न्याय व हक्कासाठी पारधी बांधवांची पदयात्रा; आजंती ते यवतमाळ जिल्हाधिकारी कार्यालयावर धडक नेर तालुक्यातील आजंती खाकी येथील पारधी बांधवांनी मालकी हक्क, मूलभूत सुविधा व विशेष महसूल गावाचा दर्जा मिळावा या प्रमुख मागण्यांसाठी आजंती ते यवतमाळ अशी पदयात्रा सुरू केली असून जिल्हाधिकारी कार्यालयासमोर आमरण उपोषणाचा इशारा दिला आहे. दीपस्तंभ आदिवासी बहुउद्देशीय संस्थेच्या वतीने अध्यक्ष बबन मंग्या पवार, उपाध्यक्ष राज राठोड व सचिव मिनेश घोसले यांच्या नेतृत्वाखाली ही पदयात्रा काढण्यात आली. आजंती खाकी येथील गट क्रमांक १९ मधील शासकीय जमिनीवर मागील ३० ते ३५ वर्षांपासून सुमारे ५० ते ५६ कुटुंबे वास्तव्यास असून त्यांना अद्याप मालकी हक्क मिळालेला नाही. तसेच पिण्याचे पाणी, वीजपुरवठा, घरकुल योजना व इतर मूलभूत सुविधांसाठी सातत्याने संघर्ष करावा लागत असल्याचे पदयात्रेदरम्यान सांगण्यात आले. निवेदनानुसार, संबंधित जमीन ई-क्लास गायरान व सराईसाठी राखीव असली तरी अनेक वर्षांपासून येथे कुटुंबे वास्तव्यास आहेत. त्यामुळे या कुटुंबांचे अतिक्रमण नियमानुकूल करून मालकी हक्काचे पट्टे देण्यात यावेत, आवश्यक नागरी सुविधा उपलब्ध करून द्याव्यात तसेच आजंती खाकीला विशेष महसूल गावाचा दर्जा द्यावा, अशी प्रमुख मागणी करण्यात आली आहे. मागण्या मान्य होईपर्यंत जिल्हाधिकारी कार्यालयासमोर आमरण उपोषण करण्याचा निर्धार पदयात्रेतील सहभागी बांधवांनी व्यक्त केला. यावेळी अनाडी घोसले, इनून पवार, नितेश घोसले, सनी पवार, युवराजसिंग घोसले आदी उपस्थित होते. न्याय, हक्क आणि मूलभूत सुविधांसाठी सुरू झालेल्या या पदयात्रेकडे जिल्हा प्रशासनाचे लक्ष वेधले गेले असून पारधी समाजाच्या मागण्यांबाबत प्रशासन कोणती भूमिका घेते, याकडे सर्वांचे लक्ष लागले आहे.

Nilesh Wanjari

नेर, यवतमाळ, महाराष्ट्र•

2 days ago

न्याय व हक्कासाठी पारधी बांधवांची पदयात्रा; आजंती ते यवतमाळ जिल्हाधिकारी कार्यालयावर धडक नेर तालुक्यातील आजंती खाकी येथील पारधी बांधवांनी मालकी हक्क, मूलभूत सुविधा व विशेष महसूल गावाचा दर्जा मिळावा या प्रमुख मागण्यांसाठी आजंती ते यवतमाळ अशी पदयात्रा सुरू केली असून जिल्हाधिकारी कार्यालयासमोर आमरण उपोषणाचा इशारा दिला आहे. दीपस्तंभ आदिवासी बहुउद्देशीय संस्थेच्या वतीने अध्यक्ष बबन मंग्या पवार, उपाध्यक्ष राज राठोड व सचिव मिनेश घोसले यांच्या नेतृत्वाखाली ही पदयात्रा काढण्यात आली. आजंती खाकी येथील गट क्रमांक १९ मधील शासकीय जमिनीवर मागील ३० ते ३५ वर्षांपासून सुमारे ५० ते ५६ कुटुंबे वास्तव्यास असून त्यांना अद्याप मालकी हक्क मिळालेला नाही. तसेच पिण्याचे पाणी, वीजपुरवठा, घरकुल योजना व इतर मूलभूत सुविधांसाठी सातत्याने संघर्ष करावा लागत असल्याचे पदयात्रेदरम्यान सांगण्यात आले. निवेदनानुसार, संबंधित जमीन ई-क्लास गायरान व सराईसाठी राखीव असली तरी अनेक वर्षांपासून येथे कुटुंबे वास्तव्यास आहेत. त्यामुळे या कुटुंबांचे अतिक्रमण नियमानुकूल करून मालकी हक्काचे पट्टे देण्यात यावेत, आवश्यक नागरी सुविधा उपलब्ध करून द्याव्यात तसेच आजंती खाकीला विशेष महसूल गावाचा दर्जा द्यावा, अशी प्रमुख मागणी करण्यात आली आहे. मागण्या मान्य होईपर्यंत जिल्हाधिकारी कार्यालयासमोर आमरण उपोषण करण्याचा निर्धार पदयात्रेतील सहभागी बांधवांनी व्यक्त केला. यावेळी अनाडी घोसले, इनून पवार, नितेश घोसले, सनी पवार, युवराजसिंग घोसले आदी उपस्थित होते. न्याय, हक्क आणि मूलभूत सुविधांसाठी सुरू झालेल्या या पदयात्रेकडे जिल्हा प्रशासनाचे लक्ष वेधले गेले असून पारधी समाजाच्या मागण्यांबाबत प्रशासन कोणती भूमिका घेते, याकडे सर्वांचे लक्ष लागले आहे.