आरटीई २५% प्रवेश प्रक्रिया सुरू; मोफत शिक्षणासाठी अर्जाची अंतिम मुदत १० मार्च.. आरटीई २५% प्रवेश प्रक्रिया सुरू; मोफत शिक्षणासाठी अर्जाची अंतिम मुदत १० मार्च शेगांव /बुलढाणा | प्रतिनिधी वंचित व दुर्बल घटकांतील मुलांना नामांकित खाजगी शाळांमध्ये मोफत शिक्षणाची सुवर्णसंधी उपलब्ध करून देणारी आरटीई २५ टक्के प्रवेश प्रक्रिया जिल्ह्यात सुरू झाली असून पालकांनी ऑनलाईन अर्ज भरण्याची अंतिम मुदत १० मार्च २०२६ ठेवण्यात आली आहे. शिक्षण विभागाने पात्र पालकांना ही संधी न गमावण्याचे आवाहन केले आहे. बालकांचा मोफत व सक्तीचे शिक्षणाचा अधिकार अधिनियम २००९ मधील कलम १२ (१)(C) नुसार खाजगी विना-अनुदानित व स्वयंअर्थ सहाय्यित शाळांमध्ये प्रवेश स्तरावर २५ टक्के जागा आर्थिक व सामाजिकदृष्ट्या दुर्बल घटकांतील विद्यार्थ्यांसाठी राखीव ठेवणे बंधनकारक आहे. याच तरतुदीनुसार ही प्रवेश प्रक्रिया राबविण्यात येत आहे. शासनाकडून सुधारित मार्गदर्शक सूचना जारी करण्यात आल्या असून पालकांनी अधिकृत संकेतस्थळावर जाऊन पात्रता निकष, आवश्यक कागदपत्रे व अर्ज भरण्याची सविस्तर प्रक्रिया समजून घ्यावी, असे आवाहन शिक्षणाधिकारी (प्राथमिक) यांनी केले आहे. विहित मुदतीत अर्ज न केल्यास या योजनेचा लाभ घेता येणार नसल्याने पालकांनी तातडीने नोंदणी करावी, असेही स्पष्ट करण्यात आले. जिल्ह्यातील जास्तीत जास्त पात्र विद्यार्थ्यांनी या प्रवेश प्रक्रियेत सहभागी व्हावे यासाठी शाळा, तालुकास्तर कार्यालये व शैक्षणिक संस्थांनी व्यापक जनजागृती करण्याचे निर्देश देण्यात आले आहेत. मोफत व गुणवत्तापूर्ण शिक्षणाची संधी दारात; पालकांनी १० मार्चपूर्वी अर्ज करून मुलांचे भविष्य घडवावे, असे आवाहन शिक्षण विभागाने केले आहे.

Sachin kadukar

Photographer Shegaon, Buldhana•

4 hrs ago

आरटीई २५% प्रवेश प्रक्रिया सुरू; मोफत शिक्षणासाठी अर्जाची अंतिम मुदत १० मार्च.. आरटीई २५% प्रवेश प्रक्रिया सुरू; मोफत शिक्षणासाठी अर्जाची अंतिम मुदत १० मार्च शेगांव /बुलढाणा | प्रतिनिधी वंचित व दुर्बल घटकांतील मुलांना नामांकित खाजगी शाळांमध्ये मोफत शिक्षणाची सुवर्णसंधी उपलब्ध करून देणारी आरटीई २५ टक्के प्रवेश प्रक्रिया जिल्ह्यात सुरू झाली असून पालकांनी ऑनलाईन अर्ज भरण्याची अंतिम मुदत १० मार्च २०२६ ठेवण्यात आली आहे. शिक्षण विभागाने पात्र पालकांना ही संधी न गमावण्याचे आवाहन केले आहे. बालकांचा मोफत व सक्तीचे शिक्षणाचा अधिकार अधिनियम २००९ मधील कलम १२ (१)(C) नुसार खाजगी विना-अनुदानित व स्वयंअर्थ सहाय्यित शाळांमध्ये प्रवेश स्तरावर २५ टक्के जागा आर्थिक व सामाजिकदृष्ट्या दुर्बल घटकांतील विद्यार्थ्यांसाठी राखीव ठेवणे बंधनकारक आहे. याच तरतुदीनुसार ही प्रवेश प्रक्रिया राबविण्यात येत आहे. शासनाकडून सुधारित मार्गदर्शक सूचना जारी करण्यात आल्या असून पालकांनी अधिकृत संकेतस्थळावर जाऊन पात्रता निकष, आवश्यक कागदपत्रे व अर्ज भरण्याची सविस्तर प्रक्रिया समजून घ्यावी, असे आवाहन शिक्षणाधिकारी (प्राथमिक) यांनी केले आहे. विहित मुदतीत अर्ज न केल्यास या योजनेचा लाभ घेता येणार नसल्याने पालकांनी तातडीने नोंदणी करावी, असेही स्पष्ट करण्यात आले. जिल्ह्यातील जास्तीत जास्त पात्र विद्यार्थ्यांनी या प्रवेश प्रक्रियेत सहभागी व्हावे यासाठी शाळा, तालुकास्तर कार्यालये व शैक्षणिक संस्थांनी व्यापक जनजागृती करण्याचे निर्देश देण्यात आले आहेत. मोफत व गुणवत्तापूर्ण शिक्षणाची संधी दारात; पालकांनी १० मार्चपूर्वी अर्ज करून मुलांचे भविष्य घडवावे, असे आवाहन शिक्षण विभागाने केले आहे.