आयुष रामटेके ठरला ’ब्लिट्झक्रेग (व्हीएनआयटीत रॅपिड बुद्धिबळ स्पर्धा 2026) आयुष रामटेके ठरला ’ब्लिट्झक्रेग (व्हीएनआयटीत रॅपिड बुद्धिबळ स्पर्धा 2026) नागपूर :- १५ एप्रिल ’ब्लिट्झक्रेग: द चेस क्लब ऑफ विश्वेश्वरय्या राष्ट्रीय तंत्रज्ञान संस्थान, नागपूर’ तर्फे आयोजित करण्यात आलेली दुसरी ’ब्लिट्झक्रेग वीकेंड रॅपिड बुद्धिबळ स्पर्धा २०२६’ १२ एप्रिल रोजी मोठ्या उत्साहात आणि चुरशीच्या लढतींनी पार पडली. या भव्य स्पर्धेत तब्बल २५९ खेळाडूंनी उत्स्फूर्त नोंदवून स्पर्धेला मोठा प्रतिसाद दिला. या स्पर्धेत उत्कृष्ट खेळाचे प्रदर्शन करत आयुष रामटेके याने ८ पैकी ७.५ गुणांची शानदार कमाई करत विजेतेपदावर आपले नाव कोरले. दुसर्‍या स्थानासाठी चार खेळाडूंमध्ये ७ गुणांसह चुरस पाहायला मिळाली. मात्र, टाय-ब्रेकच्या आधारे सुहान देशपांडे याने उपविजेतेपद पटकावले, तर जय सवालाखे तिसर्‍या स्थानावर राहिला. सिद्धार्थ आणि संस्थेचा निलय कुलकर्णी यांनी अनुक्रमे चौथे आणि पाचवे स्थान मिळवून टॉप-५ मध्ये धडक मारली. स्पर्धेची आठवी आणि शेवटची फेरी अत्यंत निर्णायक आणि रोमांचक ठरली. या फेरीत आयुष रामटेकेने काळ्या मोहर्‍यांनी खेळताना अव्वल मानांकित शौनक बडोलेचा पराभव करत आपले विजेतेपद निश्चित केले. दुसर्‍या बोर्डवर, सुहान देशपांडेने अवस्थी विश्वादित्यवर मात आपले दुसरे स्थान पक्के केले. तर, जय सवालाखेने फिडे मास्टर प्रियांशू पाटीलला पराभवाचा धक्का देत सर्वांचे लक्ष वेधून घेतले. इतर महत्त्वाच्या लढतींमध्ये, सिद्धार्थ बंगने मयंक संतोष हेडाऊचा आणि निलय कुलकर्णीने हर्ष लाहोटीचा पराभव केला. स्पर्धेचा बक्षीस वितरण समारंभ मान्यवरांच्या उपस्थितीत थाटात पार पडला. या समारंभासाठी प्रमुख अतिथी म्हणून विश्वेश्वरय्या प्रौद्योगिकी संस्थान, नागपूरचे सह-अधिष्ठाता (वसतिगृह व्यवहार) व शिस्तपालन समितीचे अध्यक्ष डॉ. विजयकुमार आर.पी. आणि संगणक विज्ञान व अभियांत्रिकी विभागाचे सहयोगी प्राध्यापक डॉ. अनिल एस. मोखडे उपस्थित होते. तसेच, आंतरराष्ट्रीय पंच शिवा अय्यर यांनी स्पर्धेचे मुख्य पंच म्हणून चोख जबाबदारी पार पाडली. या स्पर्धेचे आणखी एक मोठे वैशिष्ट्य म्हणजे, तंत्रज्ञानाचा वापर करत मुख्य सामन्यांचे त्यांच्या अधिकृत यूट्यूब चॅनेल वर थेट प्रक्षेपण करण्यात आले. तसेच, प्रतीक्षा कक्षात बसलेल्या पालकांसाठीही सामन्यांचे लाईव्ह फीड दाखवण्याची विशेष सोय करण्यात आली होती. यामुळे मुख्य सभागृहातील शांतता न भंग करता, पालकांना आपल्या पाल्यांचा खेळ आणि प्रत्येक चाल थेट पाहण्याचा आनंद घेता आला. ’ब्लिट्झक्रेग: द चेस ऑफ विश्वेश्वरय्या राष्ट्रीय तंत्रज्ञान संस्थान, नागपूर’च्या संयोजकांनी केलेल्या या उत्कृष्ट नियोजनाचे आणि यशस्वी आयोजनाचे सर्वत्र कौतुक होत आहे.

