சமோசா பிரியர்களுக்கு எச்சரிக்கை விடுக்கும் வகையில், சமூக வலைத்தளங்களில் ஒரு வீடியோ வைரலாக பரவி வருகிறது. இந்த வீடியோவில், ஒருவர் சமோசாக்களுக்கு மஞ்சள் நிறத்தையும் பளபளப்பையும் கொடுப்பதற்காக ஏதோ ஒரு ரசாயன திரவத்தைப் பூசுவது தெளிவாகப் பதிவாகியுள்ளது. இந்தச் சம்பவம் உணவுப் பொருட்களின் தரம் மற்றும் சுகாதாரம் குறித்த தீவிர விவாதங்களை சமூக வலைத்தளங்களில் தூண்டியுள்ளது. மேலும், சில தவறான வியாபாரிகளால் நேர்மையாக உழைப்பவர்களும் பாதிக்கப்படுவதாக நெட்டிசன்கள் பலரும் பதிவிட்டு வருகின்றனர். அனைவரும் இந்த வீடியோவைப் பகிருமாறு கேட்டுக்கொள்ளப்பட்டுள்ளது.

பனையூரில் உள்ள த.வெ.க.வின் தலைமை அலுவலகத்தில் மாற்று கட்சியினர் இணைவு விழா நடைபெற்றுக் கொண்டிருந்தது. அமைச்சர் ஆனந்த் ஆதவ் முன்னிலையில் இந்த விழா நடந்துகொண்டிருந்தபோது, அங்கு திடீரென மின்வெட்டு ஏற்பட்டது.

திருப்பத்தூர் மாவட்டம், வாணியம்பாடி அருகே உள்ள ஆலங்காயம் பகுதியில் இருக்கும் பெரிய ஏரியில் அரிய வகை ஆமைகள் வாழ்கின்றன. இனப்பெருக்கத்திற்காக இரவு நேரங்களில் ஏரியிலிருந்து வெளியேறும் முதிர்ச்சி அடைந்த பெண் ஆமைகள், அருகில் உள்ள வாணியம்பாடி - ஆலங்காயம் சாலையில் வாகனங்களில் அடிபட்டு உயிரிழப்பதாக இயற்கையை ஆர்வலர்கள் தெரிவித்துள்ளனர். குறிப்பாக ஜூன், ஜூலை மற்றும் ஆகஸ்ட் மாதங்கள் ஆமைகளின் இனப்பெருக்க காலம் என்பதால், இந்த காலகட்டத்தில் உயிரிழப்புகள் அதிகரிப்பதாகக் கூறப்படுகிறது. எனவே, வனத்துறையினர் இந்த சூழலைக் கண்காணித்து, அரிய வகை ஆமைகளின் பாதுகாப்பை உறுதி செய்ய உரிய நடவடிக்கை எடுக்க வேண்டும் என இயற்கை ஆர்வலர்கள் கோரிக்கை விடுத்துள்ளனர்.

