कोपरगावातील कोकमठाण येथील विश्वात्मक जंगली महाराज आश्रमाच्या आत्मा मालिक शैक्षणीक संकुलात जागतिक योग दिनानिमित्त तब्बल ९ हजार विद्यार्थ्यांनी एकत्र येऊन योग प्रात्यक्षिके सादर केली. देश-विदेशातील भक्तांमध्ये ध्यानधारणेचा प्रचार करणाऱ्या या आश्रमातील संत मंडळींनी यावेळी उपस्थित राहून ध्यान आणि योगाचे महत्त्व स्पष्ट केले. या खास प्रसंगी सकाळीच आत्मा मालिक शैक्षणिक संकुलाचे प्रशस्त मैदान योग साधनेसाठी आलेल्या विद्यार्थ्यांनी गजबजून गेले होते. विद्यार्थ्यांनी शिस्तबद्धपणे रांगा लावून विविध योग प्रात्यक्षिके सादर केली. योग प्रशिक्षक अजित पवार, रवींद्र नेद्रे आणि अनिकेत सुसरे यांनी विद्यार्थ्यांना प्राणायाम, ध्यान आणि विविध योगासने करवून घेतली. यावेळी 'करा योग, रहा निरोगी' असा संदेश देण्यात आला. संस्थेचे अध्यक्ष नंदकुमार सूर्यवंशी यांनी याप्रसंगी सांगितले की, योग ही केवळ व्यायाम पद्धती नसून शरीर, मन आणि आत्म्याचा समतोल साधणारी जीवनशैली आहे. आजच्या धावपळीच्या युगात प्रत्येकाने निरोगी व सकारात्मक जीवन जगण्यासाठी नियमित योगाभ्यास करणे ही काळाची गरज आहे. आत्मा मालिक माऊलींच्या प्रेरणेने हा भव्य जागतिक योगदिन उत्साहात संपन्न झाला, तसेच संकुलात विद्यार्थ्यांमध्ये योगाविषयी जागरूकता निर्माण करण्यासाठी सातत्याने विविध उपक्रमांचे आयोजन केले जात असल्याचे त्यांनी नमूद केले. आत्मा मालिक ध्यान योग मिशनचे अध्यक्ष संत परमानंद महाराज यांनी योग ही भारतीय संस्कृतीने जगाला दिलेली एक अनमोल देणगी असल्याचे म्हटले. त्यांच्या मते, योगामुळे केवळ शरीर निरोगी राहत नाही, तर मन शांत, स्थिर आणि सकारात्मक बनते. नियमित योगाभ्यासामुळे जीवनात शिस्त, संयम आणि आत्मविश्वास वाढतो, त्यामुळे प्रत्येकाने योगाला दैनंदिन जीवनाचा अविभाज्य भाग बनवायला हवे असे आवाहन त्यांनी केले. या योग सोहळ्याला संस्थेचे अध्यक्ष नंदकुमार सूर्यवंशी, ध्यान योग मिशनचे अध्यक्ष संत परमानंद महाराज, ब्रह्मांडानंद महाराज, प्रेमानंद महाराज, सेवादास महाराज, संस्थेचे उपाध्यक्ष बाळासाहेब गोर्डे, सरचिटणीस हनुमंतराव भोंगळे, कोषाध्यक्ष विठ्ठलराव होन, विश्वस्त प्रकाश गिरमे, प्रदीपकुमार भंडारी, शालेय व्यवस्थापक सुधाकर मलिक, वसतिगृह व्यवस्थापक साईनाथ वर्पे, वसतिगृह व्यवस्थापिका मीरा पटेल, प्राचार्य निरंजन डांगे, संदीप गायकवाड, नामदेव डांगे, माणिक जाधव, नितीन सोनवणे, मीनाक्षी काकडे तसेच सी.ई.ओ. अशोक शिंदे यांच्यासह अनेक मान्यवर उपस्थित होते.

