हिंगणघाटात 'छत्रपती शिवाजी महाराज महसूल समाधान शिबिर' उत्साहात; आमदार समीरभाऊ कुणावर यांच्या हस्ते उद्घाटन, २,६०४ लाभार्थ्यांना शासकीय योजनांचा लाभ वर्धा हिंगणघाट हिंगणघाट : महाराष्ट्र शासनाच्या महसूल व वन विभागाच्या वतीने मुख्यमंत्री देवेंद्र फडणवीस यांच्या वाढदिवसानिमित्त तसेच माजी उपमुख्यमंत्री स्वर्गीय अजितदादा पवार यांच्या जयंतीनिमित्त 'छत्रपती शिवाजी महाराज महसूल समाधान शिबिर अभियान' अंतर्गत शुक्रवारी (३१ जुलै) हिंगणघाट येथील अनुसया पॅलेस येथे भव्य शिबिराचे आयोजन करण्यात आले. शिबिराचे उद्घाटन व अध्यक्षस्थान आमदार समीरभाऊ कुणावर यांनी भूषविले. यावेळी अतिरिक्त जिल्हाधिकारी संजय तेली प्रमुख अतिथी म्हणून उपस्थित होते. कार्यक्रमाला हिंगणघाट नगरपरिषदेच्या नगराध्यक्षा नयनाताई तुळसकर, उपविभागीय अधिकारी आकाश अवतारे, उपजिल्हाधिकारी श्रीपती मोरे, तहसीलदार योगेश शिंदे, तहसीलदार कपिल हटकर तसेच विविध विभागांचे अधिकारी उपस्थित होते. हिंगणघाट व समुद्रपूर तालुक्यातील हजारो नागरिकांनी शिबिरात सहभाग घेत विविध शासकीय योजनांचा लाभ घेतला. आमदार समीरभाऊ कुणावर यांच्या हस्ते लाभार्थ्यांना विविध प्रमाणपत्रे, स्वामित्व सनद तसेच आर्थिक सहाय्याचे वितरण करण्यात आले. महसूल विभागामार्फत घरकुल पट्टे, जात, उत्पन्न व निवासी दाखले, नजूल फ्रीहोल्ड पट्टे, महसुली प्रकरणांचे आदेश अशा ६५७ लाभांचे वितरण करण्यात आले. याशिवाय संजय गांधी निराधार विभागाचे ३८३, पुरवठा विभागाचे २३४, भूमी अभिलेख विभागाचे ४०८, कृषी विभागाचे २०२, पंचायत समितीचे २६८, नगरपरिषदेचे ७५ तसेच वन विभाग व इतर विभागांच्या विविध योजनांचाही लाभ नागरिकांना देण्यात आला. शिबिरात डॉ. बाबासाहेब आंबेडकर कृषी स्वावलंबन योजना, बिरसा मुंडा कृषी क्रांती योजना, प्रधानमंत्री आवास योजना, पीएम स्वनिधी, लखपती दीदी योजना, सिंचन विहिरी, जीवनहानी मदत, हेल्थ कार्ड, आरोग्य तपासणी आदी विविध योजनांचा लाभ वितरित करण्यात आला. महसूल, संजय गांधी निराधार, पुरवठा, भूमी अभिलेख, कृषी, पंचायत समिती, नगरपरिषद, वन विभाग, आरोग्य, श्रम, पशुसंवर्धन, कौशल्य विकास, उद्योग, आदिवासी विकास, अन्न व औषध प्रशासन आदी विभागांनी माहिती व सेवा देण्यासाठी स्वतंत्र स्टॉल उभारले होते. हिंगणघाट विधानसभा क्षेत्रातील एकूण २,६०४ लाभार्थ्यांना विविध शासकीय योजनांचा प्रत्यक्ष लाभ देण्यात आला. यावेळी आमदार समीरभाऊ कुणावर यांनी शासनाच्या जनकल्याणकारी योजना शेवटच्या घटकापर्यंत पोहोचविण्यासाठी अशा महसूल समाधान शिबिरांची महत्त्वपूर्ण भूमिका असल्याचे सांगितले.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

