ତାଳଚେର ର ସବୁଜ ମଣିଷ କ୍ଷିରୋଦ ସାହୁ : ପରିବେଶ ସୁରକ୍ଷାରେ ଏକ ଅନନ୍ୟ ଦୃଷ୍ଟାନ୍ତ ତାଳଚେର :- ତାଳଚେର ବ୍ଲକର ଘଣ୍ଟପଡ଼ା ଗ୍ରାମର ରାଜ୍ୟ ସରକାରଙ୍କ ପୁରସ୍କାରପ୍ରାପ୍ତ ପ୍ରକୃତି ବନ୍ଧୁ କ୍ଷିରୋଦ ସାହୁ ପରିବେଶ ସଂରକ୍ଷଣ ଓ ସଚେତନତା ସୃଷ୍ଟି କ୍ଷେତ୍ରରେ ନିଜକୁ ସମର୍ପିତ କରିଛନ୍ତି। ଜଙ୍ଗଲ ଓ ବନ୍ୟପ୍ରାଣୀ ସୁରକ୍ଷାକୁ ନିଜର କର୍ତ୍ତବ୍ୟ ମନେ କରି ସେ ଦୀର୍ଘ ବର୍ଷ ଧରି ପରିବେଶ ସୁରକ୍ଷାର ଦାୟିତ୍ୱ ନିର୍ବାହ କରୁଛନ୍ତି। ମାତ୍ର ୧୬ ବର୍ଷ ବୟସରେ, ୨୪ ଜୁଲାଇ ୧୯୯୪ ରେ ନିଜ ଗ୍ରାମର ସ୍କୁଲ ସାହିରେ ବର ଓ ଅଶ୍ୱତ୍ଥ ଦୁଇଟି ଚାରା ରୋପଣ କରି ସେ ତାଙ୍କର ପରିବେଶ ଆନ୍ଦୋଳନର ଶୁଭାରମ୍ଭ କରିଥିଲେ। ସେହି ଦିନଠାରୁ ଆରମ୍ଭ ହୋଇଥିବା ଏହି ଯାତ୍ରା ଆଜି ଏକ ବିଶାଳ ସାମାଜିକ ଅଭିଯାନର ରୂପ ନେଇଛି। ଶ୍ରୀ ସାହୁ ତାଳଚେର ଉପଖଣ୍ଡର ବିଭିନ୍ନ ଗ୍ରାମକୁ ଯାଇ କ୍ଲବ ସଦସ୍ୟ, ମହିଳା ସ୍ୱୟଂସହାୟକ ଗୋଷ୍ଠୀ ଓ ସାଧାରଣ ଲୋକଙ୍କୁ ଏକାଠି କରି ବୃକ୍ଷରୋପଣ ଓ ପରିବେଶ ସୁରକ୍ଷା ସମ୍ପର୍କରେ ସଚେତନ କରିଆସୁଛନ୍ତି। ସ୍ୱଚ୍ଛ ଭାରତ ଅଭିଯାନ ସହ ଜଡିତ ହୋଇ ସୁସ୍ଥ ଓ ସୁନ୍ଦର ସମାଜ ଗଠନ ପାଇଁ ସମସ୍ତଙ୍କ ସହଯୋଗ ଆବଶ୍ୟକ ବୋଲି ସେ ସର୍ବଦା ମତ ପ୍ରକାଶ କରିଥାନ୍ତି। ବିଭିନ୍ନ ବିଦ୍ୟାଳୟର ଇକୋ କ୍ଲବ ମାଧ୍ୟମରେ ବିଦ୍ୟାଳୟ ପରିସର, ରାସ୍ତା କଡ଼, ମନ୍ଦିର ପରିସର ଓ ଅନ୍ୟାନ୍ୟ ସ୍ଥାନରେ ବୃକ୍ଷରୋପଣ କାର୍ଯ୍ୟକ୍ରମ ଚଳାଇବା ସହ ବୃକ୍ଷ କଟାକୁ ନିରୁତ୍ସାହିତ କରିଥାନ୍ତି। ଜଙ୍ଗଲରେ ନିଆଁ ଲାଗିବା ଘଟଣାକୁ ରୋକିବା ପାଇଁ ମଧ୍ୟ ସେ ସାଧାରଣ ଲୋକଙ୍କୁ ସଚେତନ କରିଆସୁଛନ୍ତି।