नांदेड-लातूर राष्ट्रीय महामार्ग क्रमांक १६१ वरील विष्णुपुरी उड्डाणपुलावरील काँक्रीटचा भाग कोसळून दोन विद्यार्थिनी जखमी झाल्याची गंभीर दुर्घटना घडली आहे. या निकृष्ट दर्जाच्या बांधकामामुळे घडलेल्या दुर्घटनेची उच्चस्तरीय तांत्रिक चौकशी करण्याची ठाम मागणी मुजीब भाई मित्र मंडळ, नांदेड यांच्या वतीने करण्यात आली आहे. या प्रकरणी संबंधित के.टी.आय.एल. (KTIL) कंपनी, दोषी अधिकारी व अभियंत्यांवर कठोर कारवाई करून त्यांना तात्काळ निलंबित करावे आणि कंपनीला शासनाच्या काळ्या यादीत (Black List) समाविष्ट करावे, या मागणीचे निवेदन नांदेडच्या जिल्हाधिकाऱ्यांना सादर करण्यात आले आहे. या दुर्घटनेमुळे संपूर्ण बांधकामाच्या गुणवत्तेवर आणि सार्वजनिक निधीतून झालेल्या या प्रकल्पावर मोठे प्रश्नचिन्ह निर्माण झाले असून यात निष्काळजीपणा झाल्याचा संशय व्यक्त केला जात आहे. मुजीब भाई मित्र मंडळाने सादर केलेल्या निवेदनात संपूर्ण कामाची गुणवत्ता, डिझाईन आणि अंमलबजावणीची चौकशी करण्याची मागणी केली आहे. चौकशी पूर्ण होईपर्यंत संबंधित अधिकारी व अभियंत्यांना निलंबित करावे, दोष सिद्ध झाल्यास संबंधित कंपनीला कायमस्वरूपी ब्लॅक लिस्ट करावे आणि संबंधितांवर भारतीय न्याय संहिता (BNS) अंतर्गत फौजदारी गुन्हे दाखल करावेत, असे यात म्हटले आहे. तसेच संपूर्ण उड्डाणपुलाचे स्ट्रक्चरल सेफ्टी ऑडिट करावे आणि जखमी विद्यार्थिनींना तात्काळ आर्थिक मदत व नुकसानभरपाई द्यावी, अशी मागणीही करण्यात आली आहे. भविष्यातील दुर्घटना टाळण्यासाठी राष्ट्रीय महामार्गावरील सर्व महत्त्वाच्या पुलांचे विशेष गुणवत्ता परीक्षण करण्याची गरजही त्यांनी व्यक्त केली आहे. या मागण्यांकडे तात्काळ लक्ष न दिल्यास जिल्हाधिकारी कार्यालयासमोर लोकशाही मार्गाने तीव्र धरणे आंदोलन छेडण्याचा इशारा निवेदनाद्वारे देण्यात आला आहे. या निवेदनाची प्रत विभागीय आयुक्त (छत्रपती संभाजीनगर विभाग), मुख्य अभियंता (NHAI), सार्वजनिक बांधकाम विभाग (नांदेड) आणि पोलीस अधीक्षक (नांदेड) यांनाही तातडीने कारवाई करण्यासाठी पाठवण्यात आली आहे. या निवेदनावर संस्थापक अध्यक्ष सय्यद मुजीब सय्यद जाहेद यांच्या नेतृत्वाखाली गंगाधर वडणे, शंकरसिंह ठाकूर, प्रमु सावंत, प्रा. अविनाश नाईक, बाळाजी जाधव, श्यामराव वाघमारे, मारोती शिकारे, रविंद्र सोनकांबळे, नईम खान, महेमद बाबा बागवाले, अशोक कांबळे, चंद्रकांत कांबळे, कृष्णा राजमारे, धर्मदीप सरोदे, के. एस. चौधरी, शेख समीर आणि शेख रिजवान यांच्या स्वाक्षऱ्या आहेत.

