देगलूर येथील न्यायालयाच्या परिसरासह विविध सार्वजनिक ठिकाणी महास्वच्छता अभियान यशस्वीरित्या राबविण्यात आले. न्यायाधिश रवींद्र राठोड यांच्या अध्यक्षतेखाली आयोजित या अभियानाला नागरिकांकडून मोठा प्रतिसाद लाभला. या अभियानादरम्यान गांधी चौक ते डॉक्टर बाबासाहेब आंबेडकर पुतळा आणि लोकशाहीर अण्णाभाऊ साठे चौकात स्वच्छता करण्यात आली. न्यायव्यवस्था, प्रशासन, पोलीस, नगर परिषद, वकील आणि नागरिक अशा विविध घटकांनी एकत्र येऊन हातात झाडू घेऊन सक्रिय सहभाग घेतला. या महास्वच्छता अभियानाचे आयोजन नगर परिषदेच्या मुख्याधिकारी निलमताई कांबळे यांनी केले होते. या अभियानाचा मुख्य उद्देश नागरिकांमध्ये स्वच्छतेबद्दल जनजागृती घडवून आणणे हा होता. प्रशासनाने नियमित साफसफाई, कचरा व्यवस्थापन आणि नियमांची काटेकोर अंमलबजावणी करणे गरजेचे असून, नागरिकांनीही स्वतःची जबाबदारी ओळखून स्वच्छतेचा संकल्प केवळ अभियानापुरता मर्यादित न ठेवता तो दैनंदिन जीवनशैलीचा अविभाज्य भाग बनवणे महत्त्वाचे आहे, असे यात अधोरेखित करण्यात आले. स्वच्छ शहर हीच आपल्या संस्कृतीची आणि नागरी शिस्तीची खरी ओळख असून, जर प्रत्येकाने हे कर्तव्य निभावले तरच "स्वच्छ देगलूर, सुंदर देगलूर" हे स्वप्न प्रत्यक्षात साकार होईल. या महास्वच्छता अभियानाचा समारोप नगर परिषदेसमोर करण्यात आला. याप्रसंगी उपजिल्हाधिकारी अनुप पाटील, तहसीलदार भरत सूर्यवंशी, पोलीस निरीक्षक सुर्यमोहन बोलमवाड, उपनगराध्यक्ष अ‌ॅडव्हकेट अंकुश देसाई, गटविकास अधिकारी श्रीकांत बळदे आणि अभिवक्ता संघाचे अध्यक्ष वीरेंद्र पाटील यांच्यासह अनेक मान्यवर उपस्थित होते.

जयपाल चांदोबा दावनगीरकर

Social worker देगलूर, नांदेड, महाराष्ट्र•

4 hrs ago

देगलूर येथील न्यायालयाच्या परिसरासह विविध सार्वजनिक ठिकाणी महास्वच्छता अभियान यशस्वीरित्या राबविण्यात आले. न्यायाधिश रवींद्र राठोड यांच्या अध्यक्षतेखाली आयोजित या अभियानाला नागरिकांकडून मोठा प्रतिसाद लाभला. या अभियानादरम्यान गांधी चौक ते डॉक्टर बाबासाहेब आंबेडकर पुतळा आणि लोकशाहीर अण्णाभाऊ साठे चौकात स्वच्छता करण्यात आली. न्यायव्यवस्था, प्रशासन, पोलीस, नगर परिषद, वकील आणि नागरिक अशा विविध घटकांनी एकत्र येऊन हातात झाडू घेऊन सक्रिय सहभाग घेतला. या महास्वच्छता अभियानाचे आयोजन नगर परिषदेच्या मुख्याधिकारी निलमताई कांबळे यांनी केले होते. या अभियानाचा मुख्य उद्देश नागरिकांमध्ये स्वच्छतेबद्दल जनजागृती घडवून आणणे हा होता. प्रशासनाने नियमित साफसफाई, कचरा व्यवस्थापन आणि नियमांची काटेकोर अंमलबजावणी करणे गरजेचे असून, नागरिकांनीही स्वतःची जबाबदारी ओळखून स्वच्छतेचा संकल्प केवळ अभियानापुरता मर्यादित न ठेवता तो दैनंदिन जीवनशैलीचा अविभाज्य भाग बनवणे महत्त्वाचे आहे, असे यात अधोरेखित करण्यात आले. स्वच्छ शहर हीच आपल्या संस्कृतीची आणि नागरी शिस्तीची खरी ओळख असून, जर प्रत्येकाने हे कर्तव्य निभावले तरच "स्वच्छ देगलूर, सुंदर देगलूर" हे स्वप्न प्रत्यक्षात साकार होईल. या महास्वच्छता अभियानाचा समारोप नगर परिषदेसमोर करण्यात आला. याप्रसंगी उपजिल्हाधिकारी अनुप पाटील, तहसीलदार भरत सूर्यवंशी, पोलीस निरीक्षक सुर्यमोहन बोलमवाड, उपनगराध्यक्ष अ‌ॅडव्हकेट अंकुश देसाई, गटविकास अधिकारी श्रीकांत बळदे आणि अभिवक्ता संघाचे अध्यक्ष वीरेंद्र पाटील यांच्यासह अनेक मान्यवर उपस्थित होते.