व्यंकटेश नगरात दिव्यांग महिलेला घरात घुसून मारहाण; चौघांविरुद्ध गुन्हा.. व्यंकटेश नगरात दिव्यांग महिलेला घरात घुसून मारहाण; चौघांविरुद्ध गुन्हा शेगाव : व्यंकटेश नगर परिसरात एका दिव्यांग महिलेला घरात घुसून लोटपाट करणे, अश्लील शिवीगाळ करणे तसेच जीवे मारण्याची धमकी दिल्याची गंभीर घटना समोर आली आहे. या प्रकरणी शेगाव शहर पोलीस ठाण्यात चार जणांविरुद्ध विविध कलमांन्वये गुन्हा दाखल करण्यात आला आहे. पोलिसांकडून मिळालेल्या माहितीनुसार, फिर्यादी महिलेच्या बहिणीच्या मुलाचा आरोपींसोबत जगदंबा चौक परिसरात वाद झाला होता. या वादानंतर आरोपी फिर्यादीच्या घरी आले. त्यांनी घरात येऊन ‘प्रशांत कुठे आहे?’ अशी विचारणा केली. यावेळी फिर्यादीने घरात अचानक प्रवेश करण्याबाबत जाब विचारला असता आरोपींनी त्यांच्यासोबत लोटपाट केल्याचे तक्रारीत नमूद करण्यात आले आहे. फिर्यादी महिला दिव्यांग असून त्यांना एका पायाने चालता येत नसल्याचे तक्रारीत नमूद आहे. या परिस्थितीतही आरोपी क्रमांक 1 किशोर डाबेराव याने फिर्यादीला अश्लील शिवीगाळ केल्याचा आरोप आहे. दरम्यान, घटनेनंतर सुमारे दहा मिनिटांनी आरोपी क्रमांक 2 श्रीनीथ किशोर डाबेराव याने प्रशांतला घराबाहेर काढा, अन्यथा घरातील सर्वांना जीवे मारू, अशी धमकी दिल्याचा आरोप फिर्यादीने केला आहे. तसेच आरोपी क्रमांक 3 अक्षीत डाबेराव आणि आरोपी क्रमांक 4 रोशन बावणे यांनीही शिवीगाळ करून जीवे मारण्याची धमकी दिल्याचे तक्रारीत नमूद आहे. या घटनेमुळे परिसरात खळबळ उडाली असून, घरात घुसून दिव्यांग महिलेसोबत गैरवर्तन व धमकी दिल्याच्या प्रकारामुळे नागरिकांमध्ये चर्चेला उधाण आले आहे. या प्रकरणी 25 ऑगस्ट 2026 रोजी सायंकाळी 7.13 वाजता शेगाव शहर पोलीस ठाण्यात BNS कलम 333, 296, 115(2), 351(2), 3(5) तसेच अपंग व्यक्ती अधिनियम 2016 मधील कलम 92(अ), 92(ब) अंतर्गत गुन्हा दाखल करण्यात आला आहे. प्रकरणाचा पुढील तपास पोहेका सुनील सुसर करीत आहेत. पोलिसांच्या तपासानंतर या घटनेमागील नेमके कारण आणि पुढील कायदेशीर कारवाई स्पष्ट होणार आहे.

Sachin kadukar

Photographer Shegaon, Buldhana•

12 hrs ago

व्यंकटेश नगरात दिव्यांग महिलेला घरात घुसून मारहाण; चौघांविरुद्ध गुन्हा.. व्यंकटेश नगरात दिव्यांग महिलेला घरात घुसून मारहाण; चौघांविरुद्ध गुन्हा शेगाव : व्यंकटेश नगर परिसरात एका दिव्यांग महिलेला घरात घुसून लोटपाट करणे, अश्लील शिवीगाळ करणे तसेच जीवे मारण्याची धमकी दिल्याची गंभीर घटना समोर आली आहे. या प्रकरणी शेगाव शहर पोलीस ठाण्यात चार जणांविरुद्ध विविध कलमांन्वये गुन्हा दाखल करण्यात आला आहे. पोलिसांकडून मिळालेल्या माहितीनुसार, फिर्यादी महिलेच्या बहिणीच्या मुलाचा आरोपींसोबत जगदंबा चौक परिसरात वाद झाला होता. या वादानंतर आरोपी फिर्यादीच्या घरी आले. त्यांनी घरात येऊन ‘प्रशांत कुठे आहे?’ अशी विचारणा केली. यावेळी फिर्यादीने घरात अचानक प्रवेश करण्याबाबत जाब विचारला असता आरोपींनी त्यांच्यासोबत लोटपाट केल्याचे तक्रारीत नमूद करण्यात आले आहे. फिर्यादी महिला दिव्यांग असून त्यांना एका पायाने चालता येत नसल्याचे तक्रारीत नमूद आहे. या परिस्थितीतही आरोपी क्रमांक 1 किशोर डाबेराव याने फिर्यादीला अश्लील शिवीगाळ केल्याचा आरोप आहे. दरम्यान, घटनेनंतर सुमारे दहा मिनिटांनी आरोपी क्रमांक 2 श्रीनीथ किशोर डाबेराव याने प्रशांतला घराबाहेर काढा, अन्यथा घरातील सर्वांना जीवे मारू, अशी धमकी दिल्याचा आरोप फिर्यादीने केला आहे. तसेच आरोपी क्रमांक 3 अक्षीत डाबेराव आणि आरोपी क्रमांक 4 रोशन बावणे यांनीही शिवीगाळ करून जीवे मारण्याची धमकी दिल्याचे तक्रारीत नमूद आहे. या घटनेमुळे परिसरात खळबळ उडाली असून, घरात घुसून दिव्यांग महिलेसोबत गैरवर्तन व धमकी दिल्याच्या प्रकारामुळे नागरिकांमध्ये चर्चेला उधाण आले आहे. या प्रकरणी 25 ऑगस्ट 2026 रोजी सायंकाळी 7.13 वाजता शेगाव शहर पोलीस ठाण्यात BNS कलम 333, 296, 115(2), 351(2), 3(5) तसेच अपंग व्यक्ती अधिनियम 2016 मधील कलम 92(अ), 92(ब) अंतर्गत गुन्हा दाखल करण्यात आला आहे. प्रकरणाचा पुढील तपास पोहेका सुनील सुसर करीत आहेत. पोलिसांच्या तपासानंतर या घटनेमागील नेमके कारण आणि पुढील कायदेशीर कारवाई स्पष्ट होणार आहे.