अहिल्यानगर जिल्ह्यातील पाथर्डी तालुक्यातील कासार पिंपळगाव येथे राजमाता पुण्यश्लोक अहिल्यादेवी होळकर यांची ३०१ वी जयंती मोठ्या उत्साहात साजरी करण्यात आली. यासोबतच एसटी बस चालक दिलिप दशरथ राजळे यांच्या सेवानिवृत्तीनिमित्त सन्मान सोहळा आणि कासार पिंपळगावची ग्रामसभाही उत्साहात पार पडली. देशभरात अहिल्यादेवी होळकर यांची ३०१ वी जयंती साजरी झाली, त्याच अनुषंगाने कासार पिंपळगावातील विठ्ठल रुक्मिणी मंदिरात अहिल्यादेवींच्या प्रतिमेचे पूजन करण्यात आले. हे पूजन माजी सरपंच मोनालीताई राजळे, सेवानिवृत्त एसटी बस चालक दिलिप राजळे आणि पत्रकार सुनिल नजन यांच्या हस्ते झाले. एसटी महामंडळाच्या पाथर्डी आगाराचे चालक दिलिप दशरथ राजळे यांनी प्रदीर्घ सेवेनंतर निवृत्ती घेतल्याबद्दल ग्रामस्थांच्या वतीने त्यांचा सन्मान करण्यात आला. यानंतर प्रशासक मोनालीताई राजळे यांच्या मार्गदर्शनाखाली ग्रामसभेचे आयोजन करण्यात आले होते. या सभेत अनेक नागरिकांनी गावातील कचरा कुंड्या, स्मशानभूमीवरील खर्च, खराब रस्ते, वारंवार विस्कळीत होणारा सार्वजनिक पिण्याच्या पाणीपुरवठा, विजेचा लपंडाव, तसेच ग्रामपंचायतीने केलेल्या विविध विकासकामांवरील खर्च अशा अनेक बाबींवर प्रश्न उपस्थित केले. लोकशाहीमध्ये पारदर्शक कारभारासाठी सार्वजनिक हिताचे प्रश्न विचारणे हा नागरिकांचा मूलभूत अधिकार असल्याचे अधोरेखित झाले. एका सुज्ञ नागरिकाने लहानपणापासून दारूबंदीसाठी अनेक ठराव मांडून प्रयत्न केल्याचे सांगितले, पण आजपर्यंत गावात दारूबंदी झालीच नाही, असे म्हणताच सभेत हास्यांचा कल्लोळ उठला. दारूबंदी आणि मटका बंदीसाठी थेट जिल्हा स्थानिक गुन्हे शाखेला (एलसीबी) पत्र देण्याची सूचना करण्यात आली. अंगणवाडीचे नाव बदलण्याची आणि सरकारी प्राथमिक आरोग्य केंद्रात कर्मचाऱ्यांच्या अनुपलब्धतेबाबत जिल्हा आरोग्य अधिकारी यांना पत्र देण्याची मागणीही नागरिकांनी केली. सुरुवातीला कोरमअभावी तहकूब होण्याच्या मार्गावर असलेली ही ग्रामसभा नंतर मोठ्या संख्येने ग्रामस्थ सहभागी झाल्यामुळे यशस्वी झाली आणि नेहमीपेक्षा जास्त प्रश्न विचारले गेले. ग्रामविकास अधिकारी प्रमोद म्हस्के यांनी मुख्यमंत्री समृद्ध पंचायतराज अभियानांतर्गत गावाने १५ लाख रुपयांचे तालुक्यातील पहिले बक्षीस मिळवण्यासाठी केलेल्या प्रयत्नांबद्दल सर्वांचे, विशेषतः युवा वर्गाचे आभार मानले. प्रशासक मोनालीताई राजळे यांनी अध्यक्षीय भाषणात आवाहन केले की, राजकारण फक्त निवडणुकांपुरते मर्यादित ठेवावे आणि आता विकासकामांत सर्वांनी एकत्र येऊन काम करावे. विकास कामे करताना आपल्याकडून काही चुका झाल्या असतील, कोणी दुखावले गेले असेल किंवा काही घटकांना न्याय देता आला नसेल तर मोठ्या मनाने माफ करावे, पण आता खांद्याला खांदा लावून विकासासाठी काम करावे. विकास कामासाठी गावाला बक्षीस मिळाले तर तो गावाचा सन्मान असून त्यात आपले नाव मोठे होणार आहे, आपण फक्त निमित्तमात्र आहोत असे त्यांनी नमूद