*అవినీతి ఉద్యోగిపై చర్యలు తీసుకోవాలి* _డిప్యూటీ సీఎం పవన్ కళ్యాణ్, కలెక్టర్ లక్ష్మీశ స్పందించాలని ఏపీడబ్ల్యూజేఎఫ్, ఏపీబీజేఏ డిమాండ్_ *జి.కొండూరు, జులై 31,(వెలుగునాడు ప్రతినిధి)* జి.కొండూరు మండలం పరిధిలోని వెలగలేరు గ్రామంలో 2021 నవంబర్ నుండి 2022 జనవరి వరకు ఇన్చార్జి పంచాయతీ కార్యదర్శిగా విధులు నిర్వహించిన ఏటుకూరి బసవలింగేశ్వరరావు ఆ పంచాయతీ నిధులలో అవినీతికి పాల్పడినట్లు ఉన్నతాధికారుల విచారణలో తేలింది.ఈ వ్యవహారంపై వార్త ప్రచురించిన జి.కొండూరు మండల విలేకరి చింతకాయల రాంబాబుపై,ఫిర్యాదు చేసిన ఫిర్యాదుదారుపై,విచారణ చేసిన విచారణాధికారిపై పరువు నష్టం దావా నోటీసులు పంపిన బసవలింగేశ్వరావుపై వెంటనే చర్యలు తీసుకోవాలని ఏపీడబ్ల్యూజేఎఫ్,ఏపీ బీజేఏ డిమాండ్ చేశాయి.ఈ మేరకు శుక్రవారం జి.కొండూరు మండల అభివృద్ధి అధికారికి సంఘం నాయకులు వినతిపత్రం అందించారు.ఈ సందర్భంగా ఏపీ బీజేఏ ఎన్టీఆర్ జిల్లా ప్రధాన కార్యదర్శి రాఘవులు మాట్లాడుతూ పంచాయతీ అవినీతికి పాల్పడమే కాకుండా వార్త రాసిన విలేకరిని బెదిరించే విధంగా లీగల్ నోటీసులు పంపడాన్ని తీవ్రంగా ఖండించారు.మొత్తం రూ. 15,89,390 అవినీతి జరిగిందని అధికారులు లెక్క తేల్చారని,ఈ అవినీతిపై 107 పేజీల నివేదిక ఉందని తెలిపారు.ఇంత మొత్తంలో ప్రజాధనం దుర్వినియోగమైతే వార్త రాసిన విలేకరిని బెదిరించడమేమిటని,ఇంతవరకు ఆ ఉద్యోగిపై ఎందుకు చర్యలు తీసుకోలేదని ప్రశ్నించారు.డిప్యూటీ సీఎం పవన్ కళ్యాణ్,జిల్లా కలెక్టర్ లక్ష్మీశ కలగజేసుకొని అవినీతికి పాల్పడిన పంచాయతీ కార్యదర్శిని ఉద్యోగం నుండి తొలగించాలని డిమాండ్ చేశారు. లేనిపక్షంలో భవిష్యత్తులో ఉద్యమ కార్యచరణ సిద్ధం చేసుకుంటామని హెచ్చరించారు.ఈ కార్యక్రమంలో ఏపీడబ్ల్యూజేఎఫ్ మైలవరం నియోజకవర్గ ప్రధాన కార్యదర్శి సురేష్ బాబు వీసం,ఏపీ బీజేఏ మైలవరం నియోజకవర్గ ప్రధాన కార్యదర్శి దాసి ప్రతాప్,ఏపీడబ్ల్యూజేఎఫ్ ఎన్టీఆర్ జిల్లా కమిటీ సభ్యులు వేముల నాగరాజు,రిపోర్టర్ పి.నరేష్, తదితరులు పాల్గొన్నారు.

వేముల నాగరాజు

ఇబ్రహీంపట్నం, ఎన్టీఆర్, ఆంధ్రప్రదేశ్•

3 hrs ago

*అవినీతి ఉద్యోగిపై చర్యలు తీసుకోవాలి* _డిప్యూటీ సీఎం పవన్ కళ్యాణ్, కలెక్టర్ లక్ష్మీశ స్పందించాలని ఏపీడబ్ల్యూజేఎఫ్, ఏపీబీజేఏ డిమాండ్_ *జి.కొండూరు, జులై 31,(వెలుగునాడు ప్రతినిధి)* జి.కొండూరు మండలం పరిధిలోని వెలగలేరు గ్రామంలో 2021 నవంబర్ నుండి 2022 జనవరి వరకు ఇన్చార్జి పంచాయతీ కార్యదర్శిగా విధులు నిర్వహించిన ఏటుకూరి బసవలింగేశ్వరరావు ఆ పంచాయతీ నిధులలో అవినీతికి పాల్పడినట్లు ఉన్నతాధికారుల విచారణలో తేలింది.ఈ వ్యవహారంపై వార్త ప్రచురించిన జి.కొండూరు మండల విలేకరి చింతకాయల రాంబాబుపై,ఫిర్యాదు చేసిన ఫిర్యాదుదారుపై,విచారణ చేసిన విచారణాధికారిపై పరువు నష్టం దావా నోటీసులు పంపిన బసవలింగేశ్వరావుపై వెంటనే చర్యలు తీసుకోవాలని ఏపీడబ్ల్యూజేఎఫ్,ఏపీ బీజేఏ డిమాండ్ చేశాయి.ఈ మేరకు శుక్రవారం జి.కొండూరు మండల అభివృద్ధి అధికారికి సంఘం నాయకులు వినతిపత్రం అందించారు.ఈ సందర్భంగా ఏపీ బీజేఏ ఎన్టీఆర్ జిల్లా ప్రధాన కార్యదర్శి రాఘవులు మాట్లాడుతూ పంచాయతీ అవినీతికి పాల్పడమే కాకుండా వార్త రాసిన విలేకరిని బెదిరించే విధంగా లీగల్ నోటీసులు పంపడాన్ని తీవ్రంగా ఖండించారు.మొత్తం రూ. 15,89,390 అవినీతి జరిగిందని అధికారులు లెక్క తేల్చారని,ఈ అవినీతిపై 107 పేజీల నివేదిక ఉందని తెలిపారు.ఇంత మొత్తంలో ప్రజాధనం దుర్వినియోగమైతే వార్త రాసిన విలేకరిని బెదిరించడమేమిటని,ఇంతవరకు ఆ ఉద్యోగిపై ఎందుకు చర్యలు తీసుకోలేదని ప్రశ్నించారు.డిప్యూటీ సీఎం పవన్ కళ్యాణ్,జిల్లా కలెక్టర్ లక్ష్మీశ కలగజేసుకొని అవినీతికి పాల్పడిన పంచాయతీ కార్యదర్శిని ఉద్యోగం నుండి తొలగించాలని డిమాండ్ చేశారు. లేనిపక్షంలో భవిష్యత్తులో ఉద్యమ కార్యచరణ సిద్ధం చేసుకుంటామని హెచ్చరించారు.ఈ కార్యక్రమంలో ఏపీడబ్ల్యూజేఎఫ్ మైలవరం నియోజకవర్గ ప్రధాన కార్యదర్శి సురేష్ బాబు వీసం,ఏపీ బీజేఏ మైలవరం నియోజకవర్గ ప్రధాన కార్యదర్శి దాసి ప్రతాప్,ఏపీడబ్ల్యూజేఎఫ్ ఎన్టీఆర్ జిల్లా కమిటీ సభ్యులు వేముల నాగరాజు,రిపోర్టర్ పి.నరేష్, తదితరులు పాల్గొన్నారు.