పీలేరు ప్రభుత్వ ఐటీఐకి రూ.2 లక్షల విలువైన పనులకు యాక్ట్స్ సంస్థ చేయూత పీలేరు: విద్యార్థులకు మెరుగైన మౌలిక సదుపాయాలు కల్పించేందుకు స్వచ్ఛంద సంస్థలు ముందుకు రావడం అభినందనీయం. అన్నమయ్య జిల్లా పీలేరు ప్రభుత్వ ఐటీఐలో నెలకొన్న అసౌకర్యాలను గుర్తించిన యాక్ట్స్ (ACTS) స్వచ్ఛంద సంస్థ ప్రెసిడెంట్ డాక్టర్ జి. దశరథ రెడ్డి, సుమారు రూ.2 లక్షల విలువైన అభివృద్ధి పనులకు అనుమతి మంజూరు చేసి తన సేవాభావాన్ని చాటుకున్నారు. స్థానిక శ్రీకృష్ణదేవరాయ నూనెవెత్తుల కర్మాగారంలో గత 15 ఏళ్లుగా నిర్వహిస్తున్న ప్రభుత్వ ఐటీఐని గురువారం ఉమ్మడి చిత్తూరు జిల్లా వి.కోటకు చెందిన యాక్ట్స్ సంస్థ ప్రెసిడెంట్ డాక్టర్ జి. దశరథ రెడ్డి సందర్శించారు. ఈ సందర్భంగా ఐటీఐలోని విద్యార్థుల పరిస్థితులు, వారికి ఎదురవుతున్న సమస్యలు, మౌలిక సదుపాయాల కొరతను పరిశీలించారు. విద్యార్థుల ఇబ్బందులను ప్రత్యక్షంగా గుర్తించిన ఆయన వెంటనే స్పందించారు. ఇక్కడ ప్రధానంగా నెలకొన్న కోతుల బెడద నివారణకు షెడ్ లోపలి భాగంలో స్టీల్ మెష్ ఏర్పాటు, విద్యార్థుల కోసం మరుగుదొడ్ల నిర్మాణం, దెబ్బతిన్న సిమెంట్ రేకుల మార్పు తదితర మౌలిక సదుపాయాల కల్పనకు సుమారు రూ.2 లక్షల అంచనాతో పనులను చేపట్టేందుకు అనుమతి ఇచ్చారు. విద్యార్థుల అవసరాలను గుర్తించి తక్షణమే స్పందించిన డాక్టర్ దశరథ రెడ్డికి ఐటీఐ ప్రిన్సిపాల్, సిబ్బంది, విద్యార్థులు కృతజ్ఞతలు తెలిపారు. ఈ కార్యక్రమంలో గూడరేవుపల్లికి చెందిన ద్వారకనాథరెడ్డి, ఐటీఐ ప్రిన్సిపాల్ పీ. నారాయణ, ట్రైనింగ్ ఆఫీసర్ కె. బాల మురళి, సూపరింటెండెంట్ సి. మునిస్వామి, అసిస్టెంట్ ట్రైనింగ్ ఆఫీసర్లు టి. ఆది నారాయణ రెడ్డి, విజయ కుమార్, ముని కుమార్ రెడ్డి, గౌతమ్ పుల్లా రావు, శివ కృష్ణ, సిబ్బంది భారతమ్మ, మల్లయ్య తదితరులు పాల్గొన్నారు. డిగ్రీ కళాశాలకు కంప్యూటర్లు అందించాలని విజ్ఞప్తి డాక్టర్ దశరథ రెడ్డిని స్థానిక సంజయ్ గాంధీ ప్రభుత్వ డిగ్రీ కళాశాల ప్రిన్సిపాల్ డాక్టర్ పి. వినీల, కంప్యూటర్ శిక్షణ విభాగానికి చెందిన కిషోర్ కుమార్ రెడ్డి లు మర్యాదపూర్వకంగా కలిసి కళాశాలను ఒకసారి సందర్శించాలని ఆహ్వానించారు. కళాశాలలో కంప్యూటర్ల కొరత కారణంగా విద్యార్థుల బోధనా సమస్య ఏర్పడుతోందని, కళాశాలను ఓసారి స్వయంగా సందర్శించి సమస్యను పరిశీలించి, విద్యార్థుల ప్రయోజనార్థం కంప్యూటర్ల కొరతను తీర్చేందుకు సహకరించాలని వారు విజ్ఞప్తి చేశారు. స్పందించిన దశరథ్ రెడ్డి విద్యార్థుల విద్యాభివృద్ధికి అవసరమైన మౌలిక సదుపాయాల కల్పనకు తన వంతు సహకారం అందించేందుకు కృషి చేస్తానని తెలియజేశారు.

SK masthan saheb

పీలేరు, అన్నమయ్య, ఆంధ్రప్రదేశ్•

46 min ago

పీలేరు ప్రభుత్వ ఐటీఐకి రూ.2 లక్షల విలువైన పనులకు యాక్ట్స్ సంస్థ చేయూత పీలేరు: విద్యార్థులకు మెరుగైన మౌలిక సదుపాయాలు కల్పించేందుకు స్వచ్ఛంద సంస్థలు ముందుకు రావడం అభినందనీయం. అన్నమయ్య జిల్లా పీలేరు ప్రభుత్వ ఐటీఐలో నెలకొన్న అసౌకర్యాలను గుర్తించిన యాక్ట్స్ (ACTS) స్వచ్ఛంద సంస్థ ప్రెసిడెంట్ డాక్టర్ జి. దశరథ రెడ్డి, సుమారు రూ.2 లక్షల విలువైన అభివృద్ధి పనులకు అనుమతి మంజూరు చేసి తన సేవాభావాన్ని చాటుకున్నారు. స్థానిక శ్రీకృష్ణదేవరాయ నూనెవెత్తుల కర్మాగారంలో గత 15 ఏళ్లుగా నిర్వహిస్తున్న ప్రభుత్వ ఐటీఐని గురువారం ఉమ్మడి చిత్తూరు జిల్లా వి.కోటకు చెందిన యాక్ట్స్ సంస్థ ప్రెసిడెంట్ డాక్టర్ జి. దశరథ రెడ్డి సందర్శించారు. ఈ సందర్భంగా ఐటీఐలోని విద్యార్థుల పరిస్థితులు, వారికి ఎదురవుతున్న సమస్యలు, మౌలిక సదుపాయాల కొరతను పరిశీలించారు. విద్యార్థుల ఇబ్బందులను ప్రత్యక్షంగా గుర్తించిన ఆయన వెంటనే స్పందించారు. ఇక్కడ ప్రధానంగా నెలకొన్న కోతుల బెడద నివారణకు షెడ్ లోపలి భాగంలో స్టీల్ మెష్ ఏర్పాటు, విద్యార్థుల కోసం మరుగుదొడ్ల నిర్మాణం, దెబ్బతిన్న సిమెంట్ రేకుల మార్పు తదితర మౌలిక సదుపాయాల కల్పనకు సుమారు రూ.2 లక్షల అంచనాతో పనులను చేపట్టేందుకు అనుమతి ఇచ్చారు.

విద్యార్థుల అవసరాలను గుర్తించి తక్షణమే స్పందించిన డాక్టర్ దశరథ రెడ్డికి ఐటీఐ ప్రిన్సిపాల్, సిబ్బంది, విద్యార్థులు కృతజ్ఞతలు తెలిపారు. ఈ కార్యక్రమంలో గూడరేవుపల్లికి చెందిన ద్వారకనాథరెడ్డి, ఐటీఐ ప్రిన్సిపాల్ పీ. నారాయణ, ట్రైనింగ్ ఆఫీసర్ కె. బాల మురళి, సూపరింటెండెంట్ సి. మునిస్వామి, అసిస్టెంట్ ట్రైనింగ్ ఆఫీసర్లు టి. ఆది నారాయణ రెడ్డి, విజయ కుమార్, ముని కుమార్ రెడ్డి, గౌతమ్ పుల్లా రావు, శివ కృష్ణ, సిబ్బంది భారతమ్మ, మల్లయ్య తదితరులు పాల్గొన్నారు. డిగ్రీ కళాశాలకు కంప్యూటర్లు అందించాలని విజ్ఞప్తి డాక్టర్ దశరథ రెడ్డిని స్థానిక సంజయ్ గాంధీ ప్రభుత్వ డిగ్రీ కళాశాల ప్రిన్సిపాల్ డాక్టర్ పి. వినీల, కంప్యూటర్ శిక్షణ విభాగానికి చెందిన కిషోర్ కుమార్ రెడ్డి లు మర్యాదపూర్వకంగా కలిసి కళాశాలను ఒకసారి సందర్శించాలని ఆహ్వానించారు. కళాశాలలో కంప్యూటర్ల కొరత కారణంగా విద్యార్థుల బోధనా సమస్య ఏర్పడుతోందని, కళాశాలను ఓసారి స్వయంగా సందర్శించి సమస్యను పరిశీలించి, విద్యార్థుల ప్రయోజనార్థం కంప్యూటర్ల కొరతను తీర్చేందుకు సహకరించాలని వారు విజ్ఞప్తి చేశారు. స్పందించిన దశరథ్ రెడ్డి విద్యార్థుల విద్యాభివృద్ధికి అవసరమైన మౌలిక సదుపాయాల కల్పనకు తన వంతు సహకారం అందించేందుకు కృషి చేస్తానని తెలియజేశారు.