केले. येत्या २ जून रोजी मुख्यमंत्री समृद्ध पंचायतराज अभियानांतर्गत जिल्हास्तरीय बक्षीस मिळवण्यासाठी सांगली जिल्ह्यातील एक समिती गावात पाहणीसाठी येणार आहे. या समितीच्या स्वागतासाठी गावातील सर्वसामान्य घटकांनी पुढे यावे, सर्व सरकारी कार्यालये उजळून निघावीत आणि प्रत्येक महिलेने आपल्या घरासमोर रांगोळी, सडा-सारवण करून परिसर स्वच्छ ठेवावा, असे आवाहन मोनालीताई राजळे यांनी केले. शाळा, अंगणवाडी, सार्वजनिक पाणीपुरवठा केंद्रे, मंदिरे, सरकारी दवाखाना, पशु उपचार केंद्र, वाचनालय, परसबाग, ग्रामपंचायत कार्यालय, स्मशानभूमीसह सर्व सरकारी कार्यालये आणि परिसराची स्वच्छता राखण्याचे आवाहन त्यांनी केले. गावातील मतभेद विसरून सर्व ग्रामस्थांनी या समितीच्या स्वागतासाठी सज्ज व्हावे, असेही त्यांनी सांगितले. या ग्रामसभेत युवा नेते संदिप राजळे, गोरक्षनाथ राजळे सर, दिलिप राजळे सर, भा.पा.राजळे, गणेश भगत, प्रमोद तिजोरे, नवनाथ तिजोरे, अंकुश जगताप, विजय राजळे, उत्तम राजळे, अमोल म्हस्के यांसह अनेकांनी प्रश्न उपस्थित केले. दत्तात्रय शेळके सर यांनी जनगणना करताना भिल्ल समाज वस्तीला पिण्याचे पाणी मिळत नसल्याचा गंभीर प्रश्न मांडला, ज्यामुळे गावात भिल्ल वस्तीत पाणीटंचाई असल्याचे स्पष्ट झाले. एकंदरीत, खेळीमेळीच्या वातावरणात ही ग्रामसभा संपन्न झाली, ज्यात गावातील आजी-माजी ग्रामपंचायत सदस्य आणि पदाधिकारी मोठ्या संख्येने उपस्थित होते.

Pramod dada bari

Pachora, Jalgaon•

6 hrs ago

अहिल्यानगर जिल्ह्यातील पाथर्डी तालुक्यातील कासार पिंपळगाव येथे राजमाता पुण्यश्लोक अहिल्यादेवी होळकर यांची ३०१ वी जयंती मोठ्या उत्साहात साजरी करण्यात आली. यासोबतच एसटी बस चालक दिलिप दशरथ राजळे यांच्या सेवानिवृत्तीनिमित्त सन्मान सोहळा आणि कासार पिंपळगावची ग्रामसभाही उत्साहात पार पडली. देशभरात अहिल्यादेवी होळकर यांची ३०१ वी जयंती साजरी झाली, त्याच अनुषंगाने कासार पिंपळगावातील विठ्ठल रुक्मिणी मंदिरात अहिल्यादेवींच्या प्रतिमेचे पूजन करण्यात आले. हे पूजन माजी सरपंच मोनालीताई राजळे, सेवानिवृत्त एसटी बस चालक दिलिप राजळे आणि पत्रकार सुनिल नजन यांच्या हस्ते झाले. एसटी महामंडळाच्या पाथर्डी आगाराचे चालक दिलिप दशरथ राजळे यांनी प्रदीर्घ सेवेनंतर निवृत्ती घेतल्याबद्दल ग्रामस्थांच्या वतीने त्यांचा सन्मान करण्यात आला. यानंतर प्रशासक मोनालीताई राजळे यांच्या मार्गदर्शनाखाली ग्रामसभेचे आयोजन करण्यात आले होते. या सभेत अनेक नागरिकांनी गावातील कचरा कुंड्या, स्मशानभूमीवरील खर्च, खराब रस्ते, वारंवार विस्कळीत होणारा सार्वजनिक पिण्याच्या पाणीपुरवठा, विजेचा लपंडाव, तसेच ग्रामपंचायतीने केलेल्या विविध विकासकामांवरील खर्च अशा अनेक बाबींवर प्रश्न उपस्थित केले. लोकशाहीमध्ये पारदर्शक कारभारासाठी सार्वजनिक हिताचे प्रश्न विचारणे हा नागरिकांचा मूलभूत अधिकार असल्याचे अधोरेखित झाले. एका सुज्ञ नागरिकाने लहानपणापासून दारूबंदीसाठी