திருப்பத்தூர் மாவட்டத்தில் 'BETA SMART' என்ற நிறுவனம், முதலீடு செய்தால் மிகப்பெரிய லாபம் கிடைக்கும் என்றும், 22 ஆண்டுகள் வருமானம் தரக்கூடிய திட்டம் என்றும் கூறி பொதுமக்களை ஏமாற்றியுள்ளது. கேரளாவைச் சேர்ந்த வர்மா, மனோஜ்குமார் மற்றும் சந்தோஷ்குமார் ஆகிய நிறுவன உரிமையாளர்கள், தங்களுக்கு ஆப்பிரிக்காவில் தங்கச் சுரங்கம் இருப்பதாகவும், துபாயில் ஹோட்டல் தொழிலில் முதலீடு செய்திருப்பதாகவும் நம்பகத்தன்மையை ஏற்படுத்தினர். முதலீடு செய்தவர்களின் செல்போன்களில் அக்டோபர் 20, 2024 அன்று BETA SMART ID ஒன்றை உருவாக்கி, முதற்கட்டமாக ₹9,000/- பெற்றுக்கொண்டு 100 டாலர் முதலீடு செய்யப்பட்டதாகக் கூறினர். இத்திட்டத்தில் முதலீடு செய்தால் அதிக லாபம் கிடைக்கும் என்றும், டாலர் மற்றும் BTR காயின் மூலம் வருமானம் பெறலாம் என்றும் வாக்குறுதி அளித்தனர். அவர்களின் வழிகாட்டுதலின்படி கமல், ஜெகதீசன், பழனி, அம்சவேணி, சாமு, அன்புக்கரசு, திலீப்குமார், பார்த்திபன் உள்ளிட்ட பலர் இந்தத் திட்டத்தில் முதலீடு செய்தனர். வாணியம்பாடி சுப்ரபாதம், ஏலகிரி மலை AGS மற்றும் யாத்திரி நிவாஸ் போன்ற இடங்களில் நடைபெற்ற கூட்டங்களில் வர்மா, மனோஜ்குமார் மற்றும் சந்தோஷ்குமார் ஆகியோர் பல லட்சம் ரூபாய்களைக் காட்டி நம்பகத்தன்மை குறித்து விளக்கமளித்தனர். புதிய முதலீட்டாளர்களைச் சேர்த்தால் 5% கமிஷன் வழங்கப்படும் என்றும், முதலீட்டுத் தொகைக்கு தினசரி வருமானம் கிடைக்கும் என்றும் கூறி பலரை இதில் ஈடுபடுத்தினர். திருப்பத்தூர், வாணியம்பாடி, சேலம், திருவண்ணாமலை, ஆம்பூர், ஆரணி, செங்கம், நாகப்பட்டினம் உள்ளிட்ட பகுதிகளில் 2500-க்கும் மேற்பட்டோர் இந்த நிறுவனத்தில் முதலீடு செய்துள்ளனர். பின்னர், BETA SMART செயலியில் காண்பிக்கப்பட்ட தொகையை பணமாக மாற்ற முடியாத நிலை ஏற்பட்டது. முதலீட்டாளர்களிடமிருந்து பெறப்பட்ட பணத்தை வர்மா, மனோஜ்குமார் மற்றும் சந்தோஷ்குமார் ஆகியோர் மோசடி செய்துவிட்டனர். திருப்பத்தூர் பகுதியிலேயே சுமார் ₹20 கோடி மோசடி செய்யப்பட்டுள்ளதுடன், சேலம், திருவண்ணாமலை, ஆம்பூர், ஆரணி, செங்கம், நாகப்பட்டினம் உள்ளிட்ட பகுதிகளில் சுமார் ₹40 கோடி மோசடி செய்யப்பட்டுள்ளது. மொத்தமாக ₹60 கோடி அளவிற்கு மக்களின் பணம் மோசடியில் ஈடுபட்டுள்ளது. மோசடியில் ஈடுபட்ட நபர்கள் மீது உரிய நடவடிக்கை எடுக்குமாறு முதலீட்டாளர்கள் மாவட்ட காவல் கண்காணிப்பாளரை நேரில் சந்தித்து மனு அளித்தனர். மனுவைப் பெற்றுக் கொண்ட மாவட்ட காவல் கண்காணிப்பாளர் உரிய நடவடிக்கை எடுப்பதாக உறுதி அளித்தார்.

கள்ளக்குறிச்சி மாவட்டம், கல்வராயன் மலை வட்டத்திற்குட்பட்ட மேழாத்துகுழி கிராமத்தில் கடந்த ஒரு மாதமாக கடுமையான குடிநீர் பிரச்சினை நிலவி வந்தது. இதனால் பாதிக்கப்பட்ட பொதுமக்கள் தங்கள் கோரிக்கைகளை வலியுறுத்தி சாலை மறியல் போராட்டத்தில் ஈடுபட்டனர். தகவல் அறிந்து சம்பவ இடத்திற்கு விரைந்து வந்த உதவி இயக்குநர் (ஊராட்சிகள்) வெங்கட்ரமணன் மற்றும் வட்டார வளர்ச்சி அலுவலர் செல்வபோதகர் ஆகியோர் பொதுமக்களின் குறைகளை நேரடியாகக் கேட்டறிந்தனர். பின்னர், குடிநீர் பிரச்சினைக்கு உடனடியாகத் தீர்வு காண அதிகாரிகள் நடவடிக்கை மேற்கொண்டனர். இதன் தொடர்ச்சியாக, பழுதடைந்திருந்த மோட்டார் அகற்றப்பட்டு புதிய மோட்டார் பொருத்தும் பணி விரைந்து மேற்கொள்ளப்பட்டது. அதிகாரிகளின் துரித நடவடிக்கையால் வெறும் மூன்று மணி நேரத்திற்குள் புதிய மோட்டார் பொருத்தப்பட்டு கிராம மக்களுக்கு மீண்டும் குடிநீர் வழங்கப்பட்டது. கடந்த ஒரு மாதமாக நீடித்து வந்த குடிநீர் பிரச்சினை சில மணி நேரங்களிலேயே தீர்வு காணப்பட்டதால் கிராம மக்கள் மகிழ்ச்சி அடைந்தனர். மேலும், தங்களது கோரிக்கைக்கு உடனடி நடவடிக்கை எடுத்து குடிநீர் வழங்க ஏற்பாடு செய்த அரசு அதிகாரிகளுக்கு அப்பகுதி மக்கள் நன்றியைத் தெரிவித்தனர்.

