ছয়গাঁও মহাবিদ্যালয়ৰ অধ্যক্ষ ডঃ নৱ কুমাৰ কলিতাৰ বিৰুদ্ধে গুৰুতৰ দুৰ্নীতিৰ অভিযোগ উত্থাপন কৰিছে মহাবিদ্যালয়খনৰ পৰিচালনা সমিতিৰ সভাপতি ডঃ নগেন কলিতাই। এক সংবাদমেলত সভাপতিগৰাকীয়ে অভিযোগ কৰে যে অধ্যক্ষ ডঃ নৱ কুমাৰ কলিতাই পৰিচালনা সমিতিৰ কোনো অনুমোদন অবিহনেই ৭৭ লাখ টকা নীতি বহিৰ্ভূতভাৱে খৰচ কৰিছে। ইয়াৰ উপৰিও, মহাবিদ্যালয়ৰ চৌহদত নিৰ্মাণ কৰা নতুন ভৱনটোত অতি নিম্ন মানৰ বালি, ইটা আৰু শিল ব্যৱহাৰ কৰাৰ অভিযোগ উত্থাপন কৰিছে তেওঁ। সভাপতি ডঃ নগেন কলিতাৰ মতে, পৰীক্ষা পৰিচালনাৰ নামত অহা ধনৰ ক্ষেত্ৰতো অধ্যক্ষগৰাকীয়ে দুৰ্নীতি কৰিছে। সভাপতিগৰাকীয়ে স্পষ্ট কৰি দিয়ে যে অধ্যক্ষৰ ওপৰত পৰিচালনা সমিতিৰ আস্থা আৰু বিশ্বাস নোহোৱা হৈছে। লগতে, অধ্যক্ষগৰাকীয়ে সঠিক সময়ত মহাবিদ্যালয়ত উপস্থিত নাথাকে আৰু তেওঁৰ দুৰ্বলতাৰ বাবেই সংবাদ মাধ্যমৰ সন্মুখীন হ'বলৈ সাহস কৰা নাই বুলিও সভাপতিয়ে মন্তব্য কৰে। এই সমগ্ৰ অনিয়মৰ বিৰুদ্ধে কঠোৰ স্থিতি গ্ৰহণ কৰি সভাপতি ডঃ নগেন কলিতাই কয় যে তেওঁ এই দুৰ্নীতিৰ শিপা উভালিবলৈ শীঘ্ৰেই উচ্চ শিক্ষাৰ কাৰ্যালয়লৈ যাব আৰু অধ্যক্ষগৰাকীৰ বিৰুদ্ধে বিহিত ব্যৱস্থা গ্ৰহণ কৰা হ'ব। তেওঁ দৃঢ়তাৰে প্ৰকাশ কৰে যে অঞ্চলটোৰ উচ্চ শিক্ষাৰ এই প্ৰতিষ্ঠানখনক ধ্বংস হ'বলৈ দিয়া নহ'ব।

TIME OF ASSAM

ছয়গাঁও, কামৰূপ, অসম•

1 day ago

ছয়গাঁও মহাবিদ্যালয়ৰ অধ্যক্ষ ডঃ নৱ কুমাৰ কলিতাৰ বিৰুদ্ধে গুৰুতৰ দুৰ্নীতিৰ অভিযোগ উত্থাপন কৰিছে মহাবিদ্যালয়খনৰ পৰিচালনা সমিতিৰ সভাপতি ডঃ নগেন কলিতাই। এক সংবাদমেলত সভাপতিগৰাকীয়ে অভিযোগ কৰে যে অধ্যক্ষ ডঃ নৱ কুমাৰ কলিতাই পৰিচালনা সমিতিৰ কোনো অনুমোদন অবিহনেই ৭৭ লাখ টকা নীতি বহিৰ্ভূতভাৱে খৰচ কৰিছে। ইয়াৰ উপৰিও, মহাবিদ্যালয়ৰ চৌহদত নিৰ্মাণ কৰা নতুন ভৱনটোত অতি নিম্ন মানৰ বালি, ইটা আৰু শিল ব্যৱহাৰ কৰাৰ অভিযোগ উত্থাপন কৰিছে তেওঁ। সভাপতি ডঃ নগেন কলিতাৰ মতে, পৰীক্ষা পৰিচালনাৰ নামত অহা ধনৰ ক্ষেত্ৰতো অধ্যক্ষগৰাকীয়ে দুৰ্নীতি কৰিছে। সভাপতিগৰাকীয়ে স্পষ্ট কৰি দিয়ে যে অধ্যক্ষৰ ওপৰত পৰিচালনা সমিতিৰ আস্থা আৰু বিশ্বাস নোহোৱা হৈছে। লগতে, অধ্যক্ষগৰাকীয়ে সঠিক সময়ত মহাবিদ্যালয়ত উপস্থিত নাথাকে আৰু তেওঁৰ দুৰ্বলতাৰ বাবেই সংবাদ মাধ্যমৰ সন্মুখীন হ'বলৈ সাহস কৰা নাই বুলিও সভাপতিয়ে মন্তব্য কৰে। এই সমগ্ৰ অনিয়মৰ বিৰুদ্ধে কঠোৰ স্থিতি গ্ৰহণ কৰি সভাপতি ডঃ নগেন কলিতাই কয় যে তেওঁ এই দুৰ্নীতিৰ শিপা উভালিবলৈ শীঘ্ৰেই উচ্চ শিক্ষাৰ কাৰ্যালয়লৈ যাব আৰু অধ্যক্ষগৰাকীৰ বিৰুদ্ধে বিহিত ব্যৱস্থা গ্ৰহণ কৰা হ'ব। তেওঁ দৃঢ়তাৰে প্ৰকাশ কৰে যে অঞ্চলটোৰ উচ্চ শিক্ষাৰ এই প্ৰতিষ্ঠানখনক ধ্বংস হ'বলৈ দিয়া নহ'ব।