16 hrs ago

हिंगणघाटात 'छत्रपती शिवाजी महाराज महसूल समाधान शिबिर' उत्साहात; आमदार समीरभाऊ कुणावर यांच्या हस्ते उद्घाटन, २,६०४ लाभार्थ्यांना शासकीय योजनांचा लाभ वर्धा हिंगणघाट हिंगणघाट : महाराष्ट्र शासनाच्या महसूल व वन विभागाच्या वतीने मुख्यमंत्री देवेंद्र फडणवीस यांच्या वाढदिवसानिमित्त तसेच माजी उपमुख्यमंत्री स्वर्गीय अजितदादा पवार यांच्या जयंतीनिमित्त 'छत्रपती शिवाजी महाराज महसूल समाधान शिबिर अभियान' अंतर्गत शुक्रवारी (३१ जुलै) हिंगणघाट येथील अनुसया पॅलेस येथे भव्य शिबिराचे आयोजन करण्यात आले. शिबिराचे उद्घाटन व अध्यक्षस्थान आमदार समीरभाऊ कुणावर यांनी भूषविले. यावेळी अतिरिक्त जिल्हाधिकारी संजय तेली प्रमुख अतिथी म्हणून उपस्थित होते. कार्यक्रमाला हिंगणघाट नगरपरिषदेच्या नगराध्यक्षा नयनाताई तुळसकर, उपविभागीय अधिकारी आकाश अवतारे, उपजिल्हाधिकारी श्रीपती मोरे, तहसीलदार योगेश शिंदे, तहसीलदार कपिल हटकर तसेच विविध विभागांचे अधिकारी उपस्थित होते. हिंगणघाट व समुद्रपूर तालुक्यातील हजारो नागरिकांनी शिबिरात सहभाग घेत विविध शासकीय योजनांचा लाभ घेतला. आमदार समीरभाऊ कुणावर यांच्या हस्ते लाभार्थ्यांना विविध प्रमाणपत्रे, स्वामित्व सनद तसेच आर्थिक सहाय्याचे वितरण करण्यात आले. महसूल विभागामार्फत घरकुल पट्टे, जात, उत्पन्न व निवासी दाखले, नजूल फ्रीहोल्ड पट्टे, महसुली प्रकरणांचे आदेश अशा ६५७ लाभांचे वितरण करण्यात आले. याशिवाय संजय गांधी निराधार विभागाचे ३८३, पुरवठा विभागाचे २३४, भूमी अभिलेख विभागाचे ४०८, कृषी विभागाचे २०२, पंचायत समितीचे २६८, नगरपरिषदेचे ७५ तसेच वन विभाग व इतर विभागांच्या विविध योजनांचाही लाभ नागरिकांना देण्यात आला. शिबिरात डॉ. बाबासाहेब आंबेडकर कृषी स्वावलंबन योजना, बिरसा मुंडा कृषी क्रांती योजना, प्रधानमंत्री आवास योजना, पीएम स्वनिधी, लखपती दीदी योजना, सिंचन विहिरी, जीवनहानी मदत, हेल्थ कार्ड, आरोग्य तपासणी आदी विविध योजनांचा लाभ वितरित करण्यात आला. महसूल, संजय गांधी निराधार, पुरवठा, भूमी अभिलेख, कृषी, पंचायत समिती, नगरपरिषद, वन विभाग, आरोग्य, श्रम, पशुसंवर्धन, कौशल्य विकास, उद्योग, आदिवासी विकास, अन्न व औषध प्रशासन आदी विभागांनी माहिती व सेवा देण्यासाठी स्वतंत्र स्टॉल उभारले होते. हिंगणघाट विधानसभा क्षेत्रातील एकूण २,६०४ लाभार्थ्यांना विविध शासकीय योजनांचा प्रत्यक्ष लाभ देण्यात आला. यावेळी आमदार समीरभाऊ कुणावर यांनी शासनाच्या जनकल्याणकारी योजना शेवटच्या घटकापर्यंत पोहोचविण्यासाठी अशा महसूल समाधान शिबिरांची महत्त्वपूर्ण भूमिका असल्याचे सांगितले.