गुरुवारी सकाळपासून बेपत्ता असलेल्या श्यामरावजी केराम (वय ३९) या युवकाचा मृतदेह शुक्रवारी सकाळी मांगालू रस्त्यालगत असलेल्या रामराव पंडित यांच्या शेतातील विहिरीत आढळून आला. या घटनेमुळे परिसरात एकच खळबळ उडाली आहे. मिळालेल्या माहितीनुसार, श्यामरावजी केराम गुरुवारी सकाळी सुमारे १० वाजता घरातून बाहेर पडले होते. रात्री उशिरापर्यंत घरी न परतल्याने नातेवाईक व ग्रामस्थांनी त्यांचा शोध सुरू केला. याच शोधमोहिमेदरम्यान त्यांचा मृतदेह विहिरीत आढळला. घटनेची माहिती मिळताच पोलीस पाटील विनोद कापसे यांनी तात्काळ नेर पोलिसांना कळवले. त्यानंतर पोलीस उपनिरीक्षक सुभाष ठाकरे आणि शिपाई चेतन राठोड यांनी घटनास्थळी भेट देऊन पंचनामा केला. पोलिसांनी या प्रकरणी अकस्मात मृत्यूची नोंद केली असून, मृत्यूचे नेमके कारण शोधण्यासाठी पुढील तपास सुरू आहे. या दुर्दैवी घटनेमुळे मांगलादेवी परिसरात तीव्र हळहळ व्यक्त करण्यात येत आहे.

Nilesh Wanjari

नेर, यवतमाळ, महाराष्ट्र•

7 hrs ago

गुरुवारी सकाळपासून बेपत्ता असलेल्या श्यामरावजी केराम (वय ३९) या युवकाचा मृतदेह शुक्रवारी सकाळी मांगालू रस्त्यालगत असलेल्या रामराव पंडित यांच्या शेतातील विहिरीत आढळून आला. या घटनेमुळे परिसरात एकच खळबळ उडाली आहे. मिळालेल्या माहितीनुसार, श्यामरावजी केराम गुरुवारी सकाळी सुमारे १० वाजता घरातून बाहेर पडले होते. रात्री उशिरापर्यंत घरी न परतल्याने नातेवाईक व ग्रामस्थांनी त्यांचा शोध सुरू केला. याच शोधमोहिमेदरम्यान त्यांचा मृतदेह विहिरीत आढळला. घटनेची माहिती मिळताच पोलीस पाटील विनोद कापसे यांनी तात्काळ नेर पोलिसांना कळवले. त्यानंतर पोलीस उपनिरीक्षक सुभाष ठाकरे आणि शिपाई चेतन राठोड यांनी घटनास्थळी भेट देऊन पंचनामा केला. पोलिसांनी या प्रकरणी अकस्मात मृत्यूची नोंद केली असून, मृत्यूचे नेमके कारण शोधण्यासाठी पुढील तपास सुरू आहे. या दुर्दैवी घटनेमुळे मांगलादेवी परिसरात तीव्र हळहळ व्यक्त करण्यात येत आहे.