తిరుపతిలోని ఆర్‌కే కళ్యాణ మండపంలో ఆంధ్రప్రదేశ్ కుమ్మర శాలివాహన సంక్షేమ సంఘం ఆధ్వర్యంలో చంద్రగిరి నియోజకవర్గ కుమ్మరుల ఆత్మీయ సమ్మేళనం ఆదివారం ఘనంగా జరిగింది. గోవాడి శంకర్ శెట్టి, బి.జి. సురేష్ బాబు అధ్యక్షతన, రాష్ట్ర మరియు తిరుపతి జిల్లా కమిటీ సభ్యుల పర్యవేక్షణలో ఈ కార్యక్రమాన్ని నిర్వహించారు. ఈ సందర్భంగా చంద్రగిరి నియోజకవర్గ, మండల, గ్రామ కమిటీల నియామక కార్యక్రమం విజయవంతంగా పూర్తయింది. ఈ సమావేశానికి చంద్రగిరి నియోజకవర్గంలోని పలు మండలాల నుంచి కుమ్మర సామాజిక వర్గానికి చెందిన సభ్యులు, నాయకులు పెద్ద సంఖ్యలో తరలివచ్చారు. సంఘ బలోపేతం, సామాజిక ఐక్యత, సంక్షేమ కార్యక్రమాల విస్తరణపై నాయకులు సభ్యులకు దిశానిర్దేశం చేశారు. గ్రామం నుంచి రాష్ట్ర స్థాయి వరకు సంఘాన్ని మరింత బలోపేతం చేయడానికి అవసరమైన కార్యాచరణపై చర్చించి కీలక తీర్మానాలు చేశారు. ముఖ్యంగా తిరుపతి జిల్లా చాప్టర్ ఆధ్వర్యంలో నిర్వహించే "శాలివాహన శంఖారావం–3" మహాసభను 2026 అక్టోబర్ 4వ తేదీన చంద్రగిరిలో నియోజకవర్గ కమిటీ ఆధ్వర్యంలో ఘనంగా నిర్వహించాలని ఏకగ్రీవంగా తీర్మానించారు. ఈ మహాసభను విజయవంతం చేయడానికి ప్రతి మండలం, గ్రామ కమిటీలు సమన్వయంతో పనిచేయాలని పిలుపునిచ్చారు. భవిష్యత్తులో కూడా సంఘం అభివృద్ధికి అందరూ ఇలాగే సహకరించాలని కోరుతూ కార్యక్రమంలో పాల్గొన్న ప్రతి ఒక్కరికీ సంఘ నాయకులు పేరుపేరునా కృతజ్ఞతలు తెలిపారు.

RAVI KUMAR

Tirupati (Rural), Andhra Pradesh•

1 hr ago

తిరుపతిలోని ఆర్‌కే కళ్యాణ మండపంలో ఆంధ్రప్రదేశ్ కుమ్మర శాలివాహన సంక్షేమ సంఘం ఆధ్వర్యంలో చంద్రగిరి నియోజకవర్గ కుమ్మరుల ఆత్మీయ సమ్మేళనం ఆదివారం ఘనంగా జరిగింది. గోవాడి శంకర్ శెట్టి, బి.జి. సురేష్ బాబు అధ్యక్షతన, రాష్ట్ర మరియు తిరుపతి జిల్లా కమిటీ సభ్యుల పర్యవేక్షణలో ఈ కార్యక్రమాన్ని నిర్వహించారు. ఈ సందర్భంగా చంద్రగిరి నియోజకవర్గ, మండల, గ్రామ కమిటీల నియామక కార్యక్రమం విజయవంతంగా పూర్తయింది. ఈ సమావేశానికి చంద్రగిరి నియోజకవర్గంలోని పలు మండలాల నుంచి కుమ్మర సామాజిక వర్గానికి చెందిన సభ్యులు, నాయకులు పెద్ద సంఖ్యలో తరలివచ్చారు. సంఘ బలోపేతం, సామాజిక ఐక్యత, సంక్షేమ కార్యక్రమాల విస్తరణపై

నాయకులు సభ్యులకు దిశానిర్దేశం చేశారు. గ్రామం నుంచి రాష్ట్ర స్థాయి వరకు సంఘాన్ని మరింత బలోపేతం చేయడానికి అవసరమైన కార్యాచరణపై చర్చించి కీలక తీర్మానాలు చేశారు. ముఖ్యంగా తిరుపతి జిల్లా చాప్టర్ ఆధ్వర్యంలో నిర్వహించే "శాలివాహన శంఖారావం–3" మహాసభను 2026 అక్టోబర్ 4వ తేదీన చంద్రగిరిలో నియోజకవర్గ కమిటీ ఆధ్వర్యంలో ఘనంగా నిర్వహించాలని ఏకగ్రీవంగా తీర్మానించారు. ఈ మహాసభను విజయవంతం చేయడానికి ప్రతి మండలం, గ్రామ కమిటీలు సమన్వయంతో పనిచేయాలని పిలుపునిచ్చారు. భవిష్యత్తులో కూడా సంఘం అభివృద్ధికి అందరూ ఇలాగే సహకరించాలని కోరుతూ కార్యక్రమంలో పాల్గొన్న ప్రతి ఒక్కరికీ సంఘ నాయకులు పేరుపేరునా కృతజ్ఞతలు తెలిపారు.