തലമുറകളെ താരാട്ടുപാട്ട് പാടി ഉറക്കിയ വിഖ്യാത ഗായിക എസ് ജാനകി അന്തരിച്ചു. മൈസൂരുവിലെ അപ്പോളോ ആശുപത്രിയില്‍ വെച്ചായിരുന്നു 88 വയസ്സുകാരിയായ അവരുടെ അന്ത്യം. ശ്വസനസംബന്ധമായ അസുഖങ്ങളെ തുടര്‍ന്ന് ഇന്നാണ് അവരെ ആശുപത്രിയില്‍ പ്രവേശിപ്പിച്ചത്. ആറ് പതിറ്റാണ്ടിലേറെ നീണ്ട സംഗീതയാത്രയില്‍ 20 ഭാഷകളിലായി 48,000ത്തിലധികം പാട്ടുകള്‍ ഇവർ പാടിയിട്ടുണ്ട്. 1957-ൽ തൻ്റെ പത്തൊൻപതാം വയസിൽ 'വിധിയിൻ വിളയാട്ട്‌' എന്ന തമിഴ്‌ സിനിമയിൽ ടി. ചലപ്പതി റാവു ഈണം പകർന്ന ഗാനം ആലപിച്ചുകൊണ്ടാണ്‌ എസ് ജാനകി ചലച്ചിത്രപിന്നണിഗാനരംഗത്ത്‌ അരങ്ങേറ്റം കുറിക്കുന്നത്‌. തുടർന്ന് തെലുങ്ക്‌ ചിത്രമായ 'എം.എൽ.എ.'യിൽ അവസരം ലഭിച്ചതോടെ ജാനകിക്ക് പിന്നീട് തിരിഞ്ഞുനോക്കേണ്ടി വന്നിട്ടില്ല. എല്ലാ ദക്ഷിണേന്ത്യൻ ഭാഷാ ചിത്രങ്ങളിലും പാടിയിട്ടുള്ള ജാനകി ഹിന്ദി, സിംഹള, ബംഗാളി, ഒറിയ, ഇംഗ്ലീഷ്‌, സംസ്‌കൃതം, കൊങ്ങിണി, തുളു, സൗരാഷ്‌ട്ര ബഡുഗ, ജർമ്മൻ ഭാഷകളിലും തൻ്റെ സ്വരസാന്നിധ്യമറിയിച്ചിട്ടുണ്ട്. മലയാളത്തിൽ 1,200-ലധികം സിനിമാ ഗാനങ്ങൾക്ക് ജാനകി ശബ്ദം പകർന്നു. സംഗീതസംവിധായകൻ എം.എസ്. ബാബുരാജാണ് ജാനകിയുടെ തരളിതമായ ശബ്ദം തിരിച്ചറിഞ്ഞ് അവരെ മലയാളത്തിലേക്ക് എത്തിച്ചത്. മലയാളത്തിലെ ഭൂരിഭാഗം സംഗീത സംവിധായകർക്കുവേണ്ടിയും ജാനകി പാടിയിട്ടുണ്ടെങ്കിലും എം.എസ്. ബാബുരാജിന്റെ ഈണങ്ങളിലൂടെയാണ് ജാനകിയുടെ സ്വരമാധുരി മലയാളികൾക്ക് ഏറ്റവുമധികം അനുഭവവേദ്യമായത്. 'തളിരിട്ട കിനാക്കൾതൻ...' (മൂടുപടം), 'അഞ്ജന കണ്ണെഴുതീ...' (തച്ചോളി ഒതേനൻ), 'സൂര്യകാന്തീ...' (കാട്ടുപൂവ്), 'ഒരു കൊച്ചു സ്വപ്നത്തിൻ...' (തറവാട്ടമ്മ), 'താമര കുമ്പിളിലല്ലോ മമഹൃദയം...' (അന്വേഷിച്ചു കണ്ടെത്തിയില്ല) തുടങ്ങിയ ഗാനങ്ങൾ ഇതിന് മികച്ച ഉദാഹരണങ്ങളാണ്. മികച്ച ഗായികയ്ക്കുള്ള ദേശീയ അവാർഡ് നാല് തവണയാണ് ജാനകിയെ തേടിയെത്തിയത്. 