SATISH M. BHALERAO

नागपूर (ग्रामीण), नागपूर, महाराष्ट्र•

9 hrs ago

आयुष रामटेके ठरला ’ब्लिट्झक्रेग (व्हीएनआयटीत रॅपिड बुद्धिबळ स्पर्धा 2026) आयुष रामटेके ठरला ’ब्लिट्झक्रेग (व्हीएनआयटीत रॅपिड बुद्धिबळ स्पर्धा 2026) नागपूर :- १५ एप्रिल ’ब्लिट्झक्रेग: द चेस क्लब ऑफ विश्वेश्वरय्या राष्ट्रीय तंत्रज्ञान संस्थान, नागपूर’ तर्फे आयोजित करण्यात आलेली दुसरी ’ब्लिट्झक्रेग वीकेंड रॅपिड बुद्धिबळ स्पर्धा २०२६’ १२ एप्रिल रोजी मोठ्या उत्साहात आणि चुरशीच्या लढतींनी पार पडली. या भव्य स्पर्धेत तब्बल २५९ खेळाडूंनी उत्स्फूर्त नोंदवून स्पर्धेला मोठा प्रतिसाद दिला. या स्पर्धेत उत्कृष्ट खेळाचे प्रदर्शन करत आयुष रामटेके याने ८ पैकी ७.५ गुणांची शानदार कमाई करत विजेतेपदावर आपले नाव कोरले. दुसर्‍या स्थानासाठी चार खेळाडूंमध्ये ७ गुणांसह चुरस पाहायला मिळाली. मात्र, टाय-ब्रेकच्या आधारे सुहान देशपांडे याने उपविजेतेपद पटकावले, तर जय सवालाखे तिसर्‍या स्थानावर राहिला. सिद्धार्थ आणि संस्थेचा निलय कुलकर्णी यांनी अनुक्रमे चौथे आणि पाचवे स्थान मिळवून टॉप-५ मध्ये धडक मारली. स्पर्धेची आठवी आणि शेवटची फेरी अत्यंत निर्णायक आणि रोमांचक ठरली. या फेरीत आयुष रामटेकेने काळ्या मोहर्‍यांनी खेळताना अव्वल मानांकित शौनक बडोलेचा पराभव करत आपले विजेतेपद निश्चित केले. दुसर्‍या बोर्डवर, सुहान देशपांडेने अवस्थी विश्वादित्यवर मात आपले दुसरे स्थान पक्के केले. तर, जय सवालाखेने फिडे मास्टर प्रियांशू पाटीलला पराभवाचा धक्का देत सर्वांचे लक्ष वेधून घेतले. इतर महत्त्वाच्या लढतींमध्ये, सिद्धार्थ बंगने मयंक संतोष हेडाऊचा आणि निलय कुलकर्णीने हर्ष लाहोटीचा पराभव केला. स्पर्धेचा बक्षीस वितरण समारंभ मान्यवरांच्या उपस्थितीत थाटात पार पडला. या समारंभासाठी प्रमुख अतिथी म्हणून विश्वेश्वरय्या प्रौद्योगिकी संस्थान, नागपूरचे सह-अधिष्ठाता (वसतिगृह व्यवहार) व शिस्तपालन समितीचे अध्यक्ष डॉ. विजयकुमार आर.पी. आणि संगणक विज्ञान व अभियांत्रिकी विभागाचे सहयोगी प्राध्यापक डॉ. अनिल एस. मोखडे उपस्थित होते. तसेच, आंतरराष्ट्रीय पंच शिवा अय्यर यांनी स्पर्धेचे मुख्य पंच म्हणून चोख जबाबदारी पार पाडली. या स्पर्धेचे आणखी एक मोठे वैशिष्ट्य म्हणजे, तंत्रज्ञानाचा वापर करत मुख्य सामन्यांचे त्यांच्या अधिकृत यूट्यूब चॅनेल वर थेट प्रक्षेपण करण्यात आले. तसेच, प्रतीक्षा कक्षात बसलेल्या पालकांसाठीही सामन्यांचे लाईव्ह फीड दाखवण्याची विशेष सोय करण्यात आली होती. यामुळे मुख्य सभागृहातील शांतता न भंग करता, पालकांना आपल्या पाल्यांचा खेळ आणि प्रत्येक चाल थेट पाहण्याचा आनंद घेता आला. ’ब्लिट्झक्रेग: द चेस ऑफ विश्वेश्वरय्या राष्ट्रीय तंत्रज्ञान संस्थान, नागपूर’च्या संयोजकांनी केलेल्या या उत्कृष्ट नियोजनाचे आणि यशस्वी आयोजनाचे सर्वत्र कौतुक होत आहे.