காரிமங்கலம் அருகே ஒரு இருசக்கர வாகனம் மீது மாங்காய் ஏற்றி வந்த பிக்கப் வாகனம் நேருக்கு நேர் மோதியது. இந்த பயங்கரமான விபத்தில் இருவர் படுகாயமடைந்தனர். மேலும், இந்த விபத்து தொடர்பான சிசிடிவி காட்சிகள் தற்போது சமூக வலைத்தளங்களில் வைரலாகப் பரவி வருகின்றன.

சென்னை கொளத்தூரில் உள்ள ஒரு நடுநிலைப் பள்ளியில் பயிலும் 11 வயது சிறுமிக்கு, மாதவிடாய் காரணமாக வகுப்பறைக்குள் நுழைய அனுமதி மறுக்கப்பட்டதாக ஒரு குற்றச்சாட்டு எழுந்துள்ளது. இந்த அநீதி இன்னும் எத்தனை நாட்கள் தொடரும் என்ற கேள்வி முன்வைக்கப்படுகிறது.

இந்திய யூனியன் முஸ்லிம் லீக் (IUML) தலைவர் காதர் மொகிதீன், ஒரு நிருபரின் கேள்வியால் ஆத்திரமடைந்தார். "திமுகவுக்கு ஓட்டு போடுவது 6வது கடமை என கூறினீர்களே?" என நிருபர் கேட்டபோது, அவர் தனது கோபத்தை வெளிப்படுத்தினார். இதற்கு ஆவேசமாக பதிலளித்த காதர் மொகிதீன், "நான் சொல்லாததை கேட்டால் எப்படி? ஓட்டு போட்டு ஜனநாயக கடமையை நிறைவேற்றுவது இஸ்லாமியர்களின் 6வது கடமை என்று தான் கூறினேன்" என்று திட்டவட்டமாகத் தெரிவித்தார்.

சென்னையில் நடைபெறவுள்ள பாட்டாளி மக்கள் கட்சியின் ஆய்வு கூட்டத்தில் பங்கேற்க, இன்று (20) திருப்பத்தூர் வழியாக சென்னைக்குச் சென்ற பாட்டாளி மக்கள் கட்சி தலைவர் அன்புமணி ராமதாஸுக்கு, ஜோலார்பேட்டை அடுத்த பொன்னேரி பகுதியில் திருப்பத்தூர் மாவட்ட பாட்டாளி மக்கள் கட்சியினர் சிறப்பான வரவேற்பு அளித்தனர்.

கிருஷ்ணகிரி மாவட்டத்தில் காவேரிப்பட்டணம் அருகே கோசமேடு முதல் சாப்பரம் செல்லும் சாலை பல ஆண்டுகளாக பழுதடைந்த நிலையில் உள்ளது. குறிப்பாக கோசமேடு அன்னா கொட்டாய் அருகே சாலை கடுமையாகச் சேதமடைந்து, மழை பெய்யும்போது தண்ணீர் குளம் போலத் தேங்கி நிற்கும் அவல நிலை நீடிக்கிறது. இந்தச் சாலையின் மேடு பள்ளங்கள் தெரியாமல் வாகன ஓட்டிகள் பெரும் சிரமத்துடன் திணறிச் செல்லும் காட்சிகள் சமூக வலைத்தளங்களில் பரவி வருகின்றன. இது குறித்து பலமுறை கோரிக்கைகள் வைக்கப்பட்டும், அரசு அதிகாரிகள் அலட்சியம் காட்டுவதுடன் எந்தவித நடவடிக்கையும் எடுக்காமல் மெத்தனம் காட்டி வருகின்றனர். வாகன ஓட்டிகளுக்குப் பெரும் அச்சுறுத்தலாக மாறியுள்ள இந்தச் சாலையை விரைந்து சீரமைக்க வேண்டும் என்று பொது மக்களும் சமூக ஆர்வலர்களும் தொடர்ந்து கோரிக்கை விடுத்துள்ளனர்.