ગુજરાતમાં મહિલા સ્વાવલંબન અને સામાજિક ઉત્થાનના ક્ષેત્રે એક નવતર પ્રયોગનો પ્રારંભ વિસનગરથી થયો છે. ગંગાસ્વરૂપા બહેનો આત્મસન્માનભેર જીવી શકે, સુરક્ષિત બને અને આર્થિક રીતે પગભર થઈ સશક્ત બને તેવા પવિત્ર આશય સાથે "હીરામોતી ભીલ મહિલા બચત મંડળ"ની સ્થાપના કરવામાં આવી છે. આ સેવાકીય યજ્ઞનો મંગલ પ્રારંભ જાણીતા પર્યાવરણપ્રેમી અને ગ્રીન એમ્બેસેડર જીતુભાઈ તિરૂપતિ દ્વારા તેમના નિવાસસ્થાનેથી વિધિવત રીતે કરાવવામાં આવ્યો હતો. આ મંડળ પરિવારના બે સ્વર્ગસ્થ બાની પૂજ્ય સ્મૃતિમાં અને તેમના આશીર્વાદ સાથે શરૂ કરાયું છે. આ મંડળ ગંગાસ્વરૂપા બહેનોની સુરક્ષા, આત્મસન્માન, સ્વાવલંબન અને સશક્તિકરણના ચાર મુખ્ય સ્તંભો પર કાર્ય કરશે. સમગ્ર કાર્યક્રમનું સંચાલન અને સ્પોન્સરશિપ તિરુપતિ ફાઉન્ડેશન વિસનગર દ્વારા કરવામાં આવી રહી છે. કાર્યક્રમના પ્રારંભમાં ઉપસ્થિત મહાનુભાવો અને મોટી સંખ્યામાં જોડાયેલી બહેનોએ ઉત્સાહપૂર્વક રાષ્ટ્રગીતનું ગાન કર્યું હતું, જ્યારે 'ભારત માતા કી જય' ના નારા સાથે સમગ્ર વાતાવરણ દેશભક્તિના રંગે રંગાઈ ગયું હતું. આ પ્રસંગે ગ્રીન એમ્બેસેડર જીતુભાઈ તિરૂપતિએ બહેનોને આર્થિક બચતનું મહત્વ સમજાવવાની સાથે પર્યાવરણ અને સામાજિક સુરક્ષાના શપથ પણ લેવડાવ્યા હતા. ઉપસ્થિત તમામ મહિલાઓએ હાથ ઊંચો કરીને દર વર્ષે વૃક્ષો વાવવા અને તેનું જતન કરવું, પાણી તેમજ વીજળીનો બચતપૂર્વક ઉપયોગ કરવો, કચરો હંમેશા કચરાપેટીમાં જ નાખવો, અન્નનો બગાડ ન કરવો અને દીકરીઓને બચાવીને ઉચ્ચ શિક્ષણ આપવા જેવા સામાજિક સુધારાના સંકલ્પો લીધા હતા. તિરુપતિ ફાઉન્ડેશન દ્વારા વિશ્વાસ વ્યક્ત કરવામાં આવ્યો છે કે ગુજરાતભરમાં આ પ્રકારનો આ અનોખો અને પ્રેરણાદાયી પ્રયોગ આગામી સમયમાં ગંગાસ્વરૂપા બહેનોના જીવનમાં આર્થિક અને સામાજિક ક્રાંતિ લાવશે. આ લોકઉપયોગી કાર્યક્રમમાં વિસનગરના અગ્રણી નાગરિકો, વડીલો અને મોટી સંખ્યામાં ઉત્સાહી મહિલાઓ હાજર રહી હતી.

BABA SAIYAD

Newspaper distribution વિજાપુર, મહેસાણા, ગુજરાત•

2 hrs ago

ગુજરાતમાં મહિલા સ્વાવલંબન અને સામાજિક ઉત્થાનના ક્ષેત્રે એક નવતર પ્રયોગનો પ્રારંભ વિસનગરથી થયો છે. ગંગાસ્વરૂપા બહેનો આત્મસન્માનભેર જીવી શકે, સુરક્ષિત બને અને આર્થિક રીતે પગભર થઈ સશક્ત બને તેવા પવિત્ર આશય સાથે "હીરામોતી ભીલ મહિલા બચત મંડળ"ની સ્થાપના કરવામાં આવી છે. આ સેવાકીય યજ્ઞનો મંગલ પ્રારંભ જાણીતા પર્યાવરણપ્રેમી અને ગ્રીન એમ્બેસેડર જીતુભાઈ તિરૂપતિ દ્વારા તેમના નિવાસસ્થાનેથી વિધિવત રીતે કરાવવામાં આવ્યો હતો. આ મંડળ પરિવારના બે સ્વર્ગસ્થ બાની પૂજ્ય સ્મૃતિમાં અને તેમના આશીર્વાદ સાથે શરૂ કરાયું છે. આ મંડળ ગંગાસ્વરૂપા બહેનોની સુરક્ષા, આત્મસન્માન, સ્વાવલંબન અને સશક્તિકરણના ચાર મુખ્ય સ્તંભો પર કાર્ય કરશે. સમગ્ર કાર્યક્રમનું સંચાલન અને સ્પોન્સરશિપ તિરુપતિ ફાઉન્ડેશન વિસનગર દ્વારા કરવામાં આવી રહી છે. કાર્યક્રમના પ્રારંભમાં ઉપસ્થિત મહાનુભાવો અને મોટી સંખ્યામાં જોડાયેલી બહેનોએ ઉત્સાહપૂર્વક રાષ્ટ્રગીતનું ગાન કર્યું હતું, જ્યારે 'ભારત માતા કી જય' ના નારા સાથે સમગ્ર વાતાવરણ દેશભક્તિના રંગે રંગાઈ ગયું હતું. આ પ્રસંગે ગ્રીન એમ્બેસેડર જીતુભાઈ તિરૂપતિએ બહેનોને આર્થિક બચતનું મહત્વ સમજાવવાની સાથે પર્યાવરણ અને સામાજિક સુરક્ષાના શપથ પણ લેવડાવ્યા હતા. ઉપસ્થિત તમામ મહિલાઓએ હાથ ઊંચો કરીને દર વર્ષે વૃક્ષો વાવવા અને તેનું જતન કરવું, પાણી તેમજ વીજળીનો બચતપૂર્વક ઉપયોગ કરવો, કચરો હંમેશા કચરાપેટીમાં જ નાખવો, અન્નનો બગાડ ન કરવો અને દીકરીઓને બચાવીને ઉચ્ચ શિક્ષણ આપવા જેવા સામાજિક સુધારાના સંકલ્પો લીધા હતા. તિરુપતિ ફાઉન્ડેશન દ્વારા વિશ્વાસ વ્યક્ત કરવામાં આવ્યો છે કે ગુજરાતભરમાં આ પ્રકારનો આ અનોખો અને પ્રેરણાદાયી પ્રયોગ આગામી સમયમાં ગંગાસ્વરૂપા બહેનોના જીવનમાં આર્થિક અને સામાજિક ક્રાંતિ લાવશે. આ લોકઉપયોગી કાર્યક્રમમાં વિસનગરના અગ્રણી નાગરિકો, વડીલો અને મોટી સંખ્યામાં ઉત્સાહી મહિલાઓ હાજર રહી હતી.