எழுமின், விழிமின். இலக்கை அடையும் வரை ஓயாது உழைமின் - இந்த வீர முழக்கத்தை வழங்கிய சுவாமி விவேகானந்தர் 1863ஆம் ஆண்டு ஜனவரி மாதம் 12ஆம் நாள் கல்கத்தாவில் பிறந்தார். இவருக்கு இவரது பெற்றோர் இட்ட பெயர் நரேந்திரநாத். இவரது ஜாதகத்தைப் பார்த்த ஜோதிடர் ஒருவர் இவரது பெற்றோரிடம் சொன்னாராம், இவன் ஒன்று நாட்டை ஆளும் மாமன்னனாவான், அல்லது உலக வாழ்க்கையைத் துறந்து சன்னியாசியாவான் என்று. சிறு வயதிலிருந்தே தியானசித்தராகவும் அதிபுத்திசாலியாகவும் விளங்கிய நரேந்திரர் தனது பதினெட்டாம் வயதில் இராமகிருஷ்ண பரமஹம்சரை சந்தித்த பிறகு ஆன்மீக வாழ்க்கையில் ஒரு தெளிவான பாதையைக் கண்டடைந்தார். 1886 ஆம் வருடம் இராமகிருஷ்ண பரமஹம்சரின் மறைவுக்குப் பிறகு நரேந்திரர் துறவறம் பூண்டு சுவாமி விவேகானந்தர் என்ற பெயரை ஏற்றார். பிறகு நான்கு ஆண்டுகள் இந்தியா முழுவதும் சுற்றுப்பயணம் மேற்கொண்டார். தனது முப்பதாம் வயதில் அமெரிக்கா சென்று சிகாகோ நகரில் நடந்த உலக சமய மாநாட்டில் கலந்து கொண்டு இந்து சமயத்தின் சார்பில் சொற்பொழிவுகளாற்றினார். அவற்றிற்கு பெரும் வரவேற்பு கிடைத்தது. மேலை நாடுகளில் வேதாந்தமும் யோகமும் அறிமுகமாவதற்கு விவேகானந்தர் பெரும் பங்காற்றினார் என்று சொன்னால் அது மிகையல்ல. தலைமுறை தலைமுறையாக இளைஞர்களுக்கு ஒரு வழிகாட்டியாகத் திகழும் சுவாமி விவேகானந்தர் அவர்களுடைய பிறந்த தினமான ஜனவரி 12, தேசிய இளைஞர் தினம் என்ற பெயரில் வருடாவருடம் கொண்டாடப்படும் என்று 1984ஆம் வருடம் இந்திய அரசாங்கம் அறிவித்து, அதன்படியே 1985 முதல் கொண்டாடப்பட்டு வருகிறது.

Subramani Press Reporter Subramani

திண்டுக்கல் கிழக்கு, திண்டுக்கல், தமிழ்நாடு•

2 hrs ago

எழுமின், விழிமின். இலக்கை அடையும் வரை ஓயாது உழைமின் - இந்த வீர முழக்கத்தை வழங்கிய சுவாமி விவேகானந்தர் 1863ஆம் ஆண்டு ஜனவரி மாதம் 12ஆம் நாள் கல்கத்தாவில் பிறந்தார். இவருக்கு இவரது பெற்றோர் இட்ட பெயர் நரேந்திரநாத். இவரது ஜாதகத்தைப் பார்த்த ஜோதிடர் ஒருவர் இவரது பெற்றோரிடம் சொன்னாராம், இவன் ஒன்று நாட்டை ஆளும் மாமன்னனாவான், அல்லது உலக வாழ்க்கையைத் துறந்து சன்னியாசியாவான் என்று. சிறு வயதிலிருந்தே தியானசித்தராகவும் அதிபுத்திசாலியாகவும் விளங்கிய நரேந்திரர் தனது பதினெட்டாம் வயதில் இராமகிருஷ்ண பரமஹம்சரை சந்தித்த பிறகு ஆன்மீக வாழ்க்கையில் ஒரு தெளிவான பாதையைக் கண்டடைந்தார். 1886 ஆம் வருடம் இராமகிருஷ்ண பரமஹம்சரின் மறைவுக்குப் பிறகு நரேந்திரர் துறவறம் பூண்டு சுவாமி விவேகானந்தர் என்ற பெயரை ஏற்றார். பிறகு நான்கு ஆண்டுகள் இந்தியா முழுவதும் சுற்றுப்பயணம் மேற்கொண்டார். தனது முப்பதாம் வயதில் அமெரிக்கா சென்று சிகாகோ நகரில் நடந்த உலக சமய மாநாட்டில் கலந்து கொண்டு இந்து சமயத்தின் சார்பில் சொற்பொழிவுகளாற்றினார். அவற்றிற்கு பெரும் வரவேற்பு கிடைத்தது. மேலை நாடுகளில் வேதாந்தமும் யோகமும் அறிமுகமாவதற்கு விவேகானந்தர் பெரும் பங்காற்றினார் என்று சொன்னால் அது மிகையல்ல. தலைமுறை தலைமுறையாக இளைஞர்களுக்கு ஒரு வழிகாட்டியாகத் திகழும் சுவாமி விவேகானந்தர் அவர்களுடைய பிறந்த தினமான ஜனவரி 12, தேசிய இளைஞர் தினம் என்ற பெயரில் வருடாவருடம் கொண்டாடப்படும் என்று 1984ஆம் வருடம் இந்திய அரசாங்கம் அறிவித்து, அதன்படியே 1985 முதல் கொண்டாடப்பட்டு வருகிறது.