1976-ൽ 'പതിനാറു വയതിനിലേ' എന്ന തമിഴ് ചിത്രത്തിലെ 'സിന്ദൂര പൂവേ...' എന്ന ഗാനത്തിനാണ് ആദ്യ ദേശീയ പുരസ്കാരം ലഭിച്ചത്. തുടർന്ന് 1980-ൽ 'ഓപ്പോൾ' എന്ന മലയാള ചിത്രത്തിലെ 'ഏറ്റുമാനൂർ അമ്പലത്തിൽ...', 1984-ൽ 'സിതാര' എന്ന തെലുങ്ക് ചിത്രത്തിലെ 'വെന്നല്ലോ ഗോദാരി ആനന്ദം...', 1992-ൽ 'തേവർമകൻ' എന്ന തമിഴ് ചിത്രത്തിലെ 'ഇഞ്ചി ഇടുപ്പഴകാ...' എന്നീ ഗാനങ്ങൾക്കും ദേശീയ അവാർഡുകൾ നേടി. ഇതിനുപുറമേ മികച്ച പിന്നണിഗായികയ്ക്കുള്ള കേരള സംസ്ഥാന അവാർഡ് 14 തവണയും, തമിഴ്‌നാട് സർക്കാരിൻ്റെ അവാർഡ് ഏഴു തവണയും, ആന്ധ്രപ്രദേശിൻ്റെ അവാർഡ് പത്തു തവണയും ഈ ഗായിക സ്വന്തമാക്കിയിട്ടുണ്ട്. തമിഴ്‌നാട് സർക്കാരിൻ്റെ കലൈമാമണി പുരസ്‌ക്കാരം 1986-ലും, സുർ സിംഗർ അവാർഡ് 1987-ലും, കേരളത്തിൽനിന്നുള്ള സിനിമാ ആർക്കൈവർ അവാർഡ് 2002-ലും, സ്പെഷ്യൽ ജൂറി സ്വരലയ യേശുദാസ് അവാർഡ് 2005-ലും ഇവർക്ക് ലഭിച്ചു. 1938 ഏപ്രിൽ 23-ന് ആന്ധ്രപ്രദേശിലെ ഗുണ്ടൂർ ജില്ലയിലാണ് ജാനകി ജനിച്ചത്. മൂന്നാം വയസിൽ തന്നെ സംഗീതത്തോട് ആഭിമുഖ്യം പ്രകടിപ്പിച്ചുതുടങ്ങിയ ഇവർ പത്താം വയസിൽ പൈതി സ്വാമിയുടെ കീഴിൽ ശാസ്ത്രീയ സംഗീത പഠനം ആരംഭിച്ചു. ജാനകിയുടെ സംഗീതവാസന വളർത്തുന്നതിൽ അമ്മാവൻ ഡോ. ചന്ദ്രശേഖർ നിർണായക പങ്ക് വഹിക്കുകയും അദ്ദേഹത്തിൻ്റെ നിർദ്ദേശപ്രകാരം അവർ പിന്നീട് മദ്രാസിലെത്തുകയും ചെയ്തു. ആകാശവാണി ദേശീയ തലത്തിൽ സംഘടിപ്പിച്ച ഗാന മത്സരത്തിൽ രണ്ടാം സ്ഥാനം നേടിയതോടെയാണ് ജാനകി ശ്രദ്ധേയയായത്. ഒടുവിൽ, ഈ വിഖ്യാത ഗായിക വിടവാങ്ങിയിരിക്കുകയാണ് (1938-2026).

