି ଘଟଣାରେ ଜଡିତ ଥିବା ଦୁଇ ଯୁବ ଲୁଟେରାଙ୍କୁ ଭଲଭାବେ ଚିହ୍ନି ରଖିବାକୁ ଅନୁରୋଧ କରାଯାଇଛି।

ଦେବ ସ୍ନାନ ପୂର୍ଣ୍ଣିମା ଅବସରରେ ନେମାଳ ପଦ୍ମ କ୍ଷେତ୍ରରେ ପ୍ରଭୁଙ୍କ ଦର୍ଶନ ହୋଇଛି।

ଡାକ୍ତର ଦିବସ ଅବସରରେ ଓଡ଼ିଶା ମେଡିକାଲ ସର୍ଭିସ ଆସୋସିଏସନ୍ (OMSA) ପକ୍ଷରୁ ରାଜ୍ୟବ୍ୟାପୀ କାର୍ଯ୍ୟବନ୍ଦ ଆନ୍ଦୋଳନ ଡାକରା ଦିଆଯାଇଛି। ଏହି ପରିପ୍ରେକ୍ଷୀରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟର ଡାକ୍ତରମାନେ ସରକାରଙ୍କ ନିକଟରେ ଦୀର୍ଘ ଦିନରୁ ପଡ଼ି ରହିଥିବା ବିଭିନ୍ନ ଦାବି ପୂରଣ ଦାବିରେ କାର୍ଯ୍ୟବନ୍ଦ କରିଛନ୍ତି।

ରାଜ୍ୟ ସରକାର ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସରକାରୀ ପାଠ୍ୟପୁସ୍ତକରେ ଯେଉଁ ସାଙ୍ଘାତିକ ତ୍ରୁଟି କରିଛନ୍ତି, ସେଥିରେ ଓଡ଼ିଶାର ସଂସ୍କୃତି, ପରମ୍ପରା ଏବଂ ଓଡ଼ିଆ ଜାତିର ସମ୍ମାନକୁ ଚରମ ଅପମାନ ଦିଆଯାଇଛି। ପିଲାବେଳେ ଶିକ୍ଷଣୀୟ ଗୀତ ଯଥା “ତୁମ ପରି ଛୋଟ ପିଲାଟିଏ” ଏବଂ “ନିଧିବୁଢ଼ା ବାଡି ପଟେ ପଡିଛି ବିଚାର” ପାଠ୍ୟପୁସ୍ତକରେ ଥିବାବେଳେ, ଏବେ ହିନ୍ଦୀ ସିନେମା ଗୀତ “ନିମ୍ବୋଡା ନିମ୍ବୋଡା” ସ୍ଥାନିତ ହେବାକୁ ଦୁର୍ଭାଗ୍ୟଜନକ ବୋଲି ବର୍ଣ୍ଣନା କରାଯାଇଛି। ଏହି ସମଗ୍ର ପୁସ୍ତକରେ ମୋଟ ୨୨ ହଜାର ଭୁଲ୍ ପରିଲକ୍ଷିତ ହୋଇଛି। ଏହି ଘଟଣାକୁ ନେଇ ମହିଳା କଂଗ୍ରେସ ଅଭିଯୋଗ କରିଛି ଯେ ଓଡ଼ିଶା ସରକାର ରାଜ୍ୟର ଅଭିଭାବକ ଓ ଛାତ୍ରଛାତ୍ରୀମାନଙ୍କ ପ୍ରତି ବିଶ୍ୱାସଘାତକତା କରିଛନ୍ତି। ମହିଳା କଂଗ୍ରେସ ଦାବି କରିଛି ଯେ ମୁଖ୍ୟମନ୍ତ୍ରୀ, ଶିକ୍ଷାମନ୍ତ୍ରୀ ଏବଂ ଶିକ୍ଷାସଚୀବ ଓଡ଼ିଶାବାସୀଙ୍କ ନିକଟରେ ସର୍ବସାଧାରଣରେ କ୍ଷମା ମାଗିବା ଉଚିତ୍। ଏଥିସହ, ଏହି ତ୍ରୁଟି ପାଇଁ ଦାୟୀ ବ୍ୟକ୍ତିମାନଙ୍କୁ ଦୃଷ୍ଟାନ୍ତମୂଳକ ଦଣ୍ଡ ଦେବା ସହ ବହି ଛାପିବାର ସମଗ୍ର ଅର୍ଥ ଦଣ୍ଡ ସ୍ୱରୂପ ସେମାନଙ୍କ ଉପରେ ଲାଗୁ କରାଯିବା ଉଚିତ୍ ବୋଲି ଦାବି କରାଯାଇଛି।