अनेक ठराव मांडून प्रयत्न केल्याचे सांगितले, पण आजपर्यंत गावात दारूबंदी झालीच नाही, असे म्हणताच सभेत हास्यांचा कल्लोळ उठला. दारूबंदी आणि मटका बंदीसाठी थेट जिल्हा स्थानिक गुन्हे शाखेला (एलसीबी) पत्र देण्याची सूचना करण्यात आली. अंगणवाडीचे नाव बदलण्याची आणि सरकारी प्राथमिक आरोग्य केंद्रात कर्मचाऱ्यांच्या अनुपलब्धतेबाबत जिल्हा आरोग्य अधिकारी यांना पत्र देण्याची मागणीही नागरिकांनी केली. सुरुवातीला कोरमअभावी तहकूब होण्याच्या मार्गावर असलेली ही ग्रामसभा नंतर मोठ्या संख्येने ग्रामस्थ सहभागी झाल्यामुळे यशस्वी झाली आणि नेहमीपेक्षा जास्त प्रश्न विचारले गेले. ग्रामविकास अधिकारी प्रमोद म्हस्के यांनी मुख्यमंत्री समृद्ध पंचायतराज अभियानांतर्गत गावाने १५ लाख रुपयांचे तालुक्यातील पहिले बक्षीस मिळवण्यासाठी केलेल्या प्रयत्नांबद्दल सर्वांचे, विशेषतः युवा वर्गाचे आभार मानले. प्रशासक मोनालीताई राजळे यांनी अध्यक्षीय भाषणात आवाहन केले की, राजकारण फक्त निवडणुकांपुरते मर्यादित ठेवावे आणि आता विकासकामांत सर्वांनी एकत्र येऊन काम करावे. विकास कामे करताना आपल्याकडून काही चुका झाल्या असतील, कोणी दुखावले गेले असेल किंवा काही घटकांना न्याय देता आला नसेल तर मोठ्या मनाने माफ करावे, पण आता खांद्याला खांदा लावून विकासासाठी काम करावे. विकास कामासाठी गावाला बक्षीस मिळाले तर तो गावाचा सन्मान असून त्यात आपले नाव मोठे होणार आहे, आपण फक्त निमित्तमात्र आहोत असे त्यांनी नमूद केले. येत्या २ जून रोजी मुख्यमंत्री समृद्ध पंचायतराज अभियानांतर्गत जिल्हास्तरीय बक्षीस मिळवण्यासाठी सांगली जिल्ह्यातील एक समिती गावात पाहणीसाठी येणार आहे. या समितीच्या स्वागतासाठी गावातील सर्वसामान्य घटकांनी पुढे यावे, सर्व सरकारी कार्यालये उजळून निघावीत आणि प्रत्येक महिलेने आपल्या घरासमोर रांगोळी, सडा-सारवण करून परिसर स्वच्छ ठेवावा, असे आवाहन मोनालीताई राजळे यांनी केले. शाळा, अंगणवाडी, सार्वजनिक पाणीपुरवठा केंद्रे, मंदिरे, सरकारी दवाखाना, पशु उपचार केंद्र, वाचनालय, परसबाग, ग्रामपंचायत कार्यालय, स्मशानभूमीसह सर्व सरकारी कार्यालये आणि परिसराची स्वच्छता राखण्याचे आवाहन त्यांनी केले. गावातील मतभेद विसरून सर्व ग्रामस्थांनी या समितीच्या स्वागतासाठी सज्ज व्हावे, असेही त्यांनी सांगितले. या ग्रामसभेत युवा नेते संदिप राजळे, गोरक्षनाथ राजळे सर, दिलिप राजळे सर, भा.पा.राजळे, गणेश भगत, प्रमोद तिजोरे, नवनाथ तिजोरे, अंकुश जगताप, विजय राजळे, उत्तम राजळे, अमोल म्हस्के यांसह अनेकांनी प्रश्न उपस्थित केले. दत्तात्रय शेळके सर यांनी जनगणना करताना भिल्ल समाज वस्तीला पिण्याचे पाणी मिळत नसल्याचा गंभीर प्रश्न मांडला, ज्यामुळे गावात भिल्ल वस्तीत पाणीटंचाई असल्याचे स्पष्ट झाले. एकंदरीत, खेळीमेळीच्या वातावरणात ही ग्रामसभा संपन्न झाली, ज्यात गावातील आजी-माजी ग्रामपंचायत सदस्य आणि पदाधिकारी मोठ्या संख्येने उपस्थित होते.