സന്തോഷ് ആലുവ

Local News Reporter ആലുവ, എറണാകുളം, കേരളം•

4 hrs ago

തലമുറകളെ താരാട്ടുപാട്ട് പാടി ഉറക്കിയ വിഖ്യാത ഗായിക എസ് ജാനകി അന്തരിച്ചു. മൈസൂരുവിലെ അപ്പോളോ ആശുപത്രിയില്‍ വെച്ചായിരുന്നു 88 വയസ്സുകാരിയായ അവരുടെ അന്ത്യം. ശ്വസനസംബന്ധമായ അസുഖങ്ങളെ തുടര്‍ന്ന് ഇന്നാണ് അവരെ ആശുപത്രിയില്‍ പ്രവേശിപ്പിച്ചത്. ആറ് പതിറ്റാണ്ടിലേറെ നീണ്ട സംഗീതയാത്രയില്‍ 20 ഭാഷകളിലായി 48,000ത്തിലധികം പാട്ടുകള്‍ ഇവർ പാടിയിട്ടുണ്ട്. 1957-ൽ തൻ്റെ പത്തൊൻപതാം വയസിൽ 'വിധിയിൻ വിളയാട്ട്‌' എന്ന തമിഴ്‌ സിനിമയിൽ ടി. ചലപ്പതി റാവു ഈണം പകർന്ന ഗാനം ആലപിച്ചുകൊണ്ടാണ്‌ എസ് ജാനകി ചലച്ചിത്രപിന്നണിഗാനരംഗത്ത്‌ അരങ്ങേറ്റം കുറിക്കുന്നത്‌. തുടർന്ന് തെലുങ്ക്‌ ചിത്രമായ 'എം.എൽ.എ.'യിൽ അവസരം ലഭിച്ചതോടെ ജാനകിക്ക് പിന്നീട് തിരിഞ്ഞുനോക്കേണ്ടി വന്നിട്ടില്ല. എല്ലാ ദക്ഷിണേന്ത്യൻ ഭാഷാ ചിത്രങ്ങളിലും പാടിയിട്ടുള്ള ജാനകി ഹിന്ദി, സിംഹള, ബംഗാളി, ഒറിയ, ഇംഗ്ലീഷ്‌, സംസ്‌കൃതം, കൊങ്ങിണി, തുളു, സൗരാഷ്‌ട്ര ബഡുഗ, ജർമ്മൻ ഭാഷകളിലും തൻ്റെ സ്വരസാന്നിധ്യമറിയിച്ചിട്ടുണ്ട്. മലയാളത്തിൽ 1,200-ലധികം സിനിമാ ഗാനങ്ങൾക്ക് ജാനകി ശബ്ദം പകർന്നു. സംഗീതസംവിധായകൻ എം.എസ്. ബാബുരാജാണ് ജാനകിയുടെ തരളിതമായ ശബ്ദം തിരിച്ചറിഞ്ഞ് അവരെ മലയാളത്തിലേക്ക് എത്തിച്ചത്. മലയാളത്തിലെ ഭൂരിഭാഗം സംഗീത സംവിധായകർക്കുവേണ്ടിയും ജാനകി പാടിയിട്ടുണ്ടെങ്കിലും എം.എസ്. ബാബുരാജിന്റെ ഈണങ്ങളിലൂടെയാണ് ജാനകിയുടെ സ്വരമാധുരി മലയാളികൾക്ക് ഏറ്റവുമധികം അനുഭവവേദ്യമായത്. 'തളിരിട്ട കിനാക്കൾതൻ...' (മൂടുപടം), 'അഞ്ജന കണ്ണെഴുതീ...' (തച്ചോളി ഒതേനൻ), 'സൂര്യകാന്തീ...' (കാട്ടുപൂവ്), 'ഒരു കൊച്ചു സ്വപ്നത്തിൻ...' (തറവാട്ടമ്മ), 'താമര കുമ്പിളിലല്ലോ മമഹൃദയം...' (അന്വേഷിച്ചു കണ്ടെത്തിയില്ല) തുടങ്ങിയ ഗാനങ്ങൾ ഇതിന് മികച്ച ഉദാഹരണങ്ങളാണ്. മികച്ച ഗായികയ്ക്കുള്ള ദേശീയ അവാർഡ് നാല് തവണയാണ് ജാനകിയെ തേടിയെത്തിയത്. 