विदर्भाची पंढरी म्हणून ओळखल्या जाणाऱ्या संतनगरी शेगावला केंद्र सरकारकडून एक मोठी भेट मिळाली आहे. केंद्राच्या महत्त्वाकांक्षी फूड स्ट्रिट योजनेअंतर्गत शेगाव येथे १ कोटी रुपयांचा अत्याधुनिक फूड स्ट्रिट हब उभारण्यास मंजुरी देण्यात आली आहे. केंद्रीय आरोग्य मंत्रालय आणि भारतीय अन्न सुरक्षा व मानके प्राधिकरण (FSSAI) यांच्या संयुक्त विद्यमाने देशातील निवडक १०० ठिकाणी ही योजना राबवली जात असून, त्यामध्ये शेगावची निवड झाल्याने शहराच्या विकासाला नवे बळ मिळणार आहे. या प्रकल्पामुळे संत गजानन महाराजांच्या दर्शनासाठी येणाऱ्या लाखो भाविकांना स्वच्छ, सुरक्षित, दर्जेदार आणि पौष्टिक खाद्यपदार्थांची सुविधा उपलब्ध होणार आहे. तसेच, स्थानिक लघु व्यावसायिकांना रोजगाराच्या नव्या संधी मिळणार आहेत. "भाविकांची सेवा आणि स्थानिक रोजगाराला चालना" हे या प्रकल्पाचे प्रमुख उद्दिष्ट असून, लाखो भक्तांसाठी ही सुविधा वरदान ठरणार आहे. शेगावच्या विकासाच्या दिशेने हे आणखी एक महत्त्वाचे पाऊल मानले जात आहे.

Sachin kadukar

Photographer Shegaon, Buldhana•

14 hrs ago

विदर्भाची पंढरी म्हणून ओळखल्या जाणाऱ्या संतनगरी शेगावला केंद्र सरकारकडून एक मोठी भेट मिळाली आहे. केंद्राच्या महत्त्वाकांक्षी फूड स्ट्रिट योजनेअंतर्गत शेगाव येथे १ कोटी रुपयांचा अत्याधुनिक फूड स्ट्रिट हब उभारण्यास मंजुरी देण्यात आली आहे. केंद्रीय आरोग्य मंत्रालय आणि भारतीय अन्न सुरक्षा व मानके प्राधिकरण (FSSAI) यांच्या संयुक्त विद्यमाने देशातील निवडक १०० ठिकाणी ही योजना राबवली जात असून, त्यामध्ये शेगावची निवड झाल्याने शहराच्या विकासाला नवे बळ मिळणार आहे. या प्रकल्पामुळे संत गजानन महाराजांच्या दर्शनासाठी येणाऱ्या लाखो भाविकांना स्वच्छ, सुरक्षित, दर्जेदार आणि पौष्टिक खाद्यपदार्थांची सुविधा उपलब्ध होणार आहे. तसेच, स्थानिक लघु व्यावसायिकांना रोजगाराच्या नव्या संधी मिळणार आहेत. "भाविकांची सेवा आणि स्थानिक रोजगाराला चालना" हे या प्रकल्पाचे प्रमुख उद्दिष्ट असून, लाखो भक्तांसाठी ही सुविधा वरदान ठरणार आहे. शेगावच्या विकासाच्या दिशेने हे आणखी एक महत्त्वाचे पाऊल मानले जात आहे.