Informative news

Nanded, Maharashtra•

3 hrs ago

नांदेड-लातूर राष्ट्रीय महामार्ग क्रमांक १६१ वरील विष्णुपुरी उड्डाणपुलावरील काँक्रीटचा भाग कोसळून दोन विद्यार्थिनी जखमी झाल्याची गंभीर दुर्घटना घडली आहे. या निकृष्ट दर्जाच्या बांधकामामुळे घडलेल्या दुर्घटनेची उच्चस्तरीय तांत्रिक चौकशी करण्याची ठाम मागणी मुजीब भाई मित्र मंडळ, नांदेड यांच्या वतीने करण्यात आली आहे. या प्रकरणी संबंधित के.टी.आय.एल. (KTIL) कंपनी, दोषी अधिकारी व अभियंत्यांवर कठोर कारवाई करून त्यांना तात्काळ निलंबित करावे आणि कंपनीला शासनाच्या काळ्या यादीत (Black List) समाविष्ट करावे, या मागणीचे निवेदन नांदेडच्या जिल्हाधिकाऱ्यांना सादर करण्यात आले आहे. या दुर्घटनेमुळे संपूर्ण बांधकामाच्या गुणवत्तेवर आणि सार्वजनिक निधीतून झालेल्या या प्रकल्पावर मोठे प्रश्नचिन्ह निर्माण झाले असून यात निष्काळजीपणा झाल्याचा संशय व्यक्त केला जात आहे. मुजीब भाई मित्र मंडळाने सादर केलेल्या निवेदनात संपूर्ण कामाची गुणवत्ता, डिझाईन आणि अंमलबजावणीची चौकशी करण्याची मागणी केली आहे. चौकशी पूर्ण होईपर्यंत संबंधित अधिकारी व अभियंत्यांना निलंबित करावे, दोष सिद्ध झाल्यास संबंधित कंपनीला कायमस्वरूपी ब्लॅक लिस्ट करावे आणि संबंधितांवर भारतीय न्याय संहिता (BNS) अंतर्गत फौजदारी गुन्हे दाखल करावेत, असे यात म्हटले आहे. तसेच संपूर्ण उड्डाणपुलाचे स्ट्रक्चरल सेफ्टी ऑडिट करावे आणि जखमी विद्यार्थिनींना तात्काळ आर्थिक मदत व नुकसानभरपाई द्यावी, अशी मागणीही करण्यात आली आहे. भविष्यातील दुर्घटना टाळण्यासाठी राष्ट्रीय महामार्गावरील सर्व महत्त्वाच्या पुलांचे विशेष गुणवत्ता परीक्षण करण्याची गरजही त्यांनी व्यक्त केली आहे. या मागण्यांकडे तात्काळ लक्ष न दिल्यास जिल्हाधिकारी कार्यालयासमोर लोकशाही मार्गाने तीव्र धरणे आंदोलन छेडण्याचा इशारा निवेदनाद्वारे देण्यात आला आहे. या निवेदनाची प्रत विभागीय आयुक्त (छत्रपती संभाजीनगर विभाग), मुख्य अभियंता (NHAI), सार्वजनिक बांधकाम विभाग (नांदेड) आणि पोलीस अधीक्षक (नांदेड) यांनाही तातडीने कारवाई करण्यासाठी पाठवण्यात आली आहे. या निवेदनावर संस्थापक अध्यक्ष सय्यद मुजीब सय्यद जाहेद यांच्या नेतृत्वाखाली गंगाधर वडणे, शंकरसिंह ठाकूर, प्रमु सावंत, प्रा. अविनाश नाईक, बाळाजी जाधव, श्यामराव वाघमारे, मारोती शिकारे, रविंद्र सोनकांबळे, नईम खान, महेमद बाबा बागवाले, अशोक कांबळे, चंद्रकांत कांबळे, कृष्णा राजमारे, धर्मदीप सरोदे, के. एस. चौधरी, शेख समीर आणि शेख रिजवान यांच्या स्वाक्षऱ्या आहेत.