1976-ൽ 'പതിനാറു വയതിനിലേ' എന്ന തമിഴ് ചിത്രത്തിലെ 'സിന്ദൂര പൂവേ...' എന്ന ഗാനത്തിനാണ് ആദ്യ ദേശീയ പുരസ്കാരം ലഭിച്ചത്. തുടർന്ന് 1980-ൽ 'ഓപ്പോൾ' എന്ന മലയാള ചിത്രത്തിലെ 'ഏറ്റുമാനൂർ അമ്പലത്തിൽ...', 1984-ൽ 'സിതാര' എന്ന തെലുങ്ക് ചിത്രത്തിലെ 'വെന്നല്ലോ ഗോദാരി ആനന്ദം...', 1992-ൽ 'തേവർമകൻ' എന്ന തമിഴ് ചിത്രത്തിലെ 'ഇഞ്ചി ഇടുപ്പഴകാ...' എന്നീ ഗാനങ്ങൾക്കും ദേശീയ അവാർഡുകൾ നേടി. ഇതിനുപുറമേ മികച്ച പിന്നണിഗായികയ്ക്കുള്ള കേരള സംസ്ഥാന അവാർഡ് 14 തവണയും, തമിഴ്‌നാട് സർക്കാരിൻ്റെ അവാർഡ് ഏഴു തവണയും, ആന്ധ്രപ്രദേശിൻ്റെ അവാർഡ് പത്തു തവണയും ഈ ഗായിക സ്വന്തമാക്കിയിട്ടുണ്ട്. തമിഴ്‌നാട് സർക്കാരിൻ്റെ കലൈമാമണി പുരസ്‌ക്കാരം 1986-ലും, സുർ സിംഗർ അവാർഡ് 1987-ലും, കേരളത്തിൽനിന്നുള്ള സിനിമാ ആർക്കൈവർ അവാർഡ് 2002-ലും, സ്പെഷ്യൽ ജൂറി സ്വരലയ യേശുദാസ് അവാർഡ് 2005-ലും ഇവർക്ക് ലഭിച്ചു. 1938 ഏപ്രിൽ 23-ന് ആന്ധ്രപ്രദേശിലെ ഗുണ്ടൂർ ജില്ലയിലാണ് ജാനകി ജനിച്ചത്. മൂന്നാം വയസിൽ തന്നെ സംഗീതത്തോട് ആഭിമുഖ്യം പ്രകടിപ്പിച്ചുതുടങ്ങിയ ഇവർ പത്താം വയസിൽ പൈതി സ്വാമിയുടെ കീഴിൽ ശാസ്ത്രീയ സംഗീത പഠനം ആരംഭിച്ചു. ജാനകിയുടെ സംഗീതവാസന വളർത്തുന്നതിൽ അമ്മാവൻ ഡോ. ചന്ദ്രശേഖർ നിർണായക പങ്ക് വഹിക്കുകയും അദ്ദേഹത്തിൻ്റെ നിർദ്ദേശപ്രകാരം അവർ പിന്നീട് മദ്രാസിലെത്തുകയും ചെയ്തു. ആകാശവാണി ദേശീയ തലത്തിൽ സംഘടിപ്പിച്ച ഗാന മത്സരത്തിൽ രണ്ടാം സ്ഥാനം നേടിയതോടെയാണ് ജാനകി ശ്രദ്ധേയയായത്. ഒടുവിൽ, ഈ വിഖ്യാത ഗായിക വിടവാങ്ങിയിരിക്കുകയാണ് (1938-2026).