विधानसभेत आ. श्रीजया चव्हाण भावूक महिलांसाठी समान संधींची ठाम मागणी. नांदेड l भोकर विधानसभा मतदारसंघाच्या भाजपा आमदार श्रीजया चव्हाण आज आपल्या राजकीय प्रवासाबद्दल विधानसभेत बोलताना भावूक झाल्याचे दिसून आले. मी पहिल्यांदाच निवडून आलेली आमदार आहे. मला भाऊ नाही, पण अभिमानाने सांगते की, माझ्या नांदेड जिल्ह्यातील आणि भोकर मतदारसंघातील ज्येष्ठ नेते, पदाधिकारी, कार्यकर्ते आणि सहकाऱ्यांनी मला भावासारखी साथ दिली. त्यांच्या खंबीर पाठिंब्यामुळेच मी लोकांचे प्रश्न मांडू शकत आहे, अशा भावनांनी ओथंबलेल्या शब्दांत त्यांनी आपल्या सहकाऱ्यांप्रती कृतज्ञता व्यक्त केली. जागतिक महिला दिनाचे औचित्य साधून विधानसभेचे अध्यक्ष अॅड. राहुल नार्वेकर यांनी महिलांसाठी शासकीय योजना व उपाययोजना या विषयावर प्रस्ताव मांडला होता. त्या चर्चेत सहभागी होताना आ. श्रीजया चव्हाण यांनी महिलांशी निगडित अनेक विषयांवर मते मांडली. आम्ही जिजाऊ, अहिल्यादेवी, राणी लक्ष्मीबाई, सावित्रीआई आणि रमाईच्या लेकी आहोत. कुटुंबासाठी आणि देशासाठी समर्पित भावनेने काम करण्याची आमची वृत्ती आहे. त्यामुळे आम्हाला कोणतीही सवलत नको, तर कर्तृत्व सिद्ध करण्यासाठी समान संधी हवी, या शब्दांत त्यांनी स्त्री-शक्तीचा जागर केला. राज्य सरकारच्या लाडकी बहीण योजनेसाठी ६५ वर्षांची वयोमर्यादा आहे. मात्र, पासष्टी ओलांडलेल्या अनेक महिलांना आरोग्याची काळजी घेण्यासाठी किंवा दैनंदिन गरजांसाठी आर्थिक मदतीची आवश्यकता असते. त्यामुळे सरकारने या वयोमर्यादेचा फेरविचार करून ती ७५ वर्षांपर्यंत वाढवावी, अशी आग्रही मागणी त्यांनी यावेळी केली. इडब्ल्यूएस, ओबीसी व एसईबीसी प्रवर्गातील मुलींना व्यावसायिक अभ्यासक्रमांच्या शिक्षण व परीक्षा शुल्कात १०० टक्के सवलत देण्याच्या निर्णयाचेही त्यांनी कौतुक केले. महिला दिन हा केवळ शुभेच्छा देण्याचा किंवा सन्मान करण्याचा वर्षातला एकच दिवस नसावा. स्त्रीचा सन्मान हा संस्कार असून तो वर्षाचे ३६५ दिवस जपला गेला पाहिजे. विकसित भारत आणि विकसित महाराष्ट्राचे स्वप्न महिलांच्या सहभागाशिवाय पूर्ण होऊ शकणार नाही, असेही त्यांनी ठामपणे नमूद केले.

Informative news

Nanded, Maharashtra•

on 11 March

विधानसभेत आ. श्रीजया चव्हाण भावूक महिलांसाठी समान संधींची ठाम मागणी. नांदेड l भोकर विधानसभा मतदारसंघाच्या भाजपा आमदार श्रीजया चव्हाण आज आपल्या राजकीय प्रवासाबद्दल विधानसभेत बोलताना भावूक झाल्याचे दिसून आले. मी पहिल्यांदाच निवडून आलेली आमदार आहे. मला भाऊ नाही, पण अभिमानाने सांगते की, माझ्या नांदेड जिल्ह्यातील आणि भोकर मतदारसंघातील ज्येष्ठ नेते, पदाधिकारी, कार्यकर्ते आणि सहकाऱ्यांनी मला भावासारखी साथ दिली. त्यांच्या खंबीर पाठिंब्यामुळेच मी लोकांचे प्रश्न मांडू शकत आहे, अशा भावनांनी ओथंबलेल्या शब्दांत त्यांनी आपल्या सहकाऱ्यांप्रती कृतज्ञता व्यक्त केली. जागतिक महिला दिनाचे औचित्य साधून विधानसभेचे अध्यक्ष अॅड. राहुल नार्वेकर यांनी महिलांसाठी शासकीय योजना व उपाययोजना या विषयावर प्रस्ताव मांडला होता. त्या चर्चेत सहभागी होताना आ. श्रीजया चव्हाण यांनी महिलांशी निगडित अनेक विषयांवर मते मांडली. आम्ही जिजाऊ, अहिल्यादेवी, राणी लक्ष्मीबाई, सावित्रीआई आणि रमाईच्या लेकी आहोत. कुटुंबासाठी आणि देशासाठी समर्पित भावनेने काम करण्याची आमची वृत्ती आहे. त्यामुळे आम्हाला कोणतीही सवलत नको, तर कर्तृत्व सिद्ध करण्यासाठी समान संधी हवी, या शब्दांत त्यांनी स्त्री-शक्तीचा जागर केला. राज्य सरकारच्या लाडकी बहीण योजनेसाठी ६५ वर्षांची वयोमर्यादा आहे. मात्र, पासष्टी ओलांडलेल्या अनेक महिलांना आरोग्याची काळजी घेण्यासाठी किंवा दैनंदिन गरजांसाठी आर्थिक मदतीची आवश्यकता असते. त्यामुळे सरकारने या वयोमर्यादेचा फेरविचार करून ती ७५ वर्षांपर्यंत वाढवावी, अशी आग्रही मागणी त्यांनी यावेळी केली. इडब्ल्यूएस, ओबीसी व एसईबीसी प्रवर्गातील मुलींना व्यावसायिक अभ्यासक्रमांच्या शिक्षण व परीक्षा शुल्कात १०० टक्के सवलत देण्याच्या निर्णयाचेही त्यांनी कौतुक केले. महिला दिन हा केवळ शुभेच्छा देण्याचा किंवा सन्मान करण्याचा वर्षातला एकच दिवस नसावा. स्त्रीचा सन्मान हा संस्कार असून तो वर्षाचे ३६५ दिवस जपला गेला पाहिजे. विकसित भारत आणि विकसित महाराष्ट्राचे स्वप्न महिलांच्या सहभागाशिवाय पूर्ण होऊ शकणार नाही, असेही त्यांनी ठामपणे नमूद केले.