Press Rajendra Taskar

कोपरगाव, अहमदनगर, महाराष्ट्र•

1 hr ago

कोपरगावातील कोकमठाण येथील विश्वात्मक जंगली महाराज आश्रमाच्या आत्मा मालिक शैक्षणीक संकुलात जागतिक योग दिनानिमित्त तब्बल ९ हजार विद्यार्थ्यांनी एकत्र येऊन योग प्रात्यक्षिके सादर केली. देश-विदेशातील भक्तांमध्ये ध्यानधारणेचा प्रचार करणाऱ्या या आश्रमातील संत मंडळींनी यावेळी उपस्थित राहून ध्यान आणि योगाचे महत्त्व स्पष्ट केले. या खास प्रसंगी सकाळीच आत्मा मालिक शैक्षणिक संकुलाचे प्रशस्त मैदान योग साधनेसाठी आलेल्या विद्यार्थ्यांनी गजबजून गेले होते. विद्यार्थ्यांनी शिस्तबद्धपणे रांगा लावून विविध योग प्रात्यक्षिके सादर केली. योग प्रशिक्षक अजित पवार, रवींद्र नेद्रे आणि अनिकेत सुसरे यांनी विद्यार्थ्यांना प्राणायाम, ध्यान आणि विविध योगासने करवून घेतली. यावेळी 'करा योग, रहा निरोगी' असा संदेश देण्यात आला. संस्थेचे अध्यक्ष नंदकुमार सूर्यवंशी यांनी याप्रसंगी सांगितले की, योग ही केवळ व्यायाम पद्धती नसून शरीर, मन आणि आत्म्याचा समतोल साधणारी जीवनशैली आहे. आजच्या धावपळीच्या युगात प्रत्येकाने निरोगी व सकारात्मक जीवन जगण्यासाठी नियमित योगाभ्यास करणे ही काळाची गरज आहे. आत्मा मालिक माऊलींच्या प्रेरणेने हा भव्य जागतिक योगदिन उत्साहात संपन्न झाला,

तसेच संकुलात विद्यार्थ्यांमध्ये योगाविषयी जागरूकता निर्माण करण्यासाठी सातत्याने विविध उपक्रमांचे आयोजन केले जात असल्याचे त्यांनी नमूद केले. आत्मा मालिक ध्यान योग मिशनचे अध्यक्ष संत परमानंद महाराज यांनी योग ही भारतीय संस्कृतीने जगाला दिलेली एक अनमोल देणगी असल्याचे म्हटले. त्यांच्या मते, योगामुळे केवळ शरीर निरोगी राहत नाही, तर मन शांत, स्थिर आणि सकारात्मक बनते. नियमित योगाभ्यासामुळे जीवनात शिस्त, संयम आणि आत्मविश्वास वाढतो, त्यामुळे प्रत्येकाने योगाला दैनंदिन जीवनाचा अविभाज्य भाग बनवायला हवे असे आवाहन त्यांनी केले. या योग सोहळ्याला संस्थेचे अध्यक्ष नंदकुमार सूर्यवंशी, ध्यान योग मिशनचे अध्यक्ष संत परमानंद महाराज, ब्रह्मांडानंद महाराज, प्रेमानंद महाराज, सेवादास महाराज, संस्थेचे उपाध्यक्ष बाळासाहेब गोर्डे, सरचिटणीस हनुमंतराव भोंगळे, कोषाध्यक्ष विठ्ठलराव होन, विश्वस्त प्रकाश गिरमे, प्रदीपकुमार भंडारी, शालेय व्यवस्थापक सुधाकर मलिक, वसतिगृह व्यवस्थापक साईनाथ वर्पे, वसतिगृह व्यवस्थापिका मीरा पटेल, प्राचार्य निरंजन डांगे, संदीप गायकवाड, नामदेव डांगे, माणिक जाधव, नितीन सोनवणे, मीनाक्षी काकडे तसेच सी.ई.ओ. अशोक शिंदे यांच्यासह अनेक मान्यवर उपस्थित होते.