ମହାବିଦ୍ୟାଳୟଗୁଡ଼ିକର ଜାତୀୟ ସେବା ଯୋଜନା (NSS) ମାଧ୍ୟମରେ ଛାତ୍ରଛାତ୍ରୀଙ୍କୁ ବୃକ୍ଷରୋପଣ, ପ୍ରକୃତି ଓ ପରିବେଶ ସଂରକ୍ଷଣ ସମିତି ଗଠନ, ଗ୍ରାମାଞ୍ଚଳରେ ସ୍ୱଚ୍ଛତା ଅଭିଯାନ ଓ ପରିବେଶ ସୁରକ୍ଷା କାର୍ଯ୍ୟରେ ସାମିଲ କରାଇବାରେ ସେ ଅଗ୍ରଣୀ ଭୂମିକା ଗ୍ରହଣ କରିଛନ୍ତି। ଜଳବାୟୁ ପରିବର୍ତ୍ତନର ପ୍ରଭାବ ହ୍ରାସ ଓ ଏହା ସହ ଖାପ ଖୁଆଇ ଚାଲିବା ପାଇଁ ସେ ବିଭିନ୍ନ ସଭା ଓ ଆଲୋଚନା ମାଧ୍ୟମରେ ସଚେତନତା ସୃଷ୍ଟି କରୁଛନ୍ତି।ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ “ଏକ ପେଡ଼ ମାଆ କେ ନାମ” ଅଭିଯାନକୁ ଆଧାର କରି ଶ୍ରୀ ସାହୁ ଏକ ଅଭିନବ ପଦକ୍ଷେପ ଗ୍ରହଣ କରିଛନ୍ତି। ବିବାହ ବାର୍ଷିକୀ, ଏକୋଇଶିଆ, ପ୍ରଥମ ଜନ୍ମଦିନ, ସୁଧଘର ଓ ଅନ୍ୟାନ୍ୟ ସାମାଜିକ ଅବସରରେ ଗଛ ଉପହାର ଦେଇ ବୃକ୍ଷରୋପଣକୁ ଉତ୍ସାହିତ କରୁଛନ୍ତି। ଏହି ଅଭିଯାନ ମାଧ୍ୟମରେ ସେ ୮,୨୨୩ଟି ବୃକ୍ଷ ରୋପଣ କରିଛନ୍ତି। ଏହାଛଡ଼ା ତାଳଚେର ଅଞ୍ଚଳର ବିଭିନ୍ନ ଖୋଲା ସ୍ଥାନରେ ୩,୮୦୪ଟି ବୃକ୍ଷ ରୋପଣ କରିଥିବା ବେଳେ ସହିଦ, ସ୍ୱାଧୀନତା ସଂଗ୍ରାମୀ ଓ ବିଶିଷ୍ଟ ବ୍ୟକ୍ତିମାନଙ୍କ ସ୍ମୃତିରେ ପରିବାର ସଦସ୍ୟଙ୍କୁ ୮୫୦ଟି ଗଛ ପ୍ରଦାନ କରି ରୋପଣ କରାଇଛନ୍ତି। ଏପର୍ଯ୍ୟନ୍ତ ସେ ମୋଟ ୧୨,୮୭୭ଟି ବୃକ୍ଷ ରୋପଣ କରି ପରିବେଶ ସୁରକ୍ଷା କ୍ଷେତ୍ରରେ ଏକ ଉଲ୍ଲେଖନୀୟ ଦୃଷ୍ଟାନ୍ତ ସୃଷ୍ଟି କରିଛନ୍ତି। ତାଙ୍କର ଏହି ଅବଦାନ ପାଇଁ ୨୦ ସେପ୍ଟେମ୍ବର ୨୦୨୪ ରେ କେଉଁଝର ଜିଲ୍ଲାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କୁ ପ୍ରଶଂସା କରିଥିଲେ। ସେହିପରି ୨୦୧୭ ମସିହା ଓ ୫ ଜୁନ ୨୦୨୬ ରେ ରାଜ୍ୟ ସରକାରଙ୍କ ପକ୍ଷରୁ ଦ୍ୱିତୀୟ ଥର ପାଇଁ ‘ପ୍ରକୃତି ବନ୍ଧୁ’ ସମ୍ମାନରେ ସମ୍ମାନିତ ହୋଇଛନ୍ତି। ଆଜି କ୍ଷିରୋଦ ସାହୁ କେବଳ ଜଣେ ପରିବେଶପ୍ରେମୀ ନୁହେଁ, ବରଂ ଅଞ୍ଚଳବାସୀଙ୍କ ନିକଟରେ “ସବୁଜ ମଣିଷ” ଭାବେ ପରିଚିତ। ତାଙ୍କର ନିଷ୍ଠା, ପରିଶ୍ରମ ଓ ସମାଜ ପ୍ରତି ଦାୟିତ୍ୱବୋଧ ଆଗାମୀ ପିଢ଼ି ପାଇଁ ଏକ ପ୍ରେରଣାଦାୟକ ଉଦାହରଣ।

Priyamadhaba Das

Journalists Talcher Sadar, Anugul•

14 hrs ago

ତାଳଚେର ର ସବୁଜ ମଣିଷ କ୍ଷିରୋଦ ସାହୁ : ପରିବେଶ ସୁରକ୍ଷାରେ ଏକ ଅନନ୍ୟ ଦୃଷ୍ଟାନ୍ତ ତାଳଚେର :- ତାଳଚେର ବ୍ଲକର ଘଣ୍ଟପଡ଼ା ଗ୍ରାମର ରାଜ୍ୟ ସରକାରଙ୍କ ପୁରସ୍କାରପ୍ରାପ୍ତ ପ୍ରକୃତି ବନ୍ଧୁ କ୍ଷିରୋଦ ସାହୁ ପରିବେଶ ସଂରକ୍ଷଣ ଓ ସଚେତନତା ସୃଷ୍ଟି କ୍ଷେତ୍ରରେ ନିଜକୁ ସମର୍ପିତ କରିଛନ୍ତି। ଜଙ୍ଗଲ ଓ ବନ୍ୟପ୍ରାଣୀ ସୁରକ୍ଷାକୁ ନିଜର କର୍ତ୍ତବ୍ୟ ମନେ କରି ସେ ଦୀର୍ଘ ବର୍ଷ ଧରି ପରିବେଶ ସୁରକ୍ଷାର ଦାୟିତ୍ୱ ନିର୍ବାହ କରୁଛନ୍ତି। ମାତ୍ର ୧୬ ବର୍ଷ ବୟସରେ, ୨୪ ଜୁଲାଇ ୧୯୯୪ ରେ ନିଜ ଗ୍ରାମର ସ୍କୁଲ ସାହିରେ ବର ଓ ଅଶ୍ୱତ୍ଥ ଦୁଇଟି ଚାରା ରୋପଣ କରି ସେ ତାଙ୍କର ପରିବେଶ ଆନ୍ଦୋଳନର ଶୁଭାରମ୍ଭ କରିଥିଲେ। ସେହି ଦିନଠାରୁ ଆରମ୍ଭ ହୋଇଥିବା ଏହି ଯାତ୍ରା ଆଜି ଏକ ବିଶାଳ ସାମାଜିକ ଅଭିଯାନର ରୂପ ନେଇଛି। ଶ୍ରୀ ସାହୁ ତାଳଚେର ଉପଖଣ୍ଡର ବିଭିନ୍ନ ଗ୍ରାମକୁ ଯାଇ କ୍ଲବ ସଦସ୍ୟ, ମହିଳା ସ୍ୱୟଂସହାୟକ ଗୋଷ୍ଠୀ ଓ ସାଧାରଣ ଲୋକଙ୍କୁ ଏକାଠି କରି ବୃକ୍ଷରୋପଣ ଓ ପରିବେଶ ସୁରକ୍ଷା ସମ୍ପର୍କରେ ସଚେତନ କରିଆସୁଛନ୍ତି। ସ୍ୱଚ୍ଛ ଭାରତ ଅଭିଯାନ ସହ ଜଡିତ ହୋଇ ସୁସ୍ଥ ଓ ସୁନ୍ଦର ସମାଜ ଗଠନ ପାଇଁ ସମସ୍ତଙ୍କ ସହଯୋଗ ଆବଶ୍ୟକ ବୋଲି ସେ ସର୍ବଦା ମତ ପ୍ରକାଶ କରିଥାନ୍ତି। ବିଭିନ୍ନ ବିଦ୍ୟାଳୟର ଇକୋ କ୍ଲବ ମାଧ୍ୟମରେ ବିଦ୍ୟାଳୟ ପରିସର, ରାସ୍ତା କଡ଼, ମନ୍ଦିର ପରିସର ଓ ଅନ୍ୟାନ୍ୟ ସ୍ଥାନରେ ବୃକ୍ଷରୋପଣ କାର୍ଯ୍ୟକ୍ରମ ଚଳାଇବା ସହ ବୃକ୍ଷ କଟାକୁ ନିରୁତ୍ସାହିତ କରିଥାନ୍ତି। ଜଙ୍ଗଲରେ ନିଆଁ ଲାଗିବା ଘଟଣାକୁ ରୋକିବା ପାଇଁ ମଧ୍ୟ ସେ ସାଧାରଣ ଲୋକଙ୍କୁ ସଚେତନ କରିଆସୁଛନ୍ତି।ମହାବିଦ୍ୟାଳୟଗୁଡ଼ିକର ଜାତୀୟ ସେବା ଯୋଜନା (NSS) ମାଧ୍ୟମରେ ଛାତ୍ରଛାତ୍ରୀଙ୍କୁ ବୃକ୍ଷରୋପଣ, ପ୍ରକୃତି ଓ ପରିବେଶ ସଂରକ୍ଷଣ ସମିତି ଗଠନ, ଗ୍ରାମାଞ୍ଚଳରେ ସ୍ୱଚ୍ଛତା ଅଭିଯାନ ଓ ପରିବେଶ ସୁରକ୍ଷା କାର୍ଯ୍ୟରେ ସାମିଲ କରାଇବାରେ ସେ ଅଗ୍ରଣୀ ଭୂମିକା ଗ୍ରହଣ କରିଛନ୍ତି। ଜଳବାୟୁ ପରିବର୍ତ୍ତନର ପ୍ରଭାବ ହ୍ରାସ ଓ ଏହା ସହ ଖାପ ଖୁଆଇ ଚାଲିବା ପାଇଁ ସେ ବିଭିନ୍ନ ସଭା ଓ ଆଲୋଚନା ମାଧ୍ୟମରେ ସଚେତନତା ସୃଷ୍ଟି କରୁଛନ୍ତି।ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ “ଏକ ପେଡ଼ ମାଆ କେ ନାମ” ଅଭିଯାନକୁ ଆଧାର କରି ଶ୍ରୀ ସାହୁ ଏକ ଅଭିନବ ପଦକ୍ଷେପ ଗ୍ରହଣ କରିଛନ୍ତି। ବିବାହ ବାର୍ଷିକୀ, ଏକୋଇଶିଆ, ପ୍ରଥମ ଜନ୍ମଦିନ, ସୁଧଘର ଓ ଅନ୍ୟାନ୍ୟ ସାମାଜିକ ଅବସରରେ ଗଛ ଉପହାର ଦେଇ ବୃକ୍ଷରୋପଣକୁ ଉତ୍ସାହିତ କରୁଛନ୍ତି। ଏହି ଅଭିଯାନ ମାଧ୍ୟମରେ ସେ ୮,୨୨୩ଟି ବୃକ୍ଷ ରୋପଣ କରିଛନ୍ତି। ଏହାଛଡ଼ା ତାଳଚେର ଅଞ୍ଚଳର ବିଭିନ୍ନ ଖୋଲା ସ୍ଥାନରେ ୩,୮୦୪ଟି ବୃକ୍ଷ ରୋପଣ କରିଥିବା ବେଳେ ସହିଦ, ସ୍ୱାଧୀନତା ସଂଗ୍ରାମୀ ଓ ବିଶିଷ୍ଟ ବ୍ୟକ୍ତିମାନଙ୍କ ସ୍ମୃତିରେ ପରିବାର ସଦସ୍ୟଙ୍କୁ ୮୫୦ଟି ଗଛ ପ୍ରଦାନ କରି ରୋପଣ କରାଇଛନ୍ତି। ଏପର୍ଯ୍ୟନ୍ତ ସେ ମୋଟ ୧୨,୮୭୭ଟି ବୃକ୍ଷ ରୋପଣ କରି ପରିବେଶ ସୁରକ୍ଷା କ୍ଷେତ୍ରରେ ଏକ ଉଲ୍ଲେଖନୀୟ ଦୃଷ୍ଟାନ୍ତ ସୃଷ୍ଟି କରିଛନ୍ତି। ତାଙ୍କର ଏହି ଅବଦାନ ପାଇଁ ୨୦ ସେପ୍ଟେମ୍ବର ୨୦୨୪ ରେ କେଉଁଝର ଜିଲ୍ଲାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କୁ ପ୍ରଶଂସା କରିଥିଲେ। ସେହିପରି ୨୦୧୭ ମସିହା ଓ ୫ ଜୁନ ୨୦୨୬ ରେ ରାଜ୍ୟ ସରକାରଙ୍କ ପକ୍ଷରୁ ଦ୍ୱିତୀୟ ଥର ପାଇଁ ‘ପ୍ରକୃତି ବନ୍ଧୁ’ ସମ୍ମାନରେ ସମ୍ମାନିତ ହୋଇଛନ୍ତି। ଆଜି କ୍ଷିରୋଦ ସାହୁ କେବଳ ଜଣେ ପରିବେଶପ୍ରେମୀ ନୁହେଁ, ବରଂ ଅଞ୍ଚଳବାସୀଙ୍କ ନିକଟରେ “ସବୁଜ ମଣିଷ” ଭାବେ ପରିଚିତ। ତାଙ୍କର ନିଷ୍ଠା, ପରିଶ୍ରମ ଓ ସମାଜ ପ୍ରତି ଦାୟିତ୍ୱବୋଧ ଆଗାମୀ ପିଢ଼ି ପାଇଁ ଏକ ପ୍ରେରଣାଦାୟକ ଉଦାହରଣ।