കോഴിക്കോട് പൂളപ്പറമ്പ് സ്വദേശിനിയായ ദേവകിയമ്മയുടെ കഴുത്തിൽ നിന്നും മാല പൊട്ടിച്ച കേസിൽ ചേവായൂർ വില്ലിക്കാട് സ്വദേശി ഷനൂപ് (26) പോലീസ് പിടിയിലായി. കോഴിക്കോട്ടെ ഒരു പ്രമുഖ ഹോട്ടലിൽ മാനേജരായി ജോലി ചെയ്യുന്ന ഇയാൾ, ജോലിയുടെ ഒഴിവുസമയങ്ങൾ ഉപയോഗിച്ചാണ് മോഷണങ്ങൾ നടത്തിയിരുന്നത്. ഇക്കഴിഞ്ഞ തിങ്കളാഴ്ച ചാത്തമംഗലത്തിന് സമീപമായിരുന്നു കേസിനാസ്പദമായ സംഭവം നടന്നത്. ആശുപത്രിയിൽ നിന്ന് മടങ്ങി വരികയായിരുന്ന ദേവകിയമ്മയുടെ അടുത്തേക്ക് ബൈക്കിലെത്തിയ പ്രതി വഴി ചോദിക്കുകയായിരുന്നു. വഴി പറഞ്ഞുകൊടുത്ത ശേഷം മുന്നോട്ട് പോയ ഇയാൾ, പെട്ടെന്ന് ബൈക്ക് തിരികെ എത്തിച്ച് വയോധികയുടെ കഴുത്തിലുണ്ടായിരുന്ന ഒന്നര പവന്റെ മാല വലിച്ച് പൊട്ടിച്ച് കടന്നുകളയുകയായിരുന്നു. സംഭവത്തിന് പിന്നാലെ ദേവകിയമ്മ കുന്ദമംഗലം പോലീസിൽ പരാതി നൽകി. ഈ പരാതിയുടെ അടിസ്ഥാനത്തിൽ കുന്ദമംഗലം പോലീസും സ്പെഷ്യൽ സ്‌ക്വാഡും ചേർന്ന് നടത്തിയ അന്വേഷണത്തിലാണ് പ്രതി പിടിയിലായത്. സമാനമായ രീതിയിൽ മുൻപ് മോഷണം നടത്തിയവരെ കേന്ദ്രീകരിച്ചും, പരിസരത്തെ സിസിടിവി ദൃശ്യങ്ങൾ പരിശോധിച്ചുമാണ് പോലീസ് പ്രതിയെ കണ്ടെത്തിയത്. പിടിയിലായ ഷനൂപിനെതിരെ വിവിധ പോലീസ് സ്റ്റേഷനുകളിൽ സമാനമായ രീതിയിൽ സ്വർണാഭരണങ്ങൾ പിടിച്ചുപറിച്ച കേസുകൾ നിലവിലുണ്ടെന്ന് പോലീസ് വ്യക്തമാക്കി. അറസ്റ്റ് രേഖപ്പെടുത്തിയ ശേഷം പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തുകയും തുടർന്ന് കോടതിയിൽ ഹാജരാക്കി റിമാൻഡ് ചെയ്യുകയും ചെയ്തു.

Ardhra Krishnan

ഏറനാട്, മലപ്പുറം, കേരളം•

11 hrs ago

കോഴിക്കോട് പൂളപ്പറമ്പ് സ്വദേശിനിയായ ദേവകിയമ്മയുടെ കഴുത്തിൽ നിന്നും മാല പൊട്ടിച്ച കേസിൽ ചേവായൂർ വില്ലിക്കാട് സ്വദേശി ഷനൂപ് (26) പോലീസ് പിടിയിലായി. കോഴിക്കോട്ടെ ഒരു പ്രമുഖ ഹോട്ടലിൽ മാനേജരായി ജോലി ചെയ്യുന്ന ഇയാൾ, ജോലിയുടെ ഒഴിവുസമയങ്ങൾ ഉപയോഗിച്ചാണ് മോഷണങ്ങൾ നടത്തിയിരുന്നത്. ഇക്കഴിഞ്ഞ തിങ്കളാഴ്ച ചാത്തമംഗലത്തിന് സമീപമായിരുന്നു കേസിനാസ്പദമായ സംഭവം നടന്നത്. ആശുപത്രിയിൽ നിന്ന് മടങ്ങി വരികയായിരുന്ന ദേവകിയമ്മയുടെ അടുത്തേക്ക് ബൈക്കിലെത്തിയ പ്രതി വഴി ചോദിക്കുകയായിരുന്നു. വഴി പറഞ്ഞുകൊടുത്ത ശേഷം മുന്നോട്ട് പോയ ഇയാൾ, പെട്ടെന്ന് ബൈക്ക് തിരികെ എത്തിച്ച് വയോധികയുടെ കഴുത്തിലുണ്ടായിരുന്ന ഒന്നര പവന്റെ മാല വലിച്ച് പൊട്ടിച്ച് കടന്നുകളയുകയായിരുന്നു. സംഭവത്തിന് പിന്നാലെ ദേവകിയമ്മ കുന്ദമംഗലം പോലീസിൽ പരാതി നൽകി. ഈ പരാതിയുടെ അടിസ്ഥാനത്തിൽ കുന്ദമംഗലം പോലീസും സ്പെഷ്യൽ സ്‌ക്വാഡും ചേർന്ന് നടത്തിയ അന്വേഷണത്തിലാണ് പ്രതി പിടിയിലായത്. സമാനമായ രീതിയിൽ മുൻപ് മോഷണം നടത്തിയവരെ കേന്ദ്രീകരിച്ചും, പരിസരത്തെ സിസിടിവി ദൃശ്യങ്ങൾ പരിശോധിച്ചുമാണ് പോലീസ് പ്രതിയെ കണ്ടെത്തിയത്. പിടിയിലായ ഷനൂപിനെതിരെ വിവിധ പോലീസ് സ്റ്റേഷനുകളിൽ സമാനമായ രീതിയിൽ സ്വർണാഭരണങ്ങൾ പിടിച്ചുപറിച്ച കേസുകൾ നിലവിലുണ്ടെന്ന് പോലീസ് വ്യക്തമാക്കി. അറസ്റ്റ് രേഖപ്പെടുത്തിയ ശേഷം പ്രതിയെ സംഭവസ്ഥലത്തെത്തിച്ച് തെളിവെടുപ്പ് നടത്തുകയും തുടർന്ന് കോടതിയിൽ ഹാജരാക്കി റിമാൻഡ് ചെയ്യുകയും ചെയ്തു.