नंदुरबार जिल्ह्यातील शहादा येथील समाजकल्याण विभागाच्या शासकीय वसतिगृहात रात्रीच्या जेवणातून तब्बल ४० ते ५० विद्यार्थ्यांना अन्नातून विषबाधा झाल्याची धक्कादायक आणि संतापजनक घटना समोर आली आहे. रात्रीच्या जेवणात डाळ-भात, शेवग्याची भाजी आणि चपाती खाल्ल्यानंतर अवघ्या १५ मिनिटांतच विद्यार्थ्यांना तीव्र पोटदुखी आणि उलट्यांचा त्रास सुरू झाला. या सर्व बाधित विद्यार्थ्यांना तातडीने स्थानिक ग्रामीण रुग्णालयात उपचारासाठी दाखल करण्यात आले असून, त्यापैकी तीन विद्यार्थ्यांची प्रकृती अत्यंत चिंताजनक असल्याची माहिती वैद्यकीय सूत्रांनी दिली आहे. घटनेची माहिती मिळताच तहसीलदार संभाजी पाटील, प्रांताधिकारी दीपक गिरासे यांच्यासह पोलीस आणि प्रशासनातील वरिष्ठ अधिकाऱ्यांनी तातडीने रुग्णालयात धाव घेऊन डॉक्टरांना योग्य उपचाराचे निर्देश दिले. या घटनेमुळे संतप्त झालेल्या विद्यार्थ्यांनी प्रशासनाविरोधात तीव्र संताप व्यक्त केला आहे. वसतिगृहाचा ठेकेदार अत्यंत निकृष्ट दर्जाचे अन्न देत असून यापूर्वीही याबाबत वारंवार तक्रारी करूनही त्याकडे दुर्लक्ष करण्यात आल्याचा गंभीर आरोप विद्यार्थ्यांनी केला आहे. एवढी मोठी घटना घडूनही वसतिगृहाचे वॉर्डन आणि शिक्षक रुग्णालयात न पोहोचल्याने विद्यार्थ्यांनी तीव्र नाराजी व्यक्त केली आहे. या घटनेनंतर विद्यार्थ्यांच्या सुरक्षेवर प्रश्नचिन्ह निर्माण झाले असून, प्रशासनाकडून अन्न नमुने जप्त करून सखोल चौकशी सुरू करण्यात आली आहे. दुसरीकडे, ठाण्यातील वर्तकनगर येथील एका खासगी शाळेतील ५५ ते ६० विद्यार्थ्यांनाही शैक्षणिक सहलीदरम्यान अन्नातून विषबाधा झाल्याचा प्रकार उघडकीस आला आहे. मुंबईतील लोअर परळ येथे सहलीला गेलेल्या इयत्ता तिसरी आणि चौथीच्या सुमारे १६० विद्यार्थ्यांना ट्रॅव्हल्स कंपनीमार्फत देण्यात आलेले अन्न खाल्ल्यानंतर उलट्या आणि जुलाबाचा तीव्र त्रास सुरू झाला होता. याप्रकरणी ठाणे महापालिकेचे उपमहापौर कृष्णा दादू पाटील यांनी आक्रमक भूमिका घेत जिल्हाधिकारी, शाळा प्रशासन आणि महापालिका आयुक्तांना पत्र लिहून दोषींवर कठोर कायदेशीर कारवाई करण्याची मागणी केली आहे.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

13 hrs ago

नंदुरबार जिल्ह्यातील शहादा येथील समाजकल्याण विभागाच्या शासकीय वसतिगृहात रात्रीच्या जेवणातून तब्बल ४० ते ५० विद्यार्थ्यांना अन्नातून विषबाधा झाल्याची धक्कादायक आणि संतापजनक घटना समोर आली आहे. रात्रीच्या जेवणात डाळ-भात, शेवग्याची भाजी आणि चपाती खाल्ल्यानंतर अवघ्या १५ मिनिटांतच विद्यार्थ्यांना तीव्र पोटदुखी आणि उलट्यांचा त्रास सुरू झाला. या सर्व बाधित विद्यार्थ्यांना तातडीने स्थानिक ग्रामीण रुग्णालयात उपचारासाठी दाखल करण्यात आले असून, त्यापैकी तीन विद्यार्थ्यांची प्रकृती अत्यंत चिंताजनक असल्याची माहिती वैद्यकीय सूत्रांनी दिली आहे. घटनेची माहिती मिळताच तहसीलदार संभाजी पाटील, प्रांताधिकारी दीपक गिरासे यांच्यासह पोलीस आणि प्रशासनातील वरिष्ठ अधिकाऱ्यांनी तातडीने रुग्णालयात धाव घेऊन डॉक्टरांना योग्य उपचाराचे निर्देश दिले. या घटनेमुळे संतप्त झालेल्या विद्यार्थ्यांनी प्रशासनाविरोधात तीव्र संताप व्यक्त केला आहे. वसतिगृहाचा ठेकेदार अत्यंत निकृष्ट दर्जाचे अन्न देत असून यापूर्वीही याबाबत वारंवार तक्रारी करूनही त्याकडे दुर्लक्ष करण्यात आल्याचा गंभीर आरोप विद्यार्थ्यांनी केला आहे. एवढी मोठी घटना घडूनही वसतिगृहाचे वॉर्डन आणि शिक्षक रुग्णालयात न पोहोचल्याने विद्यार्थ्यांनी तीव्र नाराजी व्यक्त केली आहे. या घटनेनंतर विद्यार्थ्यांच्या सुरक्षेवर प्रश्नचिन्ह निर्माण झाले असून, प्रशासनाकडून अन्न नमुने जप्त करून सखोल चौकशी सुरू करण्यात आली आहे. दुसरीकडे, ठाण्यातील वर्तकनगर येथील एका खासगी शाळेतील ५५ ते ६० विद्यार्थ्यांनाही शैक्षणिक सहलीदरम्यान अन्नातून विषबाधा झाल्याचा प्रकार उघडकीस आला आहे. मुंबईतील लोअर परळ येथे सहलीला गेलेल्या इयत्ता तिसरी आणि चौथीच्या सुमारे १६० विद्यार्थ्यांना ट्रॅव्हल्स कंपनीमार्फत देण्यात आलेले अन्न खाल्ल्यानंतर उलट्या आणि जुलाबाचा तीव्र त्रास सुरू झाला होता. याप्रकरणी ठाणे महापालिकेचे उपमहापौर कृष्णा दादू पाटील यांनी आक्रमक भूमिका घेत जिल्हाधिकारी, शाळा प्रशासन आणि महापालिका आयुक्तांना पत्र लिहून दोषींवर कठोर कायदेशीर कारवाई करण्याची मागणी केली आहे.