బాల్య వివాహాల నిషేధ చట్టాన్ని పకడ్బందీగా అమలు చేయాలి జిల్లా కలెక్టర్ కె.హరిత కుమురం భీమ్ ఆసిఫాబాద్ జిల్లా కేంద్రంలోని సమీకృత కలెక్టరేట్ భవన సమావేశ మందిరంలో మంగళవారం పోలీస్, రెవెన్యూ, శిశు సంక్షేమ, వైద్య ఆరోగ్య, విద్య, పంచాయతీరాజ్ శాఖల అధికారులు, స్వచ్ఛంద సంస్థల ప్రతినిధులతో జిల్లా కలెక్టర్ కె.హరిత సమీక్ష సమావేశం నిర్వహించారు. మిషన్ వాత్సల్య కార్యక్రమం కింద బాల్య వివాహాల నిషేధ చట్టం, పోక్సో చట్టాన్ని జిల్లాలో పకడ్బందీగా అమలు చేసేందుకు సంబంధిత శాఖలు సమన్వయంతో పనిచేయాలని కె.హరిత సూచించారు. బాల్య వివాహాల నివారణపై ప్రజలకు అవగాహన కల్పించాలని, భవిష్యత్తులో ఎదురయ్యే సమస్యలపై తల్లిదండ్రులకు వివరించాలని, కిశోర బాలికల సాధికారతను పర్యవేక్షించాలని తెలిపారు. పాఠశాలలు, కళాశాలల్లో విద్యార్థులకు అవగాహన కల్పించాలని, లైంగిక నేరాల నుంచి బాలల రక్షణకు ప్రత్యేక చర్యలు తీసుకోవాలని, లైంగిక వేధింపులు, అశ్లీల చిత్రాల కోసం పిల్లలను ఉపయోగించేవారిని గుర్తించి పోక్సో చట్టం కింద కఠినంగా శిక్షించాలని ఆదేశించారు. గ్రామ, మండల స్థాయిలలో కమిటీలు ఏర్పాటు చేసి సర్పంచ్‌లు, స్వయం సహాయక సంఘాల మహిళలను భాగస్వాములు చేయాలని తెలిపారు.అనంతరం మన అంగన్వాడీ – మన బాధ్యత కార్యక్రమంలో భాగంగా 9వ పోషణ మాసంపై సమీక్షించారు. ఈ నెల 9 నుంచి వచ్చే నెల 8 వరకు అన్ని అంగన్వాడీ కేంద్రాల్లో పోషణ మాసాన్ని పకడ్బందీగా నిర్వహించాలని, పిల్లలు, గర్భిణులు, బాలింతలకు పోషకాహారం అందించాలని, మూడేళ్లలోపు పిల్లలందరూ అంగన్వాడీల్లో నమోదయ్యేలా చర్యలు తీసుకోవాలని ఆదేశించారు. పప్పు, ఆకుకూరలు, చిరుధాన్యాలతో కూడిన అనుబంధ పోషకాహారం అందించాలని సూచిస్తూ పోషణ మాసం గోడ ప్రతులను ఆవిష్కరించారు. ఈ కార్యక్రమంలో జిల్లా సంక్షేమ శాఖ అధికారి స్వరూపారాణి, జిల్లా పంచాయతీ అధికారి బిక్షపతి, జిల్లా విద్యాధికారి సచ్చిదానంద చారి, డీసీపీఓ మహేష్, జిల్లా మాధ్యమిక విద్యాధికారి రాందాస్, సీడీపీఓలు, సఖి-బాలల రక్షణ సిబ్బంది, శాఖల అధికారులు తదితరులు పాల్గొన్నారు.

Krishna

ఆసిఫాబాద్, కుమురం భీమ్ ఆసిఫాబాద్, తెలంగాణ•

1 day ago

బాల్య వివాహాల నిషేధ చట్టాన్ని పకడ్బందీగా అమలు చేయాలి జిల్లా కలెక్టర్ కె.హరిత కుమురం భీమ్ ఆసిఫాబాద్ జిల్లా కేంద్రంలోని సమీకృత కలెక్టరేట్ భవన సమావేశ మందిరంలో మంగళవారం పోలీస్, రెవెన్యూ, శిశు సంక్షేమ, వైద్య ఆరోగ్య, విద్య, పంచాయతీరాజ్ శాఖల అధికారులు, స్వచ్ఛంద సంస్థల ప్రతినిధులతో జిల్లా కలెక్టర్ కె.హరిత సమీక్ష సమావేశం నిర్వహించారు. మిషన్ వాత్సల్య కార్యక్రమం కింద బాల్య వివాహాల నిషేధ చట్టం, పోక్సో చట్టాన్ని జిల్లాలో పకడ్బందీగా అమలు చేసేందుకు సంబంధిత శాఖలు సమన్వయంతో పనిచేయాలని కె.హరిత సూచించారు. బాల్య వివాహాల నివారణపై ప్రజలకు అవగాహన కల్పించాలని, భవిష్యత్తులో ఎదురయ్యే సమస్యలపై తల్లిదండ్రులకు వివరించాలని, కిశోర బాలికల సాధికారతను పర్యవేక్షించాలని తెలిపారు. పాఠశాలలు, కళాశాలల్లో విద్యార్థులకు అవగాహన కల్పించాలని, లైంగిక నేరాల నుంచి బాలల రక్షణకు ప్రత్యేక చర్యలు తీసుకోవాలని, లైంగిక వేధింపులు, అశ్లీల చిత్రాల కోసం పిల్లలను ఉపయోగించేవారిని గుర్తించి పోక్సో చట్టం

కింద కఠినంగా శిక్షించాలని ఆదేశించారు. గ్రామ, మండల స్థాయిలలో కమిటీలు ఏర్పాటు చేసి సర్పంచ్‌లు, స్వయం సహాయక సంఘాల మహిళలను భాగస్వాములు చేయాలని తెలిపారు.అనంతరం మన అంగన్వాడీ – మన బాధ్యత కార్యక్రమంలో భాగంగా 9వ పోషణ మాసంపై సమీక్షించారు. ఈ నెల 9 నుంచి వచ్చే నెల 8 వరకు అన్ని అంగన్వాడీ కేంద్రాల్లో పోషణ మాసాన్ని పకడ్బందీగా నిర్వహించాలని, పిల్లలు, గర్భిణులు, బాలింతలకు పోషకాహారం అందించాలని, మూడేళ్లలోపు పిల్లలందరూ అంగన్వాడీల్లో నమోదయ్యేలా చర్యలు తీసుకోవాలని ఆదేశించారు. పప్పు, ఆకుకూరలు, చిరుధాన్యాలతో కూడిన అనుబంధ పోషకాహారం అందించాలని సూచిస్తూ పోషణ మాసం గోడ ప్రతులను ఆవిష్కరించారు. ఈ కార్యక్రమంలో జిల్లా సంక్షేమ శాఖ అధికారి స్వరూపారాణి, జిల్లా పంచాయతీ అధికారి బిక్షపతి, జిల్లా విద్యాధికారి సచ్చిదానంద చారి, డీసీపీఓ మహేష్, జిల్లా మాధ్యమిక విద్యాధికారి రాందాస్, సీడీపీఓలు, సఖి-బాలల రక్షణ సిబ్బంది, శాఖల అధికారులు తదితరులు